Category: Infocom

🇺🇸🇺🇦 ԱՄՆ նախագահ Դոնալդ Թրամփը Սպիտակ տանը Ֆրանսիայի նախագահ Էմանուել Մակրոնի հետ հանդիպումից հետո հայտարարել է, որ «օգնում է Ուկրաինային այնպես, ինչպես ոչ ոք երբեք չի օգնել», և նշել է, որ հակամարտությունը կարող է ավարտվել շաբաթների ընթացքում:
🗣 Թրամփը նաև նշել է, որ Ուկրաինան կարող է վերադարձնել իր տարածքների մի մասը, սակայն Կիևը հնարավոր զիջումների մասին հարցին հստակ պատասխան չի տվել։ ԱՄՆ նախագահի կարծիքով՝ այս բախումը կարող է վերաճել երրորդ համաշխարհային պատերազմի։ Վաշինգտոնը մտադիր է թույլ չտալ դա։ |tert.am|

🇺🇦🇺🇸 Ուկրաինայի նախագահ Վլադիմիր Զելենսկին և ԱՄՆ նախագահ Դոնալդ Թրամփը G7-ի հանդիպմանը զրուցել են։
🗣 «Մենք մեծ հույս ունենք, որ Միացյալ Նահանգները կշարունակի աջակցել մեզ, ինչպես մյուս գործընկերները: Իհարկե, մենք չպետք է կորցնենք Եվրոպայի և ԱՄՆ-ի այս միասնությունը»,- ընդգծել է Ուկրաինայի նախագահը։ |armenpress.am|

🤝 ՀՀ ԱԳ նախարար Արարատ Միրզոյանը հանդիպում է ունեցել Կարմիր խաչի միջազգային կոմիտեի նախագահ Միրյանա Սպոլյարիչ Էգերի հետ։
🗣 Նախարար Միրզոյանն անդրադարձ է կատարել Ադրբեջանում ապօրինաբար պահվող հայ ռազմագերիների և պատանդառված քաղաքացիական անձանց ազատ արձակման խնդրին, ընթացող կեղծ դատավարություններին՝ մտահոգություն հայտնելով նշյալ անձանց առողջական վիճակի, նրանց նկատմամբ հնարավոր ներգործության առնչությամբ։
📌 Օրակարգային այլ հարցերի շարքում անդրադարձ է կատարվել անհայտ կորած անձանց ճակատագրերի պարզման ուղղությամբ գործադրվող և անհրաժեշտ լրացուցիչ ջանքերին։ [ՀՀ ԱԳՆ]

🇷🇺🇺🇦 ՄԱԿ 193 անդամներից բաղկացած Գլխավոր ասամբլեան 93 կողմ ձայնով ընդունեց Ուկրաինայի և եվրոպացի դաշնակիցների կողմից մշակված բանաձևը, որով Ռուսաստանը դատապարտվում է Ուկրաինա ներխուժման համար։
🔸 18 երկիր դեմ է քվեարկել, 65 երկիր՝ ձեռնպահ։ |azatutyun.am|

🇦🇲🇪🇺 Վարչապետ Նիկոլ Փաշինյանն ընդունել է ԵՄ-Հայաստան խորհրդարանական գործընկերության կոմիտեի համանախագահ Նիլս Ուշակովսի գլխավորած պատվիրակությանը:
🤝 Քննարկվել են Հայաստան-ԵՄ հարաբերությունների հետագա զարգացմանը և ՀՀ-ում ԵՄ ստանդարտների ներդրմանը վերաբերող հարցեր:
❗️Անդրադարձ է կատարվել նաև Հայաստան-Ադրբեջան հարաբերությունների կարգավորմանը, տարածաշրջանային հաղորդակցության ուղիների ապաշրջափակմանը միտված «Խաղաղության խաչմերուկ» նախագծին ու դրա սկզբունքներին, ինչպես նաև սահմանազատման գործընթացին վերաբերող հարցերի: [ՀՀ կառավարություն]

🇺🇸🇫🇷 Մակրոնը ժամանել է Սպիտակ տուն՝ Թրամփի հետ բանակցությունների:
🗣 Վաշինգտոնի ժամանակով կեսօրից հետո նախատեսվում է նախագահների համատեղ մամուլի ասուլիսը։ |factor.am|

