❗️ ՍԴ-ն որոշեց քննարկման առարկա չդարձնել դատավորներ Սեդա Սաֆարյանի և Դավիթ Խաչատուրյանի մասնակցության անհնարինության հարցը
Նոր արգելք․ Ռուսաստանը սահմանափակել է Հայաստանից ձկնային արտադրանքի մատակարարումները
Ռուսաստանը ժամանակավորապես ընդլայնել է Հայաստանից ձկնային արտադրանքի ներմուծման սահմանափակումները՝ կասեցնելով ևս երկու հայկական ընկերության արտադրանքի սերտիֆիկացումը։ Ռոսսելխոզնադզորի հայտարարությա…
Մինչև չգա հետինը, չի հիշվի առաջինը
Ալենից դժգոհները հիմա էլ դժգոհ են, որ Ռուբինյանն է լինելու ԱԺ նախագահ
Այսինքն` Ալեն Սիմոնյանից ավելի գոհ էին ու ինքը ավելի լավ ԱԺ նախագահ էր իրենց համար, քան Ռուբինյանն է լինելու: Եվ խոսքը էստեղ ընդդիմադիր հարվածի մասին է, իրենք են դժգոհում, թե Ռուբինյանի` ԱԺ նախագահ դառնալով խորհրդարանն արժեզրկում են կամ էլ ավելի են արժեզրկում:
Իրականում, ընդդիմության համար` դժվար, բայց իր թիմի համար Ալենը վատ ԱԺ նախագահ չէր, նաև դահլիճն էր կարողանում կառավարել, չնայած` ինչքան ճամբարափոխ «քավոր-սանիկ» կար` տակից Ալենի դեմ էին աշխատում, այդ թվում` Ալենի կողմից «վերբովկա» եղածները: Ալենը ԱԺ-ում իր հյուրահատուկ «մաֆիան» էր ձևավորել` իր կանանց գումարտակով, բանով, որին ուզում էին հակադրվել տարբեր այլ մանր ու միջին և դեռևս չկայացած մաֆիոզներ, այդ թվում` «մանր եղջերավոր», աղվամազ, բեղավոր և կճղակավոր: Հիմա նրանք լիարժեք ազատություն կստանան` իրականացնելու իրենց երազանքը: Ալենին ԱԺ-ից մեկուսացնելով և նախագահական նստավայր «թոշակի» ուղարկելով` վերջնականապես կկոտրեն նրա ձևավորած «մաֆիան», որում իրենց ուրույն տեղն ունեին «կաբլուկավորները»:
Իրականում, ՔՊ-ի ներքին խոհանոցը շատ յուրահատուկ աջաբսանդալ է հիշեցնում. այնտեղ բոլորը բոլորին ատում են, այդ թվում` Ալենին, ես կասեի` նաև Նիկոլին, ու բոլորը բոլորի դեմ են աշխատում` տակից կամ բացահայտ, բայց բոլորը բոլորի հետ լավ են, բոլորը բոլորին ժպտում են, սրտիկում, որոշները` նաև Ֆեյսբուքում, Ալենին` ըստ նպատակահարմարության, իսկ Նիկոլին` պարտադիր:
📱⚡️Պետությունը ցանկանում է տոտալ վերահսկողության տակ վերցնել քո հեռախոսը. Արթուր Պապյան
Կառավարությունը հավանություն է տվել մի նախագծի, որով նախատեսվում է ներդնել IMEI կոդերի միասնական շտեմարան։ Առաջին հայացքից հնչում է տեխնիկական ու անմեղ՝ «պայքար ստվերի դեմ», «հեռախոսների գողության կանխում»։ Բայց եկեք տեսնենք ինչ է նախատեսվում իրականում.
1. Ստեղծվելու է մի հսկա բազա, որտեղ կապվելու են ձեր անձնագիրն ու անձնական տվյալները, ձեր հեռախոսի կոդը (IMEI) և ձեր բոլոր SIM/eSIM քարտերը։ Սա պարզապես հարկային գործիք չէ. սա պետությանը հնարավորություն է տալիս ցանկացած պահի տեսնել, թե ով, որ սարքով և երբ է ակտիվանում ցանցում։
2. Եթե ամեն րոպե 2.5 միլիոն օգտատիրոջ տվյալ պարունակող այդ բազան խափանվի, օպերատորները ստիպված են լինելու անջատել ձեր կապը։ Իսկ մենք գիտենք, թե ինչպես են աշխատում պետական բազաները, օրինակ՝ առաջին դասարանցիների գրանցման բազան, որը այս շաբաթ ընդամենը մի 20,000 ծնողի պիտի միաժամանակ սպասարկեր, բայց ուղղակի չէր աշխատում։
3. Նախագծում կա վտանգավոր մի կետ՝ Ադմինիստրատորը կարող է այս բազայի տվյալներով «թվային այլ ծառայություններ» մատուցել պետական ու տեղական մարմիններին կամ նույնիսկ մասնավոր ընկերություններին։ Այսինքն՝ տվյալները, որոնք հավաքվում են իբր «մաքսանենգության դեմ պայքարի» համար, վաղը կարող են օգտագործվել բոլորովին այլ՝ մեզ անհայտ նպատակներով։
4. Մեկ տեղում ամբողջ հանրապետության հեռախոսների ու քաղաքացիների տվյալների կենտրոնացումը երազանք է ցանկացած կիբեռհանցագործի համար։ Եթե այս բազան կոտրվի (իսկ անխոցելի համակարգեր չկան), յուրաքանչյուրիս անվտանգությունը կդրվի հարվածի տակ։
🛑 Իսկ հիմա ամենակարևորը. նախագծի հեղինակները պնդում են, որ սա կօգնի գողությունների դեմ։ Եկեք անկեղծ լինենք.
❓ Ձեզնից քանիսի՞ կամ ձեր ընկերների հետ է պատահել այսպիսի դեպք․ գողացել են հեռախոսը, դուք տուփով, IMEI կոդով դիմել եք ոստիկանություն, բայց այդպես էլ ոչ մի օգնություն չեք ստացել։ Մինչդեռ սիրտս վկայում է՝ եթե խոսքը ցուցարարների կամ քննադատ լրագրողների մասին լինի, հինգ րոպեից IMEI-ով տեղը կհայտնաբերեն ու մասկի֊շոու կանեն։