Category: Makaryan News

Վերջին հարցումների տվյալները հուսադրող չեն եղել ՔՊ-ի համար. «Հրապարակ»
«Հրապարակ» թերթը գրում է․
«Իշխանական մեր աղբյուրներից տեղեկացանք, որ ընտրություններին ընդառաջ, իշխանությունը գրեթե տասն օրը մեկ պարբերականությամբ ներքին հարցումներ է անցկացնում եւ փորձում պարզել ու գնահատել իրենց շանսերը, ըստ այդմ՝ վերլուծություններ ու հետեւություններ անել, թե ինչպիսին է իրավիճակը։
Մեզ ասացին, որ վերջին հարցումների տվյալներն էլ հուսադրող չեն եղել ՔՊ-ի համար, չնայած իշխող ուժը, այնուամենայնիվ, առաջատարն է եւ կաշվից դուրս է գալիս ռեյտինգը բարձրացնելու համար: Ըստ մեր աղբյուրի, ընդդիմադիր երեք-չորս ուժ համատեղ բավական էական տարբերությամբ գերազանցում են ՔՊ-ին։
Համենայնդեպս, այս պահի դրությամբ` ՔՊ-ն 30 տոկոս ցուցանիշի սահմաններում է, բայց իշխանական խմբակը հույս ունի, որ շեմը չհաղթահարած կուսակցություններն այնքան շատ ձայներ կփոշիացնեն, որ իրենք 50+1 կհավաքեն։
https://makaryannews.am/9111.html?fbclid=IwZnRzaARZOOpleHRuA2FlbQIxMQBzcnRjBmFwcF9pZAo2NjI4NTY4Mzc5AAEe1CIH4E3z8Ix-vkBz_XwlDdpkkxEotl6S_nmQQdjCnBJvwL3Ri00O05satCE_aem_ICo10vqgHke6bwNF3z31Dw

Հայաստանն Ադրբեջանի վիլայեթը չէ, որտեղ Բաքուն պետք է դատավճիռներ թելադրի. Իշխան Սաղաթելյան

Ադրբեջանի ԱԳՆ-ն իրեն թույլ է տալիս բացահայտ միջամտել մեր երկրի ներքին գործերին և պահանջել պատասխանատվության ենթարկել ՀՀ քաղաքացիներին՝ Ջահերով երթի ժամանակ տեղի ունեցած ակցիայի համար։
Հասկանալի է, որ Բաքվի երազանքների կառավարիչն այժմ ՀՀ-ում իշխանության է և թշնամու հետ զուգահեռ դատապարտում է սեփական երկրում անցկացվող ազգային ակցիաները։ Բայց անգամ այս պայմաններում սանձարձակությունն ու լկտիությունը պետք է չափ ունենան։
Միայն պատկերացնել կարելի է, թե ինչ աղետալի մակարդակում է գտնվում Հայաստանի ինքնիշխանությունը, երբ հարևան ագրեսոր պետությունն ԱԳՆ մակարդակով հրահանգներ է տալիս ՀՀ պետական համակարգին։ Սա ուղղակի ապացույցն է այն բանի, որ Բաքուն Հայաստանն այլևս չի դիտարկում որպես ինքնուրույն սուբյեկտ։
Հասկանալի է, որ Ադրբեջանի համար Ցեղասպանության ցանկացած հիշատակում տրավմատիկ է, քանի որ այն հայելու պես հիշեցնում է իրենց իսկ նմանատիպ հանցանքները։ Սակայն Թուրքիայի հետ այն աստիճան նույնանալը, որ ստանձնեն նաև Հայոց Ցեղասպանության պատասխանատվությունը՝ պահանջելով պատժել ոգեկոչման ակցիայի մասնակիցներին, չափազանց է անգամ Ադրբեջանի նման պետության համար։
Սա այլևս միայն դրոշի հարց չէ։ Սա հարց է այն մասին, թե ով է որոշում մեր երկրում՝ ինչն է թույլատրելի և ինչը՝ ոչ։
Բայց Բաքվի և Անկարայի որոշումները Նիկոլի ռեժիմի համար է, ոչ երբեք մեր ժողովրդի և ազգային ուժերի:

Իր որոշ փողոցային աջակիցների դաստիարակել չկարողացող Քոչարյանը ուրիշների դաստիարակությունն է կասկածի տակ դնում. «խելքի´ աշեցեք»:

Ես, ընդհանրապես, որևէ երկրի դրոշ վառելուն կողմնակից չեմ. Քոչարյանը` իր դաշնակից ՀՅԴ-ի ակցիայի մասին

Վահե, գիտեմ բնավորությունդ, բայց դուրս կգամ` օրվա խորհրդի հետ կապված կխոսեմ. Քոչարյանը տիկնոջ ու թոռան հետ այցելեց Ծիծեռնակաբերդ

Ինձ համար նորություն չէր Քոչարյանի ասածը, երկու տասնամյակ է` լսում եմ, այս անգամ սկզբնաղբյուրից լսեցի. Սերժ Սարգսյանը` Ռոբերտ Քոչարյանի մասին

Ոչ, Կարեն Կարապետյանին չէր ուղղված ակնարկը. Սերժ Սարգսյան
https://youtube.com/shorts/3ACT8IFVAV4?si=GoiOYDx7rSQKE5MI

Դուք ձախողել եք՝ ես ողջ եմ. Հայկ Մամիջանյանի ելույթը ԵԽԽՎ-ում, Հայոց ցեղասպանության 111-րդ տարելիցի առթիվ
Դուք մտածում եք, որ աշխարհն ունի բոլոր գործիքները կանխելու ցեղասպանությունները՝ միջազգային իրավունք, ինստիտուտներ, մեխանիզմնե։ Դուք չարաչար սխալվում եք, հարգելի’ գործընկերներ։ 2023 թվականին հայերը կրկին բախվեցին մարդկության դեմ ծանր հանցագործության՝ Լեռնային Ղարաբաղում հայերի էթնիկ զտմանը։ Ավելի քան 100.000 հայերի ստիպեցին լքել իրենց հայրենիքը։
Այս պահին Ադրբեջանը մշակութային ցեղասպանություն է իրականացնում Լեռնային Ղարաբաղում։ Ամենաթարմ օրինակը Ստեփանակերտի Սուրբ Աստվածածնի եկեղեցին է, որը հիմնովին ոչնչացվել է այս տարվա մարտ-ապրիլ ամիսներին։ Իսկ ինչու չեմ տրամադրում ոչնչացման ճշգրիտ ամսաթիվը։ Որովհետև միակ հասանելի ապացույցն արբանյակային լուսանկարներն են, քանի որ Ադրբեջանը հրաժարվում է թույլատրել ՅՈՒՆԵՍԿՕ-ի առաքելությանը մուտք գործել տարածք։
Ես հրաժարվում եմ հավատալ, որ մեկ բռնապետ կարող է ավելի հզոր լինել, քան ամբողջ քաղաքակիրթ աշխարհը։ Եվ, այնուամենայնիվ, նա շարունակում է պահել իմ 19 հայրենակիցներին Բաքվի բանտերում՝ չունենալով նրանց ազատ արձակելու մտադրության ոչ մի նշույլ։ Նա շարունակում է օկուպացված պահել իմ երկրի ավելի քան 200 քառ. կմ տարածքը։ Նա շարունակում է թաքցնել 2020 թվականից ի վեր անհայտ կորած հարյուրից ավելի անձանց մասին տեղեկատվությունը: