Category: Infocom

🇷🇺✍🏻 Դոնեցկում և Լուգանսկում տեղական իշխանությունների որոշմամբ սեպտեմբերի 23-ից 27-ը տեղի կունենան հանրաքվեներ՝ Ռուսաստանին միանալու հարցով:

🇦🇲 Արարատ Միրզոյանը հանդիպում է ունեցել ԵԱՀԿ գործող նախագահ Զբիգնև Ռաուի հետ։
🔸 Միրզոյանը առանձնահատուկ նշել է Ադրբեջանի գործողությունները միջազգային հանրության, այդ թվում՝ ԵԱՀԿ Գործող նախագահության կողմից թիրախային ու հստակ դատապարտելու կարևորությունը։
🔸 Ընդգծվել է նաև ԵԱՀԿ շրջանակներում առկա մեխանիզմների հրատապ գործարկման անհրաժեշտությունը, ինչպես նաև Մինսկի խմբի համանախագահության դերը ԼՂ հակամարտության համապարփակ և տևական կարգավորմանն ուղղված խաղաղ գործընթացի առաջմղման գործում: [ՀՀ ԱԳՆ]

🚧 Արագածոտնի մարզում տեղի ունեցած խոշոր ավտովթարի հետևանքով տուժած տասը քաղաքացի տեղափոխվել է «Ապարանի», «Արմենիա», «Էրեբունի», «Սուրբ Աստվածամայր» ԲԿ-ներ:
📌 Քաղաքացիներից մեկը վիրահատվում է, 3-ը հետազոտությունների փուլում են, իսկ մյուսների վիճակը գնահատվում է միջին ծանրության: Տուժածները բժշկական կենտրոններ են տեղափոխվել մարմնական տարբեր աստիճանի վնասվածքներով: [ՀՀ ԱՆ]

🗣 Մենք կարող ենք հույս գտնել Հայաստանի պատմության մեջ, որը տոկունության և ուժի պատմություն է: Հույս կարելի է գտնել արվեստի միջոցով, և ինչպես գրել է բանաստեղծ Պարույր Սևակը, բոցը երբեք չի մարել, այլ երկար դարերի ընթացքում շարունակել է վառ մնալ (նկատի ունի Սևակի բանաստեղծությունը․ «Բայց վրեժի ահեղ բոց էր ահեղ մարտում, Եվ հրախաղ, որ հաղթանակ էր ավետում… Եվ չի մարել նա դարերում մահամնա, Մնացել է, որովհետև մի հուր էր նա»,- խմբ․): Պատիվ էր տեսնել, թե ինչպես է Հայաստանի հուսադրող կրակը պայծառ վառվում։ [Նենսի Փելոսին՝ Գաֆեսճյան արվեստի կենտրոնում ունեցած ելույթի վերաբերյալ ֆեյսբուքյան գրառման մեջ]

Նիկոլ Փաշինյանը Նենսի Փելոսիի հետ քննարկել է հայ-ամերիկյան հարաբերությունների օրակարգին վերաբերող, ինչպես նաև երկուստեք հետաքրքրություն ներկայացնող մի շարք հարցեր։ [ՔՊ]

🗣 ԱՄՆ Կոնգրեսը շարունակաբար ապացուցել է, որ հանդիսանում է հուսալի գործընկեր եւ կարեւոր հարթակ, որտեղ փոխըմբռնման եւ իրական բարեկամության մթնոլորտում կարող ենք քննարկել Հայաստանին, Արցախին եւ հայ ժողովրդին վերաբերող բազմաթիվ հարցեր։ [Ալեն Սիմոնյանը՝ Նենսի Փելոսիի հետ համատեղ ասուլիսում]