Category: Infocom

🇦🇲✈️🇩🇰 Նիկոլ Փաշինյանն աշխատանքային այցով մեկնել է Դանիա:

‼️ Հոկտեմբերի 2-ին Կոպենհագենում վարչապետը կմասնակցի Եվրոպական քաղաքական համայնքի 7-րդ գագաթնաժողովին։ Նախատեսված են նաև երկկողմ հանդիպումներ։

💬 Միջազգային հարթակներում ելույթներից հետո իմ ընկալումն այն է, որ երբ Ադրբեջանը ասում է «Զանգեզուրի միջանցք», նկատի ունի Հորադիս-Զանգելան ճանապարհը։ Ուզում են ասել «Զանգեզուրի միջանցք», թող ասեն «Զանգեզուրի միջանցք»։
‼️ Ես ասում եմ՝ ՀՀ-ում չկա տենց բան, և կարող եմ ապացուցել ոչ միայն իմ, այլև Ադրբեջանի նախագահի ստորագրությամբ։
🔸 Կարող են ասել՝ դա միջանցք է, որը տանում է Զանգեզուր, օքեյ, ասում են, թող ասեն։ Բայց Հայաստանի մասին չի դա։ Անո՞ւն են ուզում դնել, պետք է հարց տանք՝ դա մեզ հուզո՞ւմ է, հազար ներողություն, կարող ա որոշեն անունը դնել «Ալբերտ Էյնշտեյն», թող դնեն։ Դա մեր ինքնիշխանության հետ կապ չունի։
[ՀՀ վարչապետ Նիկոլ Փաշինյանը՝ ԱԺ-Կառավարություն հարցուպատասխանի ժամանակ]

🇵🇸🇮🇱 Կարմիր խաչի միջազգային կոմիտեն դադարեցնում է իր գործունեությունը Գազա քաղաքում Իսրայելի ռազմական ակտիվության պատճառով։
💬 «Գազա քաղաքում ռազմական գործողությունների սրացումը մեզ ստիպել է ժամանակավորապես դադարեցնել մեր գրասենյակի գործունեությունը և մեր անձնակազմը տեղափոխել Գազայի հատվածի հարավ՝ անվտանգությունն ու գործունեության շարունակականությունն ապահովելու համար: Մենք շարունակում ենք հանձնառու մնալ Գազա քաղաք վերադառնալուն, հենց որ պայմանները թույլ տան»,- ասվում է կազմակերպության հայտարարության մեջ: |shantnews.am|

⚖️ «Քիմիկների զորամաս»-ի գործով վկա Ռոմիկ Բաբայանի կարծիքով՝ 2020 թ․ հոկտեմբերի 21-ին ԳՇ պետի՝ այդ ժամանակվա տեղակալ Անդրանիկ Մակարյանի հրամանատարությամբ սանրման աշխատանքների մեկնած իրենց խումբը մառախլապատ եղանակի պատճառով է վերադարձել զորամաս։
🔹 Հիշեցնենք՝ այդ խումբը, ըստ գործի, գտնվում էր շրջափակման մեջ ընկած քիմիկներից 1 կմ հեռավորության վրա, սակայն տեղում գնահատելով, որ բաց դաշտով չունի իրական հնարավորություն՝ օգնության հասնելու, Մակարյանի որոշմամբ նահանջել է։
🗣 Տուժողի իրավահաջորդ Անահիտ Ադոյանի տեղեկություններով՝ զինծառայողներից մեկն առաջարկել է կրակել, շեղել հակառակորդին՝ այդպիսով օգնելով քիմիկներին, բայց հրամանատարները նշել են՝ գնան, վաղը 150 հոգով կգան օգնության։ Վկան, սակայն, ասաց՝ չի լսել նման խոսակցություն, հարցերի մեծ մասին ի պատասխան՝ նշեց, որ 5 տարի է անցել, չի հիշում։
📎 Կարդալ ավելին

🇦🇿 Այս պահի դրությամբ տեղեկատվություն ունենք, որ Խոշտանգումների կանխարգելման եվրոպական կոմիտեն այցելել է Ադրբեջան։
🗣 Այս մասին հայտնեց Միջազգային համեմատական իրավունքի կենտրոնի նախագահ Սիրանուշ Սահակյանը։
🇦🇲💬 «Չենք բացառում, որ այցելությունների շրջանակում մեկանգամյա տեսակցություն ունեցած լինեն որոշ հայերի հետ։ Ձեռնպահ կմնամ մանրամասներ ներկայացնելուց։ Ապագայում հայտարարությամբ հանդես կգանք»,- նշեց նա։ |news.am|

📣 «44-օրյա պատերազմի հանգամանքներն ուսումնասիրող քննիչ հանձնաժողովի զեկույցը լիագումար նիստ մտցնելու իրավական հիմքեր չկան». Ալեն Սիմոնյան
📌 Այս մասին այսօր լրագրողներին ասաց ԱԺ նախագահն ասել է՝ հղում անելով ԱԺ կանոնակարգին:
🗞️ Մամուլը գրել էր, որ Սիմոնյանը հրաժարվում է ԱԺ նստաշրջանում ընդգրկել Պաշտպանության հանձնաժողովի նախագահ Անդրանիկ Քոչարյանի ուղարկած զեկույցը՝ 44-օրյա պատերազմի հանգամանքների մասին:
❓ Լրագրողների հարցին, թե Քոչարյանը տեղյա՞կ չէ կանոնակարգի մասին, Սիմոնյանը պատասխանեց. «Գիտի, մեկնաբանության խնդիր է: Ինքն այլ կերպ է փորձում մեկնաբանել: Կա կոնանակարգ-օրենք, որի մեկնաբանության հարցն իրականացնում է Պետաիրավական հանձնաժողովը»:
🗣️ Սիմոնյանը հավելել է, որ զեկույցը հրապարակվելու է, չի կարող հակառակը լինել, սակայն հայտնի չէ, թե ինչ ֆորմատով: |azatutyun.am|

🗳 «Նժար» սահմանադրական շարժումը վարչապետի թեկնածու է առաջադրել Նինա Կարապետյանցին։
🗣 Այս մասին այսօր հրավիրված ասուլիսին հայտարարեցին շարժման համահիմնադիրներ Նինա Կարապետյանցը, Արտաշես Իկոնոմովը և Գարեգին Միսկարյանը։
🔸 Շարժման ներկայացուցիչները նշեցին, որ ամենաուշը 1.5-2 ամսվա ընթացքում պատրաստվում են և կառավարության կազմը, և ծրագիրը ներկայացնել հանրությանը։
📌 Հիշեցնենք, որ «Նժար» սահմանադրական շարժման ներկայացուցիչները դրա հիմնման մասին հայտարարել էին այս տարվա օգոստոսի 19-ին։

🛍 Գնունու շուկայի տաղավարներն ապամոնտաժվում են։
🗣 Երևանի քաղաքապետարանի քաղաքաշինության, հողի վերահսկողության վարչության պետ Ռուբեն Խոջոյանի խոսքով՝ շուրջ 3-4 ամիս է՝ բանակցություններ են գնում տնտեսվարողների հետ, նրանք իրազեկվել են նախատեսվող աշխատանքների մասին։
📌 «Բավարարվել է տնտեսվարողների խնդրանքը, որ հնարավորություն ու ժամանակ ունենան մինչեւ սեպտեմբերի 30-ը՝ տեղափոխելու ապրանքները, ազատելու կրպակներն ու տաղավարները։ Չկա այս պահին որևէ կրպակ, որն ապամոնտաժվում է, ու գույք կա ներսում․ տնտեսվարողները գույքն ամբողջությամբ տեղափոխել են»։
📌 Նրա խոսքով՝ կրպակները խանգարում էին և երևեկությանը, և հետիոտններին։