Category: Infocom

🇪🇺 Դուբլինում Ալեն Սիմոնյանի հետ հանդիպմանը ԵԽԽՎ նախագահ Թինի Քոքսը տեղեկացրել է, որ ԵԽԽՎ-ի աշնանային նստաշրջանում, որը կանցկացվի հոկտեմբերի 1-ին, կքննարկվեն ԼՂ-ին և Հայաստանին առնչվող հարցեր:
[ՀՀ ԱԺ]

🇪🇺 Դուբլինում Ալեն Սիմոնյանի հետ հանդիպմանը ԵԽԽՎ նախագահ Թինի Քոքսը տեղեկացրել է, որ ԵԽԽՎ-ի աշնանային նստաշրջանում, որը կանցկացվի հոկտեմբերի 1-ին, կքննարկվեն ԼՂ-ին և Հայաստանին առնչվող հարցեր:
[ՀՀ ԱԺ]

Վայքի ընդունման կայան. հարյուրավոր արցախցիների անորոշ սպասման հավաքատեղին
Վայքի մշակույթի տունը հիմա մշակույթի հետ աղերս ունի այնքանով, որ ընդունում է իրենց մշակութային (ու ոչ միայն) ինքնությունը պահելու համար տասնամյակներով կռիվ տված արցախահայերին։
Վայքի մշակույթի տանը հաշվառում են տեղահանված արցախցիներին, առաջնային կարիքների գնահատում անում, տրամադրում հասցեներ։ Ով չունի անձնական փոխադրամիջոց, համայնքապետարանն ու մարզպետարանը փորձում են տրամադրել։

🤝 Նիկոլ Փաշինյանը հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակից կուսակցությունների ղեկավարներին:
🔸Հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի Քրիստոնեա-ժողովրդավարական կուսակցության նախագահ Լևոն Շիրինյանը, «Միասնական հայրենիք» կուսակցության նախագահ Մհեր Տերտերյանը, Հայաստանի եվրոպական կուսակցության նախագահ Տիգրան Խզմալյանը, «Ուժը հայրենյաց» կուսակցության նախագահ Տիգրան Արզաքանցյանը: [ՀՀ վարչապետի աշխատակազմ]

🇷🇺🇦🇲 Ռուսաստանի ու Հայաստանի շփումները տարբեր մակարդակներում շարունակվում են։ Ակնկալում ենք, որ մեր ազդակները կլսվեն և կընդունվեն պատշաճ կերպով։
🗣 Այս մասին հայտարարել է ՌԴ ԱԳՆ ներկայացուցիչ Մարիա Զախարովան։
📌 Նա հավելել է, որ ՌԴ-ն միշտ «խնամքով է վերաբերվել Հայաստանի հետ դաշնակցային հարաբերություններին, երբեք դրանց սրացումների նախաձեռնող չի եղել, արել է առավելագույնը ամենաբարդ իրավիճակներում Հայաստանի ժողովրդին աջակցելու համար»։
📌 «Մենք ելնում ենք նրանից, որ երկկողմ համագործակցության զարգացմանն ուղղված բոլոր պայմանավորվածությունները հետագայում ևս կիրականացվեն՝ ելնելով երկու երկրների ժողովուրդների շահերից»,- ասել է Զախարովան։

📌 Եթե քաղաքացիները ունենում են կեցավայրի անհրաժեշտություն, ապա պետությունը հոգում է նրանց կեցության խնդիրները։ Գորիսում արդեն 615 անձի կեցության խնդիր է լուծվել, Սիսիանում՝ 169, Տաթևում՝ 171, Կապանում՝ 324, Մեղրիում՝ 19 և Սյունիքի մարզում տեղաբաշխվել է 1298 տեղահանված անձ։
🔸 Վայոց Ձորում՝ 532, Գեղարքունիքում՝ 752, Տավուշում՝ 268 անձ է տեղաբաշխվել։ Այսպիսով պետությունը հոգացել է 2850 բռնի տեղահանված անձանց կեցության հարցը։
[ՀՀ վարչապետի մամուլի քարտուղար Նազելի Բաղդասարյան]

📌 Ազգային կոմիտեի՝ այսօր հրավիրված հանրահավաքը հետաձգվում է։
🗣 «Ինչպես մեր բազմաթիվ հայրենակիցները, Ազգային կոմիտեն իր աջակիցներով և անդամ կազմակերպությունների ներուժով, հնարավորությունների սահմաններում լծվել է հումանիտար աղետի հաղթահարման գործին։
Ազգային կոմիտեն վերահաստատում է իր համոզմունքն ու վճռականությունը. համազգային այս ողբերգության մեղսակից Նիկոլ Փաշինյանի իշխանությունը հեռացվելու է, երկրում ձևավորվելու է ժողովրդի և պետության անվտանգությունը ապահովող ազգային իշխանություն»: