Category: Infocom

🇦🇿 Ադրբեջանի Մարդու իրավունքների պաշտպանն արձագանքել է Արցախի նախկին պետնախարար, Բաքվում 20 տարվա ազատազրկման դատապարտված Ռուբեն Վարդանյանի դիմումին:
📌 Ադրբեջանի ՄԻՊ-ը հայտարարել է, որ հայազգի դատապարտյալների իրավունքներն ապահովվում են առանց խտրականության, հայտնում է ադրբեջանական APA-ն՝ հղում անելով օմբուդսմենի գրասենյակի մամուլի ծառայությանը։
🔹Վարդանյանը նախօրեին դիմել էր Ադրբեջանի մարդու իրավունքների պաշտպանին, թվարկել է մի շարք խախտումներ, որոնք վերաբերում են հայ բանտարկյալների իրավունքներին։ |azatutyun.am|

🇺🇸🇷🇺 ԱՄՆ նախագահ Դոնալդ Թրամփը ստորագրել է Ռուսաստանի դեմ լայնածավալ պատժամիջոցներ սահմանող օրինագիծը, հայտնում է Սպիտակ տունը:
📢 Օրենսդրությունն ուղղված է Ռուսաստանի էներգետիկ և պաշտպանական ոլորտների, ինչպես նաև գործող պատժամիջոցներից խուսափող տանկերների «ստվերային նավատորմի» դեմ՝ նպատակ ունենալով Մոսկվային զրկել Ուկրաինայի հետ պատերազմի ֆինանսավորման համար օգտագործվող միջոցներից։ |azatutyun.am|