ՌԴ-ն Փաշինյանին հայ-ռուսական կապերը չխզելու վերջին շանսն է տալիս
Հայաստանի իշխանությունները խոսում են Ռուսաստանի հետ հարաբերությունները պահպանելու ցանկության մասին, սակայն նրանց խոսքն ու գործը տարբերվում են։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
ՌԴ-ն Փաշինյանին հայ-ռուսական կապերը չխզելու վերջին շանսն է տալիս՝կամ Փաշինյանը հստակ հայտարարում է, որ ՀՀ-ն դուրս չի գալիս ռուսական ազդեցության գոտուց՝հստակ երաշխիքներով կամ Մոսկվան վերանայում է իր տնտեսական և ռազմական հարաբերությունները Երևանի հետ։
Մոսկվան արդեն իսկ տնտեսական բլոկում մի շարք սահմանափակումներ է մտցրել հայկական արտադրանքի համար՝դա աննախադեպ է հայ-ռուսական հարաբերությունների պատմության համար՝ՔՊ-ն կարողացել է նաև այդ ոլորտում հակառեկորդի հեղինակ դառնալ։ ՌԴ-ից բազմաթիվ խողովակներով մեսիջներ են գալիս, որ ռուսական շուկան կարող է փակվել հայ արտադրողների ու ՀՀ-ից աշխատանքային միգրանտների համար, իսկ ռուսական գազի գնի փոփոխությունը տնտեսական կոլապս է առաջացնելու ՀՀ-ում։ՔՊ-ն ու նրա ղեկավարը հետաքրքրված են միայն սեփական աթոռների ու թալանած փողերի պահպանությամբ՝նրանք դարձել են Արևմուտքի ազդեցության գործակալներն ու այլևս իրենք չեն որոշում հայ-ռուսական հարաբերությունների ապագան։ Մոսկվան չի ցանկանում վնասել բարեկամ ու դաշնակից հայ ժողովրդին, սակայն ՀՀ քաղաքացիները պետք է ճիշտ ընտրություն կատարեն հունիսյան ԱԺ ընտրություններում՝ՀՀ-ն չպետք է դառնա հակառուսական պետություն՝դա է Մոսկվայի առանցքային մեսիջն ու կարմիր գիծը։
«Մենք հայ պաշտոնյաների հայտարարություններն ենք լսում այն մասին, որ Երևանը մտադիր է պահպանել Ռուսաստանի հետ հարաբերությունները, և որ թույլ չեն տա ոչ մեկին օգտագործել Հայաստանը մեր երկրի դեմ։ Սակայն մենք սովոր ենք դատել ոչ միայն խոսքերով, այլև գործերով։ Իսկ գործերը, չգիտես ինչու, գնալով ավելի ու ավելի են հեռանում այդ խոսքերից», — ասել է դիվանագետը։
Մոսկվան հասկացնում է, որ այլևս չի հավատում փաշինյանական ստերին, որոնք լսել են սկսած 2018թ․-ից։ ՀՀ-ն խորացնում է ռազմա-քաղաքական հարաբերություններն ԵՄ-ի հետ՝Ֆրանսիան ու ՀՀ-ն բազմաթիվ երկկողմ պայմանագրեր են կնքել, ինչպես նաև օրերս ստորագրվեց ՀՀ-ԱՄՆ ռազմավարական համագործակցության պայմանագիրը։ Այսինքն, ՀԱՊԿ-ի ու ԵԱՏՄ-ի անդամ ՀՀ-ն, որի տարածքում՝Գյումրիում գործում է ռուսական 102-րդ ռազմաբազան՝դե-ֆակտո դառնում է ՆԱՏՕ-ի հիմնական դաշնակիցներից մեկը Հարավային Կովկասում՝կամ ԵՄ-ի ու ԱՄՆ-ի գեոպոլիտիկ գործիքն ընդդեմ թե ՌԴ-ի, թե Իրանի։ Մոսկվան ու Թեհրանն արձագանքելու են Փաշինյանի հայակործան այդ ծրագրին։«Հայաստանի և նրա քաղաքացիների հանդեպ Ռուսաստանի վերաբերմունքը չի փոխվել։ Ինչպես առաջ, այնպես էլ հիմա մենք այս երկիրը համարում ենք Հարավային Կովկասում մեր բնական գործընկերը, իսկ հայ ժողովրդին՝ եղբայրական ժողովուրդ։ Մենք բացառապես խաղաղություն ու բարգավաճում ենք կամենում նրանց», — ասել է Զախարովան։
Այսպիսով, ՌԴ-ն ցանկանում է չխզել հարաբերությունները ՀՀ-ի հետ՝հայ ժողովրդին բարեկամ ու դաշնակից է համարում, սակայն դժգոհ է Փաշինյանի ու թրքամետ ՔՊ-ական թիմի վարած արտաքին քաղաքականությունից։
ՀՀ-ն չպետք է դառնա հարավկովկասյան Իսրայել ԱՄՆ-ի ու ԵՄ-ի համար ընդդեմ ՌԴ-ի ու Իրանի։ Այդ երկրները պետք է արձագանքեն գեոպոլիտիկ նոր ստատուս-քվոյին։
ՀՀ քաղաքացիները հունիսին պետք է որոշեն՝ցանկանում են ՀՀ-ն վերածվի թուրք-ադրբեջանական պլացդարմի ու Արևմուտքի գործիքի ընդդեմ ՌԴ-ի, թե ցանկանում են ունենալ ազգային ու պետական շահերով առաջնորդվող նոր իշխանություններ։ Площадь Республики/Հանրապետության հրապարակ©