📣 Արարատ Միրզոյանը ելույթ է ունեցել ՄԱԿ մարդու իրավունքների խորհրդում․
🗣 «Մեր արևելյան հարևանից հնչող հայտարարությունները շարունակում են կասկածի տակ դնել Հայաստանի տարածքային ամբողջականությունը՝ չնայած միմյանց տարածքային ամբողջականության ճանաչմանը՝ հիմնված 1991թ. Ալմա-Աթայի հռչակագրի վրա, որը, ի թիվս այլոց, վերահաստատել էր, որ Հայկական ԽՍՀ-ի և Ադրբեջանական ԽՍՀ-ի վարչական սահմանները դարձել էին անկախ հանրապետությունների միջազգային սահմաններ։
📌 Ավելին, հենց այս պահին Ադրբեջանում ընթանում են կեղծ դատավարություններ 23 հայ անձանց նկատմամբ, ովքեր կամայականորեն են ազատազրկված, ընդ որում՝ անտեսելով պատշաճ դատավարության համար անհրաժեշտ մարդու իրավունքների չափանիշները։
🔸 Ես կցանկանայի ևս մեկ անգամ վերահաստատել հայկական կողմի պատրաստակամությունը՝ թշնամանքի էջը շրջելու և ինստիտուցիոնալիզացված խաղաղություն հաստատելու հարցում։ Մենք ոչ միայն պատրաստ ենք դրան, այլև չենք շեղվելու այդ ուղուց», – նշել է Միրզոյանը ելույթում։

🇦🇲🇩🇪 Փաշինյանը շնորհավորել է Ֆրիդրիխ Մերցին ու ընդդիմադիր պահպանողական Քրիստոնեա-դեմոկրատական միություն և Քրիստոնեա-սոցիալական միություն դաշինքին հաղթանակի կապակցությամբ։
🗣«Հայաստանը խորապես գնահատում է իր գործընկերությունը Գերմանիայի հետ, ներառյալ՝ ԵՄ-ի շրջանակում, և ակնկալում է է՛լ ավելի ամրապնդել բազմաբնույթ համագործակցությունը, որը հիմնված է ժողովրդավարությանը մեր համատեղ հավատարմության վրա»,- գրել է Փաշինյանը X-ում։

🇦🇲🇮🇷 Ժնևում Արարատ Միրզոյանը հանդիպել է Իրանի ԱԳ նախարար Արաղչիի հետ։
📌 Հայաստանի և Իրանի նախարարները քննարկել են երկկողմ հարաբերությունների օրակարգային հարցեր։ Նրանք մտքեր են փոխանակել տարածաշրջանային զարգացումների շուրջ։ Անդրադարձ է կատարվել Հարավային Կովկասում կայունության և հարատև խաղաղության ապահովմանն ուղղված ջանքերին։
📌 Հանդիպմանն անդրադարձ է կատարվել տարածաշրջանային տնտեսական և տրանսպորտային հաղորդակցությունների ապաշրջափակման հարցերի՝ հիմնված միջազգային իրավունքի հիմնարար սկզբունքների անվերապահ հարգման վրա։
[ՀՀ ԱԳՆ]

🎒🔔 Ակնկալվում է, որ դպրոցներում «Վերջին դաս» միջոցառումները կկազմակերպվեն կրթամշակութային բովանդակությամբ․ ԿԳՄՍ-ն շրջաբերականով դիմել է Երևանի քաղաքապետարանին և ՀՀ մարզպետարաններին
🗣 «Մշակութային վերջին զանգի կազմակերպումը խրախուսելու նպատակով նախարարության կողմից նախատեսվում է նաև մրցույթի անցկացում. կձևավորվի ժյուրի, որի կողմից ընտրված լավագույն միջոցառումները կազմակերպած դպրոցները կպարգևատրվեն:
❌ «Վերջին զանգի միջոցառումների կազմակերպման շրջանակում անհրաժեշտ է բացառել դրամահավաքությունը, այդ թվում նաև ծնողների նախաձեռնությամբ կազմակերպված՝ ուղղված սցենարին, լուսանկարահանմանն ու տեսանկարահանմանը, դպրոցների և դասարանների ձևավորմանը, հագուստներին, ավարտական երեկոյին և նվերներին»,- նշվում է շրջաբերականում: