Category: Պաշտպանություն

Իրավիճակին և տեղեկատվությանը չտիրապետող որոշ լրատվամիջոցներ պնդում են, թե իբր երեկ ՊՆ վարչական համալիրի մոտ ակցիա իրականացնող քաղաքացիների հետ պաշտպանության նախարարությունում որևէ հանդիպում տեղի չի ունեցել:
Նշենք, որ ակցիայի անմիջապես մեկնարկին պաշտպանության նախարարությունը հանդիպման առաջարկ է ներկայացրել նախարարի տեղակալ, միևնույն ժամանակ Գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի նախագահի տեղակալ Արման Սարգսյանի, իսկ այնուհետև՝ ՀՀ ԶՈՒ ԳՇ օպերատիվ գլխավոր վարչության պետ-զինված ուժերի գլխավոր շտաբի պետի տեղակալ, գեներալ-մայոր Թեմուր Շահնազարյանի հետ:
Ակցիայի մասնակիցները պնդել են, որ ցանկանում են հանդիպել ԳՇ պետի և ԶՈՒ-ից զորացրված մի շարք անձանց հետ:
ԳՇ պետ Էդվարդ Ասրյանն ընդունել է քաղաքացիներին, հանդիպումը տևել է մի քանի ժամ:
Հայտնենք նաև, որ ակցիայի մասնակիցների նկատմամբ ՊՆ ծառայողները դրսևորել են հարգալից վերաբերմունք, նրանց նկատմամբ բիրտ ուժի կիրառման դեպք չի արձանագրվել: Միաժամանակ անհրաժեշտ ենք համարում ընդգծել, որ ակցիայի որոշ մասնակիցներ ռազմական ոստիկանության ծառայողների ուղղությամբ շշեր են նետել, ինչպես նաև այլ առարկաներով տարբեր գործողությունների դիմել (տեսանյութերն առկա են), ինչին ի պատասխան՝ ՌՈ ծառայողների գործողությունները շարունակել են մնալ հարգալից:
ՊՆ

Սեպտեմբերի 30-ի ԱԺ նիստի օրակարգում Քննիչ հանձնաժողովի զեկույցը չի ներկայացվելու, ինչպես խոստացել էր Անդրանիկ Քոչարյանը։
Իհարկե, զեկույցը սեպտեմբերի 3-ին հանձնվել էր ԱԺ նախագահին և փաստորեն պատասխանատվությունը մնում է նրա վրա։ Սպասենք զարգացումներին։
Իսկ մինչ այդ հիշեցնենք, որ 5 տարի առաջ այս օրը ԱԽ նիստում պատերազմի 4֊րդ օրը Օնիկ Գասպարյանն առաջարկել է կանգնեցնել մարտական գործողությունները, ինչը չի ընդունվել։ Թերևս, այս տեսակետը լավ չի ընդունվել, մեծ հաշվով։
Իսկ Նիկոլ Փաշինյանը սկզբում չի հերքել նման առաջարկի փաստը, բայց 2021֊ի ապրիլին, երբ սկսվեց ԱԽ-Օնիկ Գասպարյան հեռահար բանավեճ, Փաշինյանը պնդեց, որ նման բան չի եղել։
Այս օրվա նիստի ելույթները չեն հրապարակվել, թե գաղտնիության պահ կա, մինչդեռ գաղտնի համարվող փաստաթուղթն ընտրովի գաղտնազերծվել է։
Իսկ դրանից ակնհայտ երևում է, որ կարևոր հատվածներ գաղտնի են պահվել։
Ամեն դեպքում-ի հատվածը, օրինակ հուշում է, որ չնայած այսինչ վիճակին, ամեն դեպքում…
Հ.Գ. Իսկ ԳՇ նախկին պետին շատ հարցեր կան տալու, առհասարակ։

Ի պատասխան «Երևանի զորամասերից մեկի կանանց գումարտակում տեղի ունեցած դեպքի» վերաբերյալ ԶԼՄ հարցումների՝ հայտնում ենք, որ ս/թ սեպտեմբերի 23-ին N զորամասի պայմանագրային զինծառայողը ՀՀ ՊՆ ռազմական ոստիկանությունում առերևույթ հանցանքի մասին հաղորդում է ներկայացրել, որը ուղարկվել է նախաքննական մարմին` քրեական վարույթ նախաձեռնելու հարցը լուծելու նպատակով:
ՊՆ

Բաքվի դատարանում այսօր քննության առարկա էր Ապրիլյան պատերազմի և Հուլիսյան մարտերի օրերին ադրբեջանցի գեներալ Փոլադ Հաշիմովի ոչնչացման թեման։

Ալիևը «Գյանջայի դեպքերով» Հայաստանի և ՀՀ զինված ուժերի դեմ պայքարը չի դադարեցնելու. Փաշինյանը սեփական աթոռը պահելու աջակցություն է խնդրում։
■ Իսկ Ալիևն իրենց շեհիդների հիշատակը հարգելու համար այցելել էր 44-օրյայից հետո կառուցված Գյանջայի հուշահամալիր, որի նպատակն է՝ հիշեցնել «Գյանջայի դեպքերի» և «ՀՀ զինված ուժերի հրթիռային հարվածների մասին Հայաստանի տարածքից»:
Ավելի ուշ ադրբեջանական լրատվամիջոցները մանրամասներ էին հայտնել, որ Ադրբեջանի նախագահը Գյանջայի հուշահամալիրում հանդիպել է փոքրիկ Նիլա Ալիևային և նրա պապիկին, ում ծնողներն իբր «սպանվել են Հայաստանի տարածքից հրթիռային հարվածից»:
Ավելի ուշ ադրբեջանական «Ազերթաջը» նույնիսկ հարցազրույց է արել աղջկա հետ:
Ադրբեջանական քարոզչամեքենան այս համատեքստում հերթական անգամ պնդել է, որ «ՀՀ զինված ուժերը 2020 թվականի հոկտեմբերի 4-ին, 5-ին, 8-ին, 11-ին և 17-ին հարվածներ են հասցրել առաջնագծից 80 կմ հեռավորության վրա գտնվող Գյանջայի ուղղությամբ՝ «Տոչկա-Ու», «Սմերչ», «Սկադ» հրթիռային համալիրներից, որից 26 մարդ՝ մահացել, 146-ը վիրավորվել է»:
Ըստ այդմ, ըստ ալիևյան ռեժիմի, պատերազմից հետո կառուցված Գյանջայի հուշահամալիրը ոչ միայն հուշարձան է, այլ նաև միջազգային հանրությանն ուղղված կոչ՝ «Հայաստանի հրթիռային հարվածները խաղաղ բնակչության ուղղությամբ Ժնևյան կոնվենցիայի և մարդկային հիմնարար արժեքների խախտում են»:
Հիշեցնենք, որ այս հարցը Բաքվի «դատավարության» օրակարգում է, և Արցախի ռազմաքաղաքական նախկին ղեկավարներից և դատարան գործուղված «տուժողներից» ցուցմունքներ են կորզվել և կորզվում՝ ընդդեմ Հայաստանի Հանրապետության և ՀՀ զինված ուժերի:
Նշենք, որ ավելի վաղ Ալիևը պահանջել էր հետաքննել «Գյանջայի դեպքերը», պատասխանատվության ենթարկել մեղավորներին, և անգամ ակնարկ էր եղել փոխհատուցման մասին: Իսկ Բաքվի «դատավարության» ժամանակ Բաքուն այս դեպքերի համար մեղավոր է դեռևս համարում ՀՀ զինված ուժերին, և անգամ անուններ են «կորզվել» և հնչել:
Արդյո՞ք Նիկոլ Փաշինյանն այս հարցում անհրաժեշտության դեպքում ևս «կհամագործակցի» Ալիևի հետ՝ իր իշխանության շարունակականության ապահովման դիմաց, քանի որ Ալիևի համար «Գյանջայի դեպքերի», «Խոջալուի ցեղասպանության» (44-օրյայից հետո նախաձեռնվել է նաև «Խոջալուի ցեղասպանության» հուշահամալիրի կառուցում, աշխատանքները դեռ ընթացքի մեջ են) թեմաները փակված չեն:

ՊՆ-ի դիմաց կատարվողը խայտառակություն է, և երևի դիրիժոր կլինի։ Հիշեցի, թե ոնց էր Օնիկ Գասպարյանի ժամանակ մեկը ամեն օր գալիս ՊՆ դուռը ջարդում, հետո դարձավ Նիկոլ Փաշինյանի օգնականը, երբ եղբոր մարմինը գտան, և հետո ինքն էր արդեն “քշում” Կառավարության դիմացը անհետների ծնողներին, որ հավաքվում էին։ Ի դեպ, էն ժամանակ էլ ինչ-որ “մատեր կային խառնված”։ Լինում էր, որ անգամ ֆեյք ծնողներ էին գալիս։ Իսկ ընդհանուր առմամբ, սա է սրանց իշխանության դեմքը։ Իսկ մարդիկ գլխավորներին միշտ մոռանում են…

Անդրանիկ Քոչարյանի ասած ժամկետում Քննիչ հանձնաժողովի զեկույցը չի ներկայացվի, այսինքն, սեպտեմբերի 30-ին։ Սա իմ այս պահի տեղեկությամբ։

-Մինչև վերջին օրը Շուշիում եղել են մեր ուժերը, բայց սա չի նշանակում, որ նրանք կարող էին ազդեցիկ լինել քաղաքի նկատմամբ ամբողջական վերահսկողությունը վերականգնելու համար:
Պաշտպանության նախարար Դավիթ Տոնոյան, 2020, նոյեմբեր 10
-Առավոտյան Արցախի նախագահի գրառումը կարդացի, որտեղ ասվում է, որ այդ աշխատանքների արդյունքում Շուշիում 100-ից ավելի  մեր զինվորների մարմիններ են հայտնաբերվել: Եթե Շուշին հանձնվել է, այդ զինվորներն ո՞ւմ հրամանով են կռվել կամ ինչի՞ համար են կռվել:
Նիկոլ Փաշինյան, 2020, նոյեմբերի 16
-Ինձ զեկուցվել է, որ Շուշիում մենք զինվոր չունենք:
Նիկոլ Փաշինյան, 2023, հունիս 27

Տեսնես մտա՞վ, թե՞ պատերազմից հետո լրիվ մոռացան…
««Հովազ 1» դիրքի ավագի սխրանքն ու գրագիտությունը պիտի մտնեն Հայոց պատմության դասագրքեր։ Մանրամասները՝ պատերազմից հետո»:
Արծրուն Հովհաննիսյան, 2020 սեպտեմբերի 29