Category: Մայր Հայաստան

Նիկոլը ոտքից գլուխ թաթախված է կոռուպցիայի մեջ. «Մայր Հայաստան» կուսակցության վարչության անդամ Երվանդ Բոզոյան
https://youtu.be/H8Bbw_Jbbn0?si=8SnPhNDCBWAALlnp

Արևմուտքի համար Փաշինյանը համբшլ է, որից մի օր ազատվելու են
————
Politik.am-ի զրուցակիցն է «Մայր Հայաստան» կուսակցության վարչության անդամ Դերենիկ Մալխասյանը։
https://youtu.be/7E8lkdCV3bE

Ժիրայր Լիպարիտյանի թուրքական սիմֆոնիան
———————————
Տխրահռչակ Ժիրայր Լիպարիտյանը կրկին ջրի երես է դուրս եկել։ Նա սպիտակ լույսի ներքո է ներկայացնում Թուրքիային, դրական է գնահատում Ադրբեջանի վարքագիծը և քննադատում է Ռուսաստանին։
Ըստ Լիպարիտյանի՝ Թուրքիան ու Ադրբեջանը համարյա մեր բարեկամն են, իսկ Ռուսաստանն՝ առնվազն ոչ բարեկամը: Նա չի նկատում թուրք զինվորին, որը պատերազմել է մեր դեմ։ Ասում է՝ թուրքը Հայաստան չի մտել և փորձում դա ներկայացնել որպես բարի կամքի դրսևորում։ Լիպարիտյանը, բնականաբար, չի ասում, թե ինչու է թուրք զինվորը Կիպրոս մտել, Իրաք մտել, Սիրիա մտել, բայց Հայաստան չի մտել։ Լիպարիտյանը գիտի, թե ինչու չի մտել, բայց քանի որ այլ առաջադրանք ունի, ուստի իրեն չհասկացողի տեղ է դնում։
Լիպարիտյանը փափուկ բարձ է դնում հայ ժողովրդի գլխի տակ՝ հայտարարելով, որ Թուրքիան ոչ մի պահանջ չունի ՀՀ–ից։ Նա չի ուզում նկատել թուրքական նախապայմանները, որոնք Նիկոլ Փաշինյանը հերթով կատարում է։ Լիպարիտյանը ողջունում է Արցախի կորուստը և պաշտպանում Ադրբեջանի շահերը։
Այլ երկրի քաղաքացի Լիպարիտյանը կոնկրետ խնդիր է լուծում։ Գործակալական խնդիր։ Նրա վրա, բացի այլ հարցերից, դրված է նաև ՀՀ քաղաքացիներին մոլորեցնելու խնդիրը։
Լիպարիտյանն, ի դեպ, մոլորեցնելով է զբաղվել Նիկոլի կառավարման բոլոր ճակատագրական փուլերում։ Նրա «կկուն կանչեց» 44–օրյա պատերազմից առաջ՝ երբ մեր ժողովրդին խաբում էր, թե, իբր, ամեն ինչ լավ է ընթանում, թե, իբր, պատերազմ չի լինի, Թուրքիան չի խառնվի։
44–օրյայից հետո Լիպարիտյանը կորավ։
Նա հայտնվեց Հայաստանում 2022թ․ հոկտեմբերի 6–ից առաջ և համոզում էր, որ ամեն ինչ լավ է գնում, մինչդեռ արևմտաթուրքական ուժերը Նիկոլի ձեռքերով հանձնում էին Արցախն ու էթնիկ զտման նախադրյալներ ստեղծում։ Բայդենը, Միշելը, Մակրոնը, Ուրսուլան ու մյուսները զբաղված էին հայերին մանրադրամ սարքելով։ Լիպարիտյանը քաջալերում էր Նիկոլի դավաճանությունը։
Մի պահ «ռադարներից» կորած Լիպարիտյանը հիմա կրկին հայտնվել է եթերում ․․․
«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից

«Մայր Հայաստանի» ֆենոմենն առանձնահատուկ է
———
Նիկոլ Փաշինյանը Վաղարշապատի ընտրությունների արդյունքները փորձում է օգտագործել Հայ Առաքելական Եկեղեցու վրա հակաքրիստոնեական արշավը սաստկացնելու և Գյումրիում ու Փարաքարում խայտառակվելուց հետո դեմքը փրկելու համար։ Սակայն ակնհայտ է, որ Նիկոլն ու իր խմբակը զբաղված են ինքնախաբությամբ։

Նախ, ՏԻՄ ընտրությունների արդյունքները որևէ կերպ չեն կարող դիտարկվել՝ համահայկական նշանակություն ունեցող Հայ Առաքելական եկեղեցու դեմ արշավանքը սաստկացնելու մանդատ ստանալ։ Առավել ևս, որ ընտրությունների արդյունքները որևէ կերպ չեն արտահայտում հանրության իրական տրամադրությունները կենտրոնական իշխանությունների նկատմամբ։ Պատահական չէ, որ Նիկոլը վախեցավ երևալ Վաղարշապատում, իսկ իրենց դրածո Արգիշտի Մեխակյանին հնարավորինս հեռու էին պահում ՔՊ-ի հետ ասոցացվելուց՝ լավ հասկանալով, որ քաղաքական բորոտ ուժի հետ կապվելը ժողովրդի մոտ ատելություն և մերժում է առաջացնելու։

Բացի այդ, իշխանությունը ընտրություններում մեծամասնություն ստանալու համար կիրառեց իր ձեռքի տակ եղած բոլոր լծակները՝ քաղաքական հակառակորդների նկատմամբ իրավական հետապնդումներից ու ճնշումներից մինչև ադմինիստրատիվ ռեսուրսի գերօգտագործում։ Մամուլում քիչ չէին հրապարակումները ուղղորդված քվեարկությունների, բացակայող անձանց փոխարեն քվեարկելու, հասցեներում անծանոթ մարդկանց գրանցելու վերաբերյալ։
Ուստի Վաղարշապատի ընտրությունների արդյունքներին հղում անելով, ՔՊ-ն հուսահատ փորձեր է անում եկեղեցին կազմաքանդելու և իշխանական բուրգի վերահաս փլուզումը կանխելու համար։

Ակնհայտ էր, որ նույնիսկ նման պայմաններում հնարավոր էր Վաղարշապատում իշխանազրկել ՔՊ-ին, եթե ընտրություններին մասնակցությունն ապահովվեր հնարավորինս առավելագույն մակարդակով։ Հավելյալ 3–5 հազար մասնակցի դեպքում, անշուշտ, Նիկոլի դրածո Մեխակյան Արգիշտին չէր հայտնվի քաղաքապետի աթոռին։
Հետևաբար, առաջիկա խորհրդարանական ընտրություններում հավաքական ընդդիմության խնդիրը պետք է լինի խրախուսել քաղաքացիների մասնակցությունը ընտրական գործընթացներին, ինչը լիովին կչեզոքացնի ընտրությունների վրա ազդելու իշխանական լծակները։
«Մայր Հայաստան»-ը, իր ուժերի ներածի չափով, քաղաքական ասելիքով ու թիմով, մաքսիմալ քաղաքականացրեց ընտրական գործընթացը, բարձրացրեց մասնակցային ակտիվությունը Վաղարշապատում։ Նույնը արվել էր Գյումրիում։ «Մայր Հայաստան» կուսակցության ղեկավար Անդրանիկ Թևանյանին հաջողվեց կարճ ժամանակում ձևավորել մրցունակ քաղաքական ասելիք և թիմ, ինչի արդյունքում «Մայր Հայաստանը» վստահ հաղթահարեց ավագանու անցողիկ շեմը։

Վերջին տարիների հայաստանյան քաղաքական իրականության մեջ «Մայր Հայաստանի» ֆենոմենը առանձնահատուկ է։ Նորաստեղծ ուժը՝ մշակված քաղաքական գաղափարախոսությամբ և երկրի առաջ ծառացած խնդիրների լուծման այլընտրանքային ու մրցունակ ծրագրերով, մասնակցեց Երևանի, Գյումրու և Վաղարշապատի ընտրություններին ու ներկայացվածություն ստացավ տեղական խորհրդարաններում։
Այսպիսով, «Մայր Հայաստանը» ցույց տվեց, որ քաղաքական դաշտում ծանրակշիռ գործոն է և առաջիկա խորհրդարանական ընտրություններին լինելու է իշխանությանը ձեռնոց նետող հիմնական ուժերից մեկը։

«Մայր Հայաստան» կուսակցության վարչության անդամ Դերենիկ Մալխասյանի ֆեյսբուքյան էջից

Հայաստանը՝ Պուտինի և Թրամփի օրակարգում․ Նիկոլը՝ Զելենսկու հետքերով․ Երվանդ Բոզոյան
————
Hayeli.am-ի հյուրը քաղաքագետ, «Մայր Հայաստան» կուսակցության վարչության անդամ Երվանդ Բոզոյանն է։
https://youtu.be/qW7eUQcc-1w

Եվրոպայի Մայրամուտն, ուկրաինական պատերազմը եւ մենք
——————
ԻՆչ եզրակացություններ անել ուկրաինական պատերազմի ավարտի շուրջ ընթացող բանակցություններից: Մինչ այդ հիշենք Շպենգլերի կանխատեսումները նրա հանճարեղ «Եվրոպայի Մայրամուտը» աշխատությունից:
Շպենգլեր, — «Հասուն քաղաքակրթության մարդը արարիչ չէ, այլ սպառող, անհավատ, բայց գիտունիկ, ֆունկցիոներ, այլ ոչ թե հերոս»: Մինչ այդ, դեռևս 100 տարի առաջ, նա ասում էր, որ Արևմուտքը մտնում է իր գոյության վերջին փուլի՝ քաղաքակրթության մեջ:
Սա լիբերալիզմի՝ եվրոպական քաղաքակրթության վերջին փուլի նկարագրությունն է:
Շպենգլեր, — «Փողը դառնում է իշխանության վերջին ձևը, դեմոկրատիան վերածվում է պլուտոկրատիայի»: Դրա գագաթնակետն է այսօրվա Հայաստանի իշխանությունը:
Վերջին հինգ հարյուր տարիներին Եվրոպայի առաջնորդության ժամանակաշրջանն էր, տեխնիկայի, գիտության ծաղկում, հանրային ինժեներիայի զարգացում, միաժամանակ արյունալի պատերազմներ, արտադրական հզորությունների հասցված ստրկավաճառություն, ազատության ու անազատության բարգավաճում, գաղութարիթյուն, Աստծո փոխարեն կենտրոնում դնելով Մարդուն:
Եվրոպայի պատմության վերջին հինգ հարյուր տարիները մարդկության ողջ պատմությունն էր ներկայացնում, ստվերելով մյուս հին ու հարուստ մշակույթները:
Ուկրաինական պատերազմի շուրջ ընթացող բանակցությունները կարծես թե այն վերջնագիծն է, որտեղ Եվրոպան աշխարհի կենտրոնից վերածվում է հետնաբեմի: Առաջին անգամ Եվրոպայում արյունալի պատերազմի ավարտը գծում են ոչ եվրոպական երկրները, նրանց կարծիքն անգամ չեն կանում հարցնել:
Ուկրաինայի պարտությունը Եվրոպայի պարտությունն է, և դա այնտեղ շատ լավ են հասկանում, ինչի հետ չեն ցանկանում հաշտվել:
Մեկ այլ մտածող, 20-րդ դարի աշխարհի քաղաքական ճարտապետության հայրերից մեկը, Քիսինջերը, այդպես էր կանխատեսում այդ պատերազմի ավարտն իր մահվանից առաջ:
Հիմա Եվրոպան՝ Բրիտանիան, Ֆրանսիան, Գերմանիան փորձում են խցկվել ուկրաինական պատերազմի ավարտի բանակցությունների սեղանի շուրջը, սակայն, ինչպես Թրամպն է ասում, չունեն արժեցող խաղաթղթեր:
Գիտության մեջ, առաջընթացում, մշակույթում, տնտեսությունում արդեն Եվրոպայում չի առաջատարը և ամեն տարի արագ ետընթաց է ապրում: Ուկրաինական պատերազմով Եվրոպան ցանկանում էր պատմության անիվը ետ շպրտել, սակայն չստացվեց:
Ուր ենք գնում մենք, որ գնացքն ենք ցանկանում նստել և ուր է դա մեզ տանելու: Սա է այսօրվա հայկական գոյություն չունեցող քաղաքական մտքի գլխավոր մարտահրավերը:
«Մայր Հայաստան» կուսակցության անդամ Ստեփան Դանիելյանի ֆեյսբուքյան էջից

Տեսնես ո՞նց են ազդել քո վրա
———
Եպիսկոպոս Սարոյա՞ն։ Որ Միքայել Սրբազանին ձերբակալելու համար ԱԱԾ-ն եկել էր Մայր Աթոռ, Վեհարանի տարածքում ի՞նչ էիր անում, Սրբազանի՞ն էիր սատարում, թե՞ եկել էիր ասելու ԴԵ ՈՐ ԵԿԵԼ ԵՆ, ՄԵԿ Ա՝ ՏԱՆԵԼՈՒ ԵՆ, ԵԿԵ’Ք ՉԴԻՄԱԴՐԵՆՔ։
Հ.Գ. Քո նմանի թեմակալության համար էլ ստեղծվեց Մասյացոտնյաց թեմը, բայց դու այն փորձում ես դարձնել հակոտնյաց թեմ։
Տեսնես ո՞նց են ազդել քո վրա։
Երևանի ավագանու «Մայր Հայաստան» խմբակցության ղեկավար Մանուկ Սուքիասյանի ֆեյսբուքյան էջից

2026-ին գործող իշխանությունը չի վերարտադրվի. այլ հարց է, թե ովքե՞ր կգան իշխանության և հետո ի՞նչ կլինի
——-
«Խորհրդարանը, որը կձեւավորվի 2026 թվականին, չի կարողանալու կայուն կառավարման համակարգ ձեւավորել, այլ օբյեկտիվորեն, ոչ թե ինչ-որ մեկի կամքով։ Լինելու է ժամանակավոր խորհրդարան եւ 2027-ին, ըստ երեւույթին, նույնպես կունենանք պառլամենտական ընտրություններ։ 2026-2027 թվականների միջեւ ընկած ժամանակահատվածն այն ընթացքն է, երբ մենք կարող ենք փորձել կայուն քաղաքական համակարգ ձեւավորել». «Առավոտի» զրուցակիցն է «Մայր Հայաստան» կուսակցության վարչության անդամ, քաղաքագետ Ստեփան Դանիելյանը։
https://www.aravot.am/2025/11/22/1524217/

Նիկոլ Փաշինյանն՝ ինչպես Զելենսկին․ մի տնից չեն, մի օրի են
————————————————
«Հաղթելու ենք» խաբեության ներքո ավելի քան 1,7 միլիոն ուկրաինացու զոհվելու պատճառ դարձած Զելենսկին հերթական դեմագոգիկ ուղերձով հանդես եկավ։ Ուկրաինան ավերակի վերածած այդ ցածրակարգ ծաղրածուն կոկորդիլոսի արցունքներ էր թափում։ Դա «դեժա վյու» էր։ Նա նույն Նիկոլ Փաշինյանն էր։ Դրանց դրսի տիկնիկավարները «շտամպովկա» են անում։
1. Զելենսկին հաճախ է օգտագործում խաղաղություն, ինքնիշխանություն, արժանապատվություն բառերը, բայց բերել ու բերում է պատերազմ, պարտություն, նվաստացում, զոհեր, ավերածություններ։ Նիկոլ Փաշինյանն էլ։
2․ Զելենսկին իշխանության եկավ թալանի ու կոռուպցիայի դեմ պայքարի լոզունգներով, բայց դարձել է հետսովետական Ուկրաինայի ամենաթալանչի և ամենակոռումպացված ղեկավարը։ Նիկոլ Փաշինյանն էլ։
3․Զելենսկին դրսի ուժերի ձեռքում խամաճիկ է և հանուն աթոռի զոհասեղանին է դրել սեփական պետությունը։ Նիկոլ Փաշինյանն էլ։
4․Զելենսկուն օգտագործում են հակառուսական ծրագրերում և որպես մանրադրամ դիտարկում Ուկրաինան։ Նիկոլ Փաշինյանի դեպքում էլ է նույնը։
5․ Զելենսկին, հանուն իր աթոռի ու իմիջի (որպեսզի իրեն չասեն «Զելենսկի դավաճան»), պատերազմը կանգնեցնելու և հսկայական զոհերից խուսափելու բազմաթիվ հնարավորություններ բաց թողեց։ Նիկոլ Փաշինյանն էլ։
6․Զելենսկու վերջին հույսը դարձել է Էրդողանը։ Նիկոլինն էլ։
7․ Մինչև Զելենսկին չհեռացվի իշխանությունից, Ուկրաինան շանս չունի, իսկ ուկրաինացիները նոր զոհեր են տալու և նոր տարածքներ կորցնեն։ Հայաստանի դեպքում էլ է նույնը։
«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից