Category: Infocom

❗️Քաղաքացիների տարբեր խմբեր այսօր փակել են Ազատության և Գայի պողոտաների, Խորենացի փողոցի հատվածներ։ Ոստիկանությունը ուժի կիրառմամբ բերման է ենթարկել Ազատության եւ Գայի պողոտաներում անհնազանդության ակցիա իրականացնող քաղաքացիների։

❗️ՀՀ մարդու իրավունքների պաշպանը հայտարարություն է տարածել` նշելով, որ վերջին ժամանակահատվածում հատկապես մեծ տարածում է ստացել էթնիկ կամ ազգային պատկանելության հիմքով ատելության խոսքը։
📌Մարդու իրավունքների պաշտպանն ընդգծում է, որ նման խոսքի կիրառումն անթույլատրելի է։ Պետությունը պետք է անհրաժեշտ միջոցներ ձեռնարկի էթնիկ կամ ազգային պատկանելության հիմքով ատելության խոսքի բացառման ուղղությամբ։ Հանրային ու քաղաքական գործիչներն իրենց հերթին պետք է բացառեն նման խոսքի կիրառումը, իսկ զանգվածային լրատվության միջոցները՝ վերջինիս տարածումը։
[ՀՀ ՄԻՊ]

📢 «Իրազեկ քաղաքացիների միավորում»-ը տեղեկացնում է, որ Հանրապետության հրապարակում «Տավուշը հանուն հայրենիքի» շարժման նախաձեռնած հանրահավաքի ամենապիկ ժամին՝ 19:20-ին հրապարակում հավաքված է եղել 11 հազար 300 մարդ:

Հատկապես երկարաժամկետ փոփոխություններ ենթադրող նախագծերը պետք է հաշվարկված լինեն․ Հովակիմ Զաքարյան
ԳԱԱ Մոլեկուլային կենսաբանության ինստիտուտի Հակավիրուսային դեղամիջոցների հայտնաբերման լաբորատորիայի ղեկավար Հովակիմ Զաքարյանը խոսում է՝
🔸 բարձրագույն կրթության և գիտության մեջ իրականացվող փոփոխություններից,
🔸 այդ փոփոխությունների հիմքում հաշվարկներ և ռիսկերի գնահատում ունենալու կարևորությունից,
🔸 «Ակադեմիական քաղաք» ծրագրի թիրախներից,
🔸 բուհերի և գիտական կազմակերպությունների միավորմամբ գիտնականների թվի աճն ապահովելու հիմնավորումների բացակայությունից,
🔸 մասնագիտական հանրության մասնակցությամբ քննարկումների սահմանափակումներից,
🔸 հանրային ռեսուրսներն արդյունավետ ծախսելու կարևորությունից։

❗️Կիրակի երեկոյան, ժամը 18:30-ին հավաքվում ենք եւ կոնկրետ պայմանավորվում ենք, թե ինչ ենք իրականացնելու, որտեղ, ինչ չափով, ինչ ձեւ։
🔸Մենք տարբեր մասնագիտական, փորձագիտական խմբերի հետ վերածրագրելու ենք մեր առաջիկա անելիքները՝ նպատակային, թիրախային։ Այսօր սրանով ամփոփում ենք։ Մեր սրտերի մեջ կրակը չմարած, մեր մտքերի մեջ՝ կամքը, ելնելու ուղղությունը ճշգրտված՝ գնալու ենք առաջ։
[Բագրատ Սրբազան]

🗣 Եթե ուզում ենք ունենալ պետություն, արժանապատիվ կյանք, պատիվ ունենալ, գործել սիրո, հաշտության, արդարության մեջ, սա է ճանապարհը, մենք ձեզ ոչ ցրում ենք, ոչ մարում ենք, հակառակ, պարտավոր ենք տեղեկացնել ձեզ, խոսել սխալների մասին, չտրվել զգացմունքներին՝ միաժամանակ չոչնչացնելով դրանք։
❗️Վաղը Հայաստանի 10-ը վայրերում, Երեւանում, մարզերում, խաղաղ անհնազանդության, անհամաձայնության գործողություններ են իրականացվելու։ Բնականաբար, դրանց մասին չենք կարող նախապես տեղեկացնել։
[Բագրատ Սրբազան]

🔸 Մինչև մյուս ուրբաթ, բոլորդ խաղաղ, բարեկիրթ, համառ զրույցներ ունեցեք ՔՊ խմբակցության պատգամավորների հետ։
📌 Շատ կարևոր է, որ մենք կարողանանք որոշակի իմաստով բացատրական աշխատանքներ տանել, շատ խաղաղ, առանց որևէ ագրեսիայի կամ հայհոյանքի։
[Բագրատ Սրբազան]

📌Բագրատ սրբազանը հանրահավաքի ժամանակ հանձնարարեց մինչև կիրակի երեկոյան մշակել և կազմել խաղաղ բանակցությունների սահմանազատման և գծման հստակ հայեցակարգը և այդ բանակցությունների անընդհատականությունը։
🗣«Որպեսզի այս մարդկանց ներկայացնենք թե ինչ ենք ուզում։ Ցույց տանք տարբերությունը, որ մարդիկ իմանան ինչպես են խաբված ու ստված, որ իմանան իրական պատկերը որը պետք է լինի։
🔸 Երկրորդը՝ մեր խնդրանքն է, որ նախկին զինվորականներն ու պահեստազորի սպաներ պետական անվտանգության բարձրացման հայեցակարգ ներկայացնեն»,- ասաց Սրբազանը։

Քաղաքապետարանի բյուջեից՝ աշխատակիցների անգլերենի անհատական պարապմունքներին. հայտնեք Ձեր կարծիքը
Երևանի քաղաքապետարանի հինգ աշխատակիցներ անգլերենի անհատական դասընթացներ են անցնելու՝ քաղաքային բյուջեից հատկացված միջոցներով։ Քաղաքապետարանը 990 հազար ՀՀ դրամ է վճարել «Հայաստանի Ամերիկյան Համալսարան» Հիմնադրամին՝ քաղաքապետարանի աշխատակիցների համար։ Դասընթացների ընդհանուր տևողությունը 9 շաբաթ է։
Եթե բնակվում եք Երևանում, վճարում եք հարկեր, խնդրում ենք հայտնել, թե ինչպես եք վերաբերվում Ձեր վճարած հարկերից քաղաքապետարանի պաշտոնյաների անհատական գիտելիքների և կարողությունների զարգացմանը գումար ուղղելու քաղաքապետարանի որոշմանը։