Category: Makaryan News

❗️Դանակահարություն` Չարենցավանում. կա 1 զոհ, 1 վիրավոր

MakaryanNews-ի տեղեկություններով` այսօր Չարենցավանում հերթական վիճաբանությունն է տեղի ունեցել մի խումբ երիտասարդների միջև, որն ավարտվել է ողբերգությամբ:
Մենք տեղեկացանք, որ Վիճաբանության մասնակից երկու երիտասարդ սուր կտրող-ծակող առարկաներով են հարձակվել են միմյանց վրա, որի հետևանքով երկուսն էլ տեղափոխվել են «Չարենցավան» ԲԿ: Նրանցից մեկը, սակայն, դեռ վիրահատարան չհասած` մահացել է, իսկ մյուսը վիրավոր է` ոչ ծանր վնասվածքներով:
Մենք տեղեկացանք նաև, որ վիավորը Չարենցավանում քրեական պատմություններով հայտնի, դեռ 2023 թվականին քրեական ենթամշակույթ կրող խմբավորում ստեղծելու և առանձնապես խոշոր չափերով շորթում կատարելու մեղադրանքով կալանավորված «Տարզան» մականունով Արմեն Խալաֆյանի որդին է:
Տարզանը, ի դեպ, մինչև վերջերս տնային կալանքի մեջ էր գտնվում:
ՆԳՆ-ից հաստատեցին մեր տեղեկությունը, որ երկու անձ կտրած-ծակած վնասվածքներով տեղափոխվել են բժշկական կենտրոն, որտեղ նրանից մեկը գիտակցության չգալով մահացել է։ Ձեռնարկվում են միջոցառումներ դեպքի բոլոր հանգամանքները բացահայտելու ուղղությամբ։
Նշենք, որ վերջին շրջանում Չարենցավանը ասես կրիմինալ քաղաքի է վերածվել, ինչ-որ շրջանակներ ու ընկերախմբեր պարբերաբար վիճաբանության ու ծեծկռտուքի մեջ են հայտնվում, որոնք երբեմն ավարտվում են ողբերգությամբ, և իրավապահ մարմինները, փաստորեն, չեն կարողանում զսպել այդ անձանց կամ նրանց հովանավորողներին, որ քաղաքում դադարեն թշնամանքն ու սպանությունները:

❄️Ժամը 16:00-ի դրությամբ Աշտարակի, Ապարանի, Արագածի, Հրազդանի, Սևանի, Գավառի, Դիլիջանի, Մարտունիի, Թալինի, Անիի, Արթիկի, Ախուրյանի, Աշոցքի և Ամասիայի տարածաշրջաններում ձյուն է տեղում, իսկ Բաղրամյանի տարածաշրջանում՝ ձնախառն անձրև։
Ճանապարհային դեպարտամենտ

Ծեծել են 16 համարի ավտոբուսի վարորդին
Տեղեկացնում եմ, որ այսօր ժամը 10:00-ի սահմաններում Թամանցիների փողոցում` վերջնակետում հաց ուտելիս, թիվ 16 երթուղին սպասարկող հանրային տրանսպորտի վարորդը ծեծի է ենթակվել ուղևորներից մեկի կողմից։ Վարորդը ստացել է մարմնական վնասվածքներ և Շտապօգնության ծառայության մեքենայով տեղափոխվել է բուժհաստատություններից մեկը։ Վարորդը դիմել է Ոստիկանություն։
«Երեւանի ավտոբուս» ՓԲԸ-ն խստորեն դատապարտում է հանրային տրանսպորտի բնականոն գործունեությունը խոչընդոտող այս և նմանօրինակ ցանկացած միջադեպ։

Իմ կարծիքով` այո, Ռոմանոս Պետրոսյանը ստել է. Դավիթ Ղազինյանը` հոսանքազրկումների վիճակագրության մասին

Ինչպե՞ս են հեշտությամբ գողանում բակում կայանած Chevrolet Volt-ի ռադիատորի քողարկիչը
Տիկին նապարար, կարո՞ղ է մի բան անեիք` մի բան լիներ, թե՞ բան չեք անում, որ բան չլինի))

Տիգրան Վիրաբյանն ազատվել է Հ1-ի պրոդյուսերի պաշտոնից. էլ միլիոններով աշխատավարձ չի ստանա մեր հարկերի հաշվին կեղծ պատարագներ ցուցադրող Հանրայինից 😀
Սիրելի ընկերներ,
2020 թվականին՝ մեր երկրի համար բավական բարդ ժամանակաշրջանում ընդունեցի 5 տարով Հանրային հեռուստաընկերության գլխավոր պրոդյուսերի պաշտոնը ստանձնելու առաջարկը։
Մեր թիմի աշխատանքն այս ընթացքում բոլորիդ աչքի առաջ է եղել: Այս ընթացքում Հանրայինն ավելացրել է սեփական արտադրությունը մի քանի անգամ և բարելավել է վարկանիշը մի քանի կետով։ Ես չեմ ամփոփի աշխատանքային հինգ տարիներս, դրանք հեռուստաարխիվում են և վստահ եմ հաճախ կլինեն Առաջինի եթերում:
Շնորհակալ եմ այս փորձառության համար։
Ամեն ինչ առջևում է։
Ես գոհունակությամբ հեռանում եմ Առաջինից՝ ձգտելով միշտ մնալ առաջինը ))

⚡️Մեր ընտանիքից նախկինում ՀԷՑ-ը երբևէ գողություն չի արել հավելագրումների տեսքով, հակառակ պարագայում` թաղի էլեկտրիկից մինչև ՀԷՑ այդ օրվա ղեկավարություն իրենց մաշկի վրա կզգային իրենց գողության հետևանքները.
Այսօր Նիկոլ Փաշինյանի հետ ճեպազրույցի ժամանակ սա` որպես ի գիտություն, հայտարարեցի ես` ի պատասխան իր այն հայտարարության, թե` «Հայաստանում չկա մի ընտանիք, որից ՀԷՑ-ը գողություն արած չլինի»:
Ավելին, հենց վերջին ամիսներին է, որ նկատում ենք` մեր բնակարանի հոսանքը կարծես «ավել է գրում», ինչին ի պատասխան` Փաշինյանն ասաց, թե պետք է գնալ իմ հայտարարության հետքերով և ստուգել:
Թող ստուգեն, դեմ չեմ)