Category: Infocom

🇬🇪🇦🇿 Վրաստանի ԱԳ նախարար Իլյա Դարչիաշվիլին և Ադրբեջանի արտաքին գործերի նախարար Ջեյհուն Բայրամովը հեռախոսազրույց են ունեցել։ Այս մասին հայտնում են ադրբեջանական լրատվամիջոցները։
🔸 Նախարարները մտքեր են փոխանակել տարածաշրջանային հարցերի և միջազգային կազմակերպությունների շրջանակներում համագործակցության ուղղությունների շուրջ: |armenpress.am|

🇦🇲🇬🇪 Վարչապետ Նիկոլ Փաշինյանը շնորհավորական ուղերձ է հղել Վրաստանի վարչապետ Իրակլի Կոբախիձեին՝ կառավարության ղեկավարի պաշտոնը ստանձնելու առիթով․
🗣 «Ջերմորեն շնորհավորում եմ Վրաստանի կառավարության ղեկավարի պաշտոնը ստանձնելու կապակցությամբ և հաջողություն եմ մաղթում կարևոր և պատասխանատու այդ առաքելությունն ի շահ Վրաստանի և վրացի ժողովրդի ծառայեցնելու գործում: Բարեկամ Վրաստանի հետ բազմոլորտ համագործակցության զարգացումն ու խորացումը Հայաստանի Կառավարության արտաքին քաղաքականության առաջնահերթություններից է։
🤝 Հավատացած եմ, որ Հայաստան և Վրաստանի միջև ռազմավարական գործընկերության հաստատումը նոր հորիզոններ է բացահայտելու բոլոր ոլորտներում երկկողմ գործակցությունն առավել ընդլայնելու համար»:

🇦🇿 Բաքվի համար ռազմական ցանկացած գործողություն ավարտված է, քանի որ Ադրբեջանը վերականգնել է իր տարածքային ամբողջականությունը․ Ադրբեջանի նախագահի օգնական Հիքմեթ Հաջիև
❓Հաջիևը գերմանական ZDF-ին տված հարցազրույցում անդրադառնալով անցած տարեվերջին Իլհամ Ալիևը հայտարարությանը, որ ՀՀ հարավային շրջանները համարում է ադրբեջանական և հարցին, թե Ալիևի նպատակը Հայաստանից տարածքներ գրավե՞լն է, Հաջիևը պատասխանել է, թե Ալիևն «այլ բան է նկատի ունեցել»։
🗣 «Ադրբեջանցիները երկար ժամանակ ապրել են Հայաստանի ներկայիս տարածքում։ Խոսքը միջանձնային շփումների մասին է։ Ադրբեջանցիները նույնպես պետք է իրավունք ունենան այցելել այս տարածք, օրինակ՝ մշակութային վայրեր և գերեզմանատներ։ Սա չի նշանակում տարածքային պահանջներ Հայաստանի նկատմամբ», – ասել է Հաջիևը։
📌 Ճշտող հարցին, թե Ադրբեջանում քննարկվո՞ւմ է Հայաստանին ռազմական հարված հասցնելու տարբերակը, նա պատասխանել է՝ Բաքվի համար ռազմական ցանկացած գործողություն ավարտված է։|azatutyun.am|

🌡☀️ Օդի ջերմաստիճանը փետրվարի 9-11-ը աստիճանաբար կբարձրանա ևս 2-3 աստիճանով՝ Երևանում հասնելով +15 աստիճանի։
🌤 Փետրվարի 9-ի ցերեկը, 10-14-ին սպասվում է առանց տեղումների եղանակ։
[«Հիդրոօդերևութաբանության և մոնիթորինգի կենտրոն»]

Infocom pinned «🥳 Գիտարբուքները երկար դադարից հետո վերադառնում են․ սովորության համաձայն՝ հանդիպում ենք երկուշաբթի «Էպոս» ակումբում. սպասվող Գիտարբուքը «Մեծ արագացուցիչներ՝ փոքր մասշտաբներն ուսումնասիրելու համար» թեմայով է։ Ֆիզիկամաթեմատիկական գիտությունների թեկնածու, Ալիխանյանի…»

🇷🇺🎤 Տարբեր հարթակներում հրապարակվել է ՌԴ նախագահ Վլադիմիր Պուտինի հետ ամերիկացի լրագրող Թաքեր Կառլսոնի հարցազրույցը։ 2022թ․ փետրվարի 24-ին Ուկրաինայում ծավալած ռազմական գործողություններից ի վեր սա Պուտինի առաջին հարցազրույցն է արևմտյան լրագրողի հետ։ Հրապարակումից ընդամենը յոթ ժամ անց միայն X սոցիալական հարթակում Կառլսոնի էջում ավելի քան 2 ժամ տևող հարցազրույցն ուներ 59 միլիոն դիտում։
📌 Պուտինը նշել է՝ պատերազմը կարող է ավարտվել, եթե ԱՄՆ-ն և նրա արևմտյան գործընկերները դադարեն զենք ուղարկել Կիևին՝ մի քանի անգամ ընդգծելով, որ «ՌԴ-ն չի սկսել պատերազմն Ուկրաինայում, այլ փորձում է ավարտել այն», և որ որևէ շահագրգռվածություն չունի տարածել իր ռազմական գործողություններն այլ երկրներում, մասնավորապես՝ Լեհաստանում և Լատվիայում։
📌 Ինչ վերաբերում է Ուկրաինայում ռազմական գործողություններն ավարտելու շուրջ բանակցություններին, ՌԴ նախագահը հայտնել է, որ պատրաստ է երկխոսության և բանակցելու, սակայն դրանից հրաժարվում է Ուկրաինան։