Category: Makaryan News

🏥Տարեկան 8 անգամից ավելի վատանալ չկա 😜
Առողջապահության համընդհանուր ապահովագրության փաթեթով քաղաքացին կարող է տարեկան ոչ ավելի, քան 8 անգամ շտապօգնության կանչ գրանցել և ստանալ անվճար բուժօգնություն։ Մյուս դեպքերում ամեն այցը կլինի վճարովի` 10-15 հազար դրամ:
Այսինքն` 8 անգամից ավել չեք կարող անվճար վատանալ, եթե ճնշման խնդիր ունես, օրինակ, կարող ես 15 հազար վճարել ու արխային վատանալ, իսկ եթե փող չունես, ճնշմանդ պիտի խնդրես` 8 անգամից ավելի չբարձրանա, ինչը ամիսը մի անգամ էլ չի անում: 😀

Հունվարի 1-ին՝ ժամը 10:15-ի դրությամբ, Սպիտակի ոլորանները, Նորավան-Լծեն-Տաթև, Սիսիան-«Զանգեր» ավտոճանապարհը փակ են կցորդով տրանսպորտային միջոցների համար։
Թթուջուր-Նավուր ավտոճանապարհը և Վարդենյաց լեռնանցքը փակ են բոլոր տեսակի տրանսպորտային միջոցների համար։
Ծովագյուղ-Սեմյոնովկա ճանապարհը դժվարանցանելի է։
Ապարանի, Արագածի, Սպիտակի, Թումանյանի, Տաշիրի, Սևանի, Ճամբարակի, Մարտունիի, Գավառի, Աբովյանի, Հրազդանի, Նաիրիի, Վայքի, Սիսիանի, Գորիսի, Աշոցքի, Ամասիայի և Վանաձորի տարածաշրջանների ավտոճանապարհներին տեղ-տեղ մերկասառույց է։
Հանրապետության ամբողջ տարածքում ձյուն է տեղում։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։

12-ը խփելուն պես` շքեղ հրավառություն և դրոնների շոու է եղել Հանրապետության հրապարակում

Նիկոլի ելույթը TV-ներից չցուցադրեցին միայն 5-րդ ալիքն ու Երկիր մեդիան: Բրավո´ իրենց:
Իսկ, օրինակ, Հ2-ն ու «Կենտրոնը» Հ1-ին ու Free News-ին հավասար ցուցադրեցին «ազգակործան պատուհասի» ելույթը: Երևի Քոչարյանն ու Ծառուկյանը զենքը դրել են թողարկիչների գլխներին ու ասել` անպայման կցուցադրեք մեր երկիրը կործանող էն «մեծարգո վարչապետի» ելույթը, թե չէ` գլխից կխփենք, իրենք էլ ստիպված ցուցադրել են, թե չէ հաստատ ցույց չէին տա:
Կործանում էր, չէ՞, մեր երկիրը, թե՞ էլ չէ:
Դե, քանի չի կործանել, Շնորհավոր Ամանոր և Սուրբ ծնունդ 🥳

Հետաքրքիր է` էս տարի ո՞ր թունդ ընդդիմադիր լրատվականներն են մարդա մեկի «ուղերձը» ցուցադրելու կամ կայքում հրապարակելու`վրան մեծ տառերով դրա պաշտոնն ու անունը գրած:
Նախորդ տարիներին, հիշում եմ, TV-ներից «Երկիր մեդիան» էր, որ ցույց չէր տալիս ու գուցե էլի ևս մեկը, կայքերից էլ` երևի միայն «Մեդիահաբը» ու էլի մի երկուսը` ոչ ավելին:
Թե որ մեգաընդդիմադիր լրատվականներն են ցուցադրելու, ես արդեն մոտավոր գիտեմ, մնում է հասկանանք` որոնք են, որ չեն ցուցադրելու:

Արտակարգ դեպք` Երևանում. մի տղամարդ ցանկանում է ինքնասպան լինել` ցած նետվելով «Հաղթանակ» կամրջից:
Նա անցել է կամրջի պաշտպանիչ գոտին, որ ցած նետվի:
MakaryanNews-ին հայտնեցին, որ ժամանել են ՆԳՆ փրկարար և պարեկային ծառայության կարգախմբեր, ինչպես նաև շտապօգնության խումբ, և հիմա բանակցում են քաղաքացու հետ, որ ճակատագրական քայլի չդիմի:

Սամվել Կարապետյանին արգելվել է կոչերով հանդես գալ 😀
2025 թվականի հունիսի 18-ից Սամվել Կարապետյանը ապօրինի կալանավորված է: Բանտային կալանքի տևողությունը 195 օր առանց որևէ իրավական հիմքերի: 2025 թվականի դեկտեմբերի 30-ին Դատարանի որոշմամբ կիրառվեց բանտայինի փոխարեն՝ տնային կալանք, որը համարժեք է իր ինտենսիվությամբ կալանքին, նաև ըստ Սահմանադրական դատարանի որոշման: Ցանկանում եմ բացահայտել ևս մի կարևոր հանգամանք. Դատարանի որոշմամբ կիրառվել է լրացուցիչ բացառիկ սահմանափակում՝ Սամվել Կարապետյանին արգելվել է հանդել գալ որևէ կոչեր պարունակող հայտարարություններով: Պարզ չէ ինչպես է այս սահմանափակումը բացահայտվելու, բայց հստակ է, որ առկա է հրապարակային խոսքի ուղիղ սահմանափակում, ինչն առկա չէր նույնիսկ կալանքի պայմաններում: Ակնհայտ է, որ ազգային բարերար, քաղաքական հայտ ներկայացրած Սամվել Կարապետյանի նկատմամբ քաղաքական հետապնդման ինտենսիվությունը, իրավական ողջամիտ գործիքակազմի ամենամեծ խոչընդոտն է: Դատարանի որոշմանը հաջորդող գործողությունների վերաբերյալ լրացուցիչ տեղեկատվություն անպայմանորեն կտրամադրվի:
Միաժամանակ սրտանց շնորհավորում Ձեր բոլորի Ամանորն ու Սուրբ Ծնունդը՝ մաղթելով սեր, միություն և ուժ🙏:
Արամ Վարդևանյան