🔹 Իրանի փոխարտգործնախարար Քազեմ Ղարիբաբադին հերքել է Թեհրանի մասնակցությունը Նախիջևանի միջազգային օդանավակայանի շրջանում ԱԹՍ-ների հետ կապված միջադեպին: «Իրանը հարվածներ չի հասցնում հարևան երկրներին։ Տվյալ միջադեպը մանրակրկիտ հետաքննություն է պահանջում»,- հայտարարել է պաշտոնյան։
Նա ընդգծել է, որ Իսլամական Հանրապետության հարվածների թիրախ կարող են դառնալ միայն այն պետությունները, որոնք իրենց տարածքն են տրամադրում Իրանի հակառակորդների ռազմակայանները տեղակայելու համար:
🌫️⛈️ Հանրապետության տարածքում մարտի 5-ի ցերեկը, 6-ի երեկոյան, 8-ի ցերեկը, 9-ին առանձին շրջաններում, մարտի 7-ին, 8-ի գիշերը շրջանների զգալի մասում սպասվում են տեղումներ․ լեռնային և նախալեռնային շրջաններում՝ ձյան, հովտային շրջաններում՝ ձնախառն անձրևի և անձրևի տեսքով։
«Շրջվեք, ձեր շուրջը նայեք, ձեր խմբակցության կեսը ապօրինի գույքով է անցնում, ասեք՝ մուծվեք, օգնեք պետությանը: Կյանքում մի անգամ մի լավ բան արած կլինեք պետության համար»,- ասաց Ռուբինյանը՝ դիմելով Գրիգորյանին:
Ադրբեջանական լրատվամիջոցները հայտնում են, որ Նախիջևանի տարածքում իրանական անօդաչու թռչող սարք է ընկել: Միջադեպի վերաբերյալ պաշտոնական տեղեկություն դեռ չկա: Զոհերի և վիրավորների մասին տեղեկություններ չկան: