Category: News.am

Հունիսի 1-ին Կենդանաբանական այգում մինչև 16 տարեկան երեխաների մուտքն անվճար է
Այդ օրը ժամը 11:00-18:00-ը, Կենդանաբանական այգում կլինի՝
• Նոր ազատավանդակների և կենդանատեսակների ցուցադրություն,
• երաժշտական անկյուն,
• զվարճալի խաղեր. արհեստավարժ անիմատորների կողմից կկազմակերպվեն ակտիվ խաղեր, թիմային մրցույթներ և դինամիկ ակտիվություններ՝ տարբեր տարիքային խմբերի երեխաների համար
• Մուլտհերոսների հետ հանդիպում. այգու տարբեր 6 հատվածներում երեխաներին կդիմավորեն սիրված մուլտֆիլմերի կերպարները՝ լուսանկարների, պարերի և զվարճանքի համար,
• պղպջակների շոու,
• ֆեյս-արթ,
• շրջայց այգում. երեխաները կարող են մասնակցել զբոսանքի այգու տարածքով՝ դիտելով կենդանիներին, տեղեկանալով նրանց վերաբերող հետաքրքիր պատմությունների և փաստերի։
Մետրոյի «Երիտասարդական» կայարանի հարևանությամբ կանգառից դեպի Կենդանաբանական այգի քաղաքացիներին կսպասարկեն անվճար ավտոբուսներ:

NEWS.am pinned «ՈՒՂԻՂ. Երկու զոհ մեկ օրում. ողբերգական դեպքերը կտրուկ աճում են I ԼՈՒՐԵՐ I 19:30 https://www.youtube.com/watch?v=GSg_XnwEHpc»

ՈՒՂԻՂ. Երկու զոհ մեկ օրում. ողբերգական դեպքերը կտրուկ աճում են I ԼՈՒՐԵՐ I 19:30 https://www.youtube.com/watch?v=GSg_XnwEHpc

Ֆրանսիայի արտաքին գործերի նախարար Ժան-Նոել Բարոն մայիսի 26–ին գալիս է Հայաստան:
Նույն օրը ՀՀ ԱԳՆ-ում կկայանա ՀՀ արտաքին գործերի նախարար Արարատ Միրզոյանի և Ժան-Նոել Բարոյի հանդիպումը, որին կհաջորդի նախարարների համատեղ մամուլի ասուլիսը:
Ֆրանսիայի ԱԳ նախարարը նաև «Երևանյան երկխոսություն» միջոցառման շրջանակներում ՀՀ ԱԳ նախարարի հետ կմասնակցի պանելային քննարկման:

Երևանն ու Բաքուն սահմանազատման շուրջ կարծիքներ ու առաջարկներ են փոխանակում. «Ազատության»-ը գրավոր տեղեկացրել են արտաքին գործերի նախարարությունից:

Սերժ Սարգսյանը մեղադրվում է շուրջ 3 միլիոն ԱՄՆ դոլար կաշառք ստանալու մեջ. նրա վերաբերյալ նախաքննությունն ավարտվել է
ՀՀ հակակոռուպցիոն կոմիտեում քննված բազմադրվագ քրեական վարույթով իրականացված մեծածավալ ապացուցողական և վարութային այլ գործողությունների արդյունքում հիմնավորվել է, որ ՀՀ նախագահի պաշտոնը զբաղեցրած անձը, իր պաշտոնեական դիրքն օգտագործելով ՍՊ ընկերության տնօրենի օգտին գործողություններ կատարելուն նպաստելու, այն է՝ ընկերության 100 տոկոս բաժնեմասը ՀՀ-ում ոչ ռեզիդենտ ընկերությանը վաճառելու գործարքին չխոչընդոտելու համար, 2008 թվականի փետրվարին և ապրիլին՝ այդ ժամանակահատվածում ՀՀ վարչապետի ավագ օգնականի պաշտոնը զբաղեցրած անձի օժանդակությամբ, նշված գործարարից ստացել է առանձնապես խոշոր չափերով՝ 2.985.000 ԱՄՆ դոլար կաշառք:

INNOTEK դասարան՝ ՃՇՀԱՀ միջին մասնագիտական կրթության քոլեջում

Շինարարական ոլորտում նոր որակի կրթությանը նպաստելու նպատակով INNOTEK ընկերությունը, Ճարտարապետության և շինարարության Հայաստանի ազգային համալսարանի հետ համագործակցությամբ ՃՇՀԱՀ միջին մասնագիտական կրթության քոլեջում ստեղծել է պրակտիկ ուսուցման ժամանակակից դասարան։
Նախաձեռնության շրջանակում քոլեջի ուսանողները հնարավորություն կունենան շինարարության առաջատար տեխնոլոգիաների կիրառմամբ գործնական հմտություններ ձեռք բերել։
Նորաբաց դասարանը համալրված է ժամանակակից սարքավորումներով, որոնք թույլ կտան ուսանողներին աշխատել իրական պայմաններին մոտ միջավայրում։ Բացի գործնական ուսուցումից, ծրագիրը ներառում է նաև տեսական դասընթացներ՝ էլեկտրատեխնիկա և նյութագիտություն։ Ուսուցման գործընթացում ներգրավված են լինելու ինչպես ՃՇՀԱՀ միջին մասնագիտական կրթության քոլեջի ուսուցիչներն, այնպես էլ արտերկրից հրավիրված՝ INNOTEK-ի բարձրակարգ մասնագետները։