Category: Պաշտպանություն

Արցախի նախկին նախագահ Բակո Սահակյանը ևս դատապարտվեց 20 տարվա ազատազրկման։

Ուկրաինայի նախագահ Զելենսկին France 2-ին տված հարցազրույցում, մասնավորապես, նշել է`
■ Եթե մենք պարտվենք այս պատերազմը, մենք կկորցնենք մեր անկախությունը։ Եթե մենք կորցնենք մեր անկախությունը և  դառնանք Ռուսաստանի մաս, դա սարսափելի կորուստ կլինի։ Ես վստահ եմ, որ դա տեղի չի ունենա։
■ Ռուսաստանն ուզում է, որ մենք ամբողջ Դոնբասն իրեն թողնենք, որովհետև պատերազմը սկսելուց ի վեր ոչ մի հաղթանակ չունեն։  Բայց որպեսզի Ռուսաստանը գրավի Ուկրաինայի արևելքը, նրանից  պահանջվելու է 800.000 սեփական  զինվորի կորուստ և մոտ 2 տարի։ Այդքան նրանք չեն դիմանա։
■ Ներկա դիրքերի պահպանումն արդեն իսկ մեր կողմից զիջում է։ Ռուսաստանին դադար է պետք։ Եթե խոսքը գոտու ապառազմականացման մասին է, ապա մեր հատվածը  մենք պետք է վերահսկենք։
■ Ռուսաստանը փորձում է ցուրտ պայմաններից օգտվել և  ուկրաինացիներին  էլ ավելի մեծ տառապանք պատճառել, և  այդ ձևով պարտադրել ընդունել այն,  ինչն ամերիկացիներն անվանում են փոխզիջում։
https://t.me/oborona2025

Թուրքիան և Եգիպտոսը շրջանակային ռազմական համաձայնագիր են ստորագրել։

Առաջիկայում անուն առ անուն, կենսագրություն առ կենսագրություն անդրադառնալու եմ գնդերեցներին ճնշած զինվորականներին։ Էսքան ժամանակ լռել եմ, որովհետև դեռ պիտի հասկանամ էլ ով կա։ Չեմ խնայելու, եթե անգամ իմ կողմից հարգված մարդիկ լինեն։ Այս պահի դրությամբ նման ինֆորմացիա դեռ չունեմ, ով կա` երբեք չեմ հարգել։

Արդյոք Փաշինյանը կցուցադրի՞ նոր սպառազինությունը՝ իշխանությունը պահելու համար

Reuters-ի հաղորդմամբ, Մեծ Բրիտանիան ներկայացրել է առաջադեմ միջուկային ռեակտորների նոր նախագիծ։ Բրիտանական իշխանությունները հայտարարել են, որ ատոմային էլեկտրակայաններն առանցքային դեր են խաղալու երկրի կլիմատիկ նպատակների և նոր աշխատատեղերի ստեղծման համատեքստում։

Ոնց անենք, որ էդ Վիլենը ծանոթանա Նիկոլ Փաշինյանի ցուցմունքներին և հաղորդումներին ընդդեմ Հայաստանի և ՀՀ զինված ուժերի։ Մեկդ փոխանցեք, թող իմ շարքերին ծանոթանա։ Թե չէ մենակ նախկիններով է տառապում։ Մեկ էլ ասեք էդ, որ ասում է անվտանգությունը միայն բանակի խնդիրը չի, այլ պետության։ Ճիշտ է, բա քանի անգամ է իր քաղաքական առաջնորդին բացատրել, որ պատերազմը պետությունն է վարում, բանակը կռվում, ո՞նց ստացվեց, որ պարտությունը մնաց բանակի վրա, քրեական գործերով էլ մենակ զինվորականությունն է անցնում։ Դուխը չի՞ հերիքում։ Հա, մեկ էլ խեր լինի, ոնց որ ի տարբերություն 2023 թվականի, հասկացել է ինչ է անում Սուրեն Պապիկյանը և շատ դրական է գնահատում, էլ իր դեմ կռիվ չի տալիս ինչ֊ինչ ձևերով։ Սա կոչվում է քաղաքական-կուսակցական հպատակություն։

ABC հեռուստաալիքի հաղորդմամբ, Ավստրալիան որոշել է վաճառքի հանել ռազմական որոշ օբյեկտներ, նպատակ ունենալով ստանալ 1.8 միլիարդ դոլար և դրանով ուժեղացնել երկրի պաշտպանությունը։
Մասնավորապես, պաշտպանական ոլորտում բյուջետային միջոցների ոչ բավարար լինելու պատճառով վաճառքի ենթակա է համարվել 67 ռազմական օբյեկտ, որոնց մեծ մասը չի էլ օգտագործվում։ Դրանց թվում են Սիդնեյում, Մելբուռնում, Բրիսբենում գտնվող զորանոցները, Նոր Հարավային Ուելսի HMAS Penguin ռազմածովային բազան և այլն։ Ընդհանուր առմամբ, խոսքը 3 մլն. հեկտար տարածքի մասին է։
Աուդիտը ցույց է տվել, որ նշված օբյեկտների ցուցակից 10 օբյեկտ ընդհանրապես չի օգտագործվել, 14-ն էլ` հազվադեպ, իսկ այդ զորանոցների և բազաների վերանորոգման համար պահանջվում է 3 միլիարդ դոլար։
Իսկ հիմա դրանց վաճառքից ստացվելիք 1.8 միլիարդ դոլարն Ավստրալիայի ղեկավարությունը կուղղի հյուսիսային բազաներին և Ավստրալիա-Մեծ Բրիտանիա-ԱՄՆ ռազմաքաղաքական բլոկի ենթակառուցվածքներին, և կլուծի պաշտպանության հետ կապված կոնկրետ հարցեր։
https://t.me/oborona2025

Ադրբեջանը և Իսրայելն արհեստական բանականության ոլորտում համագործակցության համաձայնագիր են ստորագրել։
Հ.Գ. Ավելի վաղ Ադրբեջանը հաստատել էր արհեստական բանականության 2025-2028 թվականների ռազմավարությունը։ Եվ Ալիևը խնդիր է դրել ԱԲ-ն կիրառել նաև պաշտպանության ոլորտում, զինված ուժերում։