Category: Պաշտպանություն

Վերջին օրերին ադրբեջանական որոշ լրատվամիջոցներում տարածված և տեղեկատվական աղմուկ առաջացրած ֆիլմի կապակցությամբ անհրաժեշտ ենք համարում պարզաբանել հետևյալը․
Հարցազրույց տալու առաջարկով Սամվել Բաբայանին դիմել է հայազգի Միքայել Դիշունցը՝ ներկայացնելով իսպանական «TPTM Media Spain» ընկերության նախաձեռնությունը՝ Կամուրջներ եզրին․ Հայաստանը մայրցամաքների միջև» խորագրով վավերագրական ֆիլմի նախագիծը։
Նախագծի նպատակը, ըստ ֆիլմի ռեժիսոր Կարմեն Մարկեսի կողմից ստորագրված և ներկայացված փաստաթղթի, անդրադառնալն էր Հայաստանի եվրոպական ինտեգրման հեռանկարներին, Արցախից հետո ձևավորված նոր իրողություններին, տարածաշրջանային և աշխարհաքաղաքական զարգացումներին, տնտեսական վերափոխումներին։
Մոտ երկու ժամ տևած հարցազրույցից ֆիլմում ներառվել է ընդամենը մեկ րոպեանոց հատված, որը վերաբերում է Ռուբեն Վարդանյանին։
Վերջինիս գործունեության վերաբերյալ Սամվել Բաբայանը հանդես է եկել հրապարակային և հետևողական դիրքորոշմամբ, որից չի հրաժարվել և բազմիցս արտահայտվել է հանրային հարթակներում։
Միաժամանակ հարկ ենք համարում ընդգծել, որ հարցազրույցի տվյալ հատվածի ադրբեջանական մեդիայում հայտնվելու հանգամանքները ենթակա են պարզաբանման ոչ թե Սամվել Բաբայանի, այլ Հայաստանում ֆիլմի կազմակերպչական աշխատանքները համակարգած անձանց կողմից։
Սամվել Բաբայան

Բաքվի պետական համալսարանի ենթակայությամբ գործող «Արևմտյան Ադրբեջանի» հետազոտությունների կենտրոնը սկսել է վավերագրել իբր Հայաստանում եղած և ոչնչացված ադրբեջանցիների տապանաքարերը, պնդելով, որ Հայաստանը վարել է խտրական քաղաքականություն։
«Ուսումնասիրությունները ցույց են տվել, որ Հայաստանը ոչ միայն «օկուպանտ» պետություն է, այլև սիստեմատիկ մշակութային ցեղասպանություն իրանացրած», -հայտարարել է վերը նշված կենտրոնի ղեկավարը։
Եվ սա ասում է` Արցախում հերոսների շիրմաքարերը կոտրած պետության ներկայացուցիչը։
Հ.Գ. շարունակեք ադրբեջանական բենզին գնել, հարստացնել դրանց և խաղաղությունն իրողություն համարել։

Իսրայելական պետական պաշտպանական Israel Aerospace Industries (IAI) կոնցեռնը Բաքվում բացել է ինովացիոն կենտրոն` VISTAR, որի նպատակն Ադրբեջանի համար տեխնոլոգիական կադրերի պատրաստումն է։

Բաքվի սարքած Ռուբեն Վարդանյանի ֆիլմում Սամվել Բաբայան, որ նկարվել ես, ասում են։ Բա հեչ հետևել ես Բաքվի դատարանում քո արածներից ինչեր են պատմում։ Մի մեծ ֆիլմ դառնում է։

Մենք 300 մետր երկարությամբ ավիակիր ենք սկսել կառուցել, որը դառնալու է TCG Anadolu-ի «ավագ եղբայրը»։
Էրդողան

Ադրբեջանից ներկրված բենզինի հետքերով
Օրեր առաջ Հայաստան ներմուծվեց Ադրբեջանից ուղարկված բենզինի առաջին խմբաքանակը