Category: Infocom

📢 Թբիլիսիում ավարտվել է խորհրդարանական ընտրությունների արդյունքների դեմ բողոքի ակցիան։ Չնայած ակցիայի ավարտվելուն՝ մի խումբ քաղաքացիներ շարունակում են մնալ խորհրդարանի շենքի դիմաց։
📌 Ընդդիմության առաջնորդները խոստացել են հետագա ծրագրերի մասին հայտարարել ավելի ուշ:

🇦🇲🇦🇿🇹🇷 Ադրբեջանն ու Հայաստանն անկեղծ ջանքեր են գործադրում տարածաշրջանում խաղաղության համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
🗣 «Ակնհայտ է, որ «3+3» հարթակն արդյունավետ է, և մենք ցանկանում ենք այն վերափոխել ինստիտուցիոնալ հարթակի։ 44-օրյա պատերազմի ավարտից հետո Հարավային Կովկասի տարածաշրջանում կայուն խաղաղության պատմական հնարավորություն է ստեղծվել։
🤝 Մենք տեսնում ենք եղբայրական Ադրբեջանի և Հայաստանի ջանքերն այդ ուղղությամբ, և Անկարան կհետևի գործընթացին։ Մենք կշարունակենք համակարգված աշխատել մեր ադրբեջանցի եղբայրների հետ»,- ասել է Էրդողանը։|tert.am|

🇭🇺🇬🇪 Հունգարիայի վարչապետ Վիկտոր Օրբանը ժամանել է Վրաստան։ Վաղը նախատեսվում է Հունգարիայի վարչապետի պաշտոնական հանդիպումը կառավարության անդամների հետ։
🇪🇺 Հիշեցնենք, որ ավելի վաղ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել էր, որ Հունգարիայի վարչապետը չի ներկայացնում Եվրամիությունը։

⚖️ ԱԺ–ում ՔՊ խմբակցության պատգամավոր Հովիկ Աղազարյանի և ՀՀ քննչական կոմիտեի նախագահ Արգիշտի Քյարամյանի միջև տեղի ունեցած միջադեպի առնչությամբ նախաձեռնվել է քրեական վարույթ։
🔸 Տեղեկությունը Sputnik Արմենիային հայտնել են ՀՀ դատախազությունից։

🇦🇲 ՀՀ ԱԳՆ-ն հայտարարում է՝ «Հայաստանը դատապարտում է միջազգային անվտանգության խաթարմանն ուղղված գործունեությունը, որը դրսևորվեց նաև անցած շաբաթ Իրանի դեմ իրականացված գործողություններում»։
🔸 «Մենք խորապես մտահոգված ենք ավելի լայն տարածաշրջանում տեղի ունեցող զարգացումներով։ Հուսով ենք, որ դիվանագիտությունը հնարավորություն կտա պաշտպանել միջազգային իրավունքն ու կանխել հետագա անցանկալի զարգացումները»,- նշել է ԱԳՆ-ն X-ում։

🗣 Այս պահի դրությամբ ռազմական էսկալացիայի վտանգ չկա. ԶՈՒ գլխավոր շտաբի պետ
🔸 Էդվարդ Ասրյանի խոսքով՝ ներկա դրությամբ այդպիսի վտանգներ, սպառնալիքներ չկան, որ Ադրբեջանը կարող է հարձակվել, իսկ իրադրությունը սահմաններում գնահատվում է հարաբերականորեն կայուն:
❓ Դիտարկմանը, թե երկրի քաղաքական ղեկավարությունը հայտարարում է, որ «առաջիկայում՝ COP29-ից հետո կարող է ռազմական էսկալացիա լինել», Ասրյանն արձագանքեց.
🔸 «Դուք առաջիկա ասելով ի՞նչ եք հասկանում: COP29-ից հետո կարող է լինել մեկ ամիս, երկու ամիս, 6-7 ամիս: Ողջամիտ ժամկետում ներկա դրությամբ Գլխավոր շտաբը չի գնահատում իրավիճակ, որ կարող է լինել պատերազմ: Արարատ Միրզոյանը գնահատում է ռազմաքաղաքական իրավիճակի հիման վրա, որը ոչ թե դիտարկում է 1-2 ամիս, այլ դիտարկում է ձեր ասած ողջամիտ ժամկետ, որը կարող է գերազանցել 6 ամիսը, մեկ տարին»:||news.am|

🗣 Կա սահմանազատման գործընթաց, և դրա շրջանակներում նախատեսվում է ՀՀ ինքնիշխան տարածքի վերականգնում համապատասխան սահմաններով․ ԳՇ պետ
❓ Էդվարդ Ասրյանը լրագրողների հետ զրույցում նշել է, որ միանշանակ համաձայն է վարչապետի այն ասածի հետ, որ պետք է ոչ ռազմական ճանապարհով օկուպացված տարածքները հետ բերվեն։
📌 Հարցին՝ վստա՞հ է, որ այդպես կլինի, որ ադրբեջանցիները հետ կքաշվեն, ԳՇ պետը դրական պատասխան տվեց. «Այո, վստահ եմ: Սահմանազատման խաղաղ գործընթացներով դա հնարավոր է իրականացնել»: