Category: Պաշտպանություն

Թուրքական հետախուզությունը միանում է Գազայի հարցով բանակցություններին
Թուրքիայի ազգային հետախուզական կազմակերպության (MİT) ղեկավար Իբրահիմ Քալընը մեկնել է Կատար` Գազայի հարցով Թրամփի պլանի իրականացմանը միտված խորհրդատվությունների համար։
Հ.Գ. Թուրքական ազգային հետախուզությունն իր դերն ունեցել է նաև 44-օրյայում, այն ժամանակ Հաքան Ֆիդանի ղեկավարմամբ, ինչի համար նույնիսկ պարգևատրվել է Էրդողանից։

Ադրբեջանի վերգետնյա տրանսպորտային գործակալությունը նոր լիազորություններ ունի
Ադրբեջանի նախագահ Իլհամ Ալիևի հրամանագիր է ստորագրել, որով գործակալությանը վերապահվել է Նախիջևանի Ինքնավար Հանրապետությունում տրանսպորտային հանգույցների և ավտոկայանատեղիների ստեղծման (նախագծում և կառուցում) լիազորություններ,ինչպես նաև` դրանց վիճակի վերահսկողության։

Փաշինյանի գնահատականը 44-օրյա պատերազմին և Ալիևի հետևողական նախապատրաստությունը. ի՞նչ օպերացիայի պլաններ են փոխվել։
■ Ինչևէ, Փաշինյանի՝ 44-օրյա պատերազմի որակման համատեքստում նշենք, որ դեռ 2021 թվականին Ադրբեջանի նախագահ Ալիևը մի քանի գաղտնազերծում էր արել և հայտնել, որ «սառեցված հակամարտության» պայմաններում Ադրբեջանը, նախքան 2020 թվականի պատերազմը, տարբեր իրավիճակների համար սցենար և գործողությունների պլան է մշակած ունեցել, և որ, իր տեղեկացմամբ, այդ տարիներին հայկական կողմը ևս գործողությունների պլան է ունեցել՝ հնարավոր պատերազմը հաշվի առնելով:
«Այսպիսով, 2020 թվականի պատերազմի ընթացքում մեր գործողությունների հիմքը մշակվել է պատերազմից շատ ավելի վաղ: Սակայն պատերազմի ընթացքում ռազմական օպերացիաներում մենք փոփոխություններ ենք մտցրել, այդ թվում՝ հաշվի առնելով, որ հակառակորդը կարող է տեղեկություն ունենալ մեր մտադրությունների մասին:
Ի վերջո, պատերազմական գործողությունների թատերաբեմը բավականին սահմանափակ է, և ցանկացած ռազմական մասնագետ կարող էր կռահել, թե որտեղ են տեղի ունենալու հիմնական գործողությունները:
Ըստ այդմ՝ մենք, կարելի է ասել, ամենօրյա ռեժիմով մարտական պլաններում շտկումներ և փոփոխություններ ենք մտցրել:
Եվ ես ամեն օր Պաշտպանության նախարարության, Ազգային անվտանգության, Արտաքին հետախուզական ծառայության, Պետական սահմանապահ ծառայության, Արտաքին գործերի նախարարության ղեկավարության հետ խորհրդակցություն եմ անցկացրել: Այդ խորհրդակցությունների ժամանակ մենք նախորդ օրվա արդյունքներն ենք ամփոփել, վեր հանել թերությունները, ինչպես նաև՝ հաստատել հաջորդ օրվա պլանը: Այսինքն, շատ ակտիվ ամենօրյա աշխատանք է տարվել, և հակառակորդի համար մեր գործողություններն ու օպերացիաներն անակնկալ էին, որոնք այսօր շատ դեպքերում արդեն հայտնի են»,- «Ազգային պաշտպանություն» ամսագրին տված զրույցում մանրամասնել էր Ալիևը և հավելել, որ «Երկաթե բռունցք» անվանումը տալ պատերազմական ամբողջ գործողություններին մտահղացել է մարտական գործողությունների որոշակի փուլում:
Հիշեցնենք, որ 168.am-ը դեռ 2021 թվականին էր գրել, որ 44-օրյայի ժամանակ Ադրբեջանի համար կարևոր խնդիր է եղել հասնել Լաչին, և, որ ընթացքում Լաչինի գրավման սկզբնական պլաններն ու ուղղությունը փոխվել են:
Հիշեցնենք նաև, որ Շուշին «ազատագրելու» օպերացիա սկսելու հրաման Ալիևը տվել է հոկտեմբերի կեսերին, երբ «մարտեր էին ընթանում Հադրութում և Ջաբրայիլում», և, որ Շուշիի գրավման նախօրեին Ալիևը մարտական գործողությունների պլան է մերժել:

Բաքվում քննել են Տավուշի հատվածում ՀՀ ԶՈւ կողմից ադրբեջանցի բարձրաստիճան զինվորականների և դիվերսանտ-Ազգային հերոսի ոչնչացման փաստերը։

Մարդ մի օր Հաագայի դատավարություն լուսաբաներ։

Զինծառայության ժամկետի կրճատման մասին դեռևս 2018 թվականից խոսակցություններ կան։ Այն ժամանակ պաշտպանության նախարար Դավիթ Տոնոյանն էր այս մասին խոսում, հիմնականում փակ քննարկումների ժամանակ։
ՔՊ պատգամավոր Հայկ Սարգսյան

Օրենքը տապալվեց ընդդիմության «դեմ» քվեարկելու և ՔՊ պատգամավոր Անդրանիկ Քոչարյանի «ձեռնպահ» քվեարկելու հետևանքով։

ՔՊ պատգամավոր Հայկ Սարգսյանը` բանակին առնչվող իր օրինագծի տապալման մասին։

Իրավիճակին և տեղեկատվությանը չտիրապետող որոշ լրատվամիջոցներ պնդում են, թե իբր երեկ ՊՆ վարչական համալիրի մոտ ակցիա իրականացնող քաղաքացիների հետ պաշտպանության նախարարությունում որևէ հանդիպում տեղի չի ունեցել:
Նշենք, որ ակցիայի անմիջապես մեկնարկին պաշտպանության նախարարությունը հանդիպման առաջարկ է ներկայացրել նախարարի տեղակալ, միևնույն ժամանակ Գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի նախագահի տեղակալ Արման Սարգսյանի, իսկ այնուհետև՝ ՀՀ ԶՈՒ ԳՇ օպերատիվ գլխավոր վարչության պետ-զինված ուժերի գլխավոր շտաբի պետի տեղակալ, գեներալ-մայոր Թեմուր Շահնազարյանի հետ:
Ակցիայի մասնակիցները պնդել են, որ ցանկանում են հանդիպել ԳՇ պետի և ԶՈՒ-ից զորացրված մի շարք անձանց հետ:
ԳՇ պետ Էդվարդ Ասրյանն ընդունել է քաղաքացիներին, հանդիպումը տևել է մի քանի ժամ:
Հայտնենք նաև, որ ակցիայի մասնակիցների նկատմամբ ՊՆ ծառայողները դրսևորել են հարգալից վերաբերմունք, նրանց նկատմամբ բիրտ ուժի կիրառման դեպք չի արձանագրվել: Միաժամանակ անհրաժեշտ ենք համարում ընդգծել, որ ակցիայի որոշ մասնակիցներ ռազմական ոստիկանության ծառայողների ուղղությամբ շշեր են նետել, ինչպես նաև այլ առարկաներով տարբեր գործողությունների դիմել (տեսանյութերն առկա են), ինչին ի պատասխան՝ ՌՈ ծառայողների գործողությունները շարունակել են մնալ հարգալից:
ՊՆ

Սեպտեմբերի 30-ի ԱԺ նիստի օրակարգում Քննիչ հանձնաժողովի զեկույցը չի ներկայացվելու, ինչպես խոստացել էր Անդրանիկ Քոչարյանը։
Իհարկե, զեկույցը սեպտեմբերի 3-ին հանձնվել էր ԱԺ նախագահին և փաստորեն պատասխանատվությունը մնում է նրա վրա։ Սպասենք զարգացումներին։
Իսկ մինչ այդ հիշեցնենք, որ 5 տարի առաջ այս օրը ԱԽ նիստում պատերազմի 4֊րդ օրը Օնիկ Գասպարյանն առաջարկել է կանգնեցնել մարտական գործողությունները, ինչը չի ընդունվել։ Թերևս, այս տեսակետը լավ չի ընդունվել, մեծ հաշվով։
Իսկ Նիկոլ Փաշինյանը սկզբում չի հերքել նման առաջարկի փաստը, բայց 2021֊ի ապրիլին, երբ սկսվեց ԱԽ-Օնիկ Գասպարյան հեռահար բանավեճ, Փաշինյանը պնդեց, որ նման բան չի եղել։
Այս օրվա նիստի ելույթները չեն հրապարակվել, թե գաղտնիության պահ կա, մինչդեռ գաղտնի համարվող փաստաթուղթն ընտրովի գաղտնազերծվել է։
Իսկ դրանից ակնհայտ երևում է, որ կարևոր հատվածներ գաղտնի են պահվել։
Ամեն դեպքում-ի հատվածը, օրինակ հուշում է, որ չնայած այսինչ վիճակին, ամեն դեպքում…
Հ.Գ. Իսկ ԳՇ նախկին պետին շատ հարցեր կան տալու, առհասարակ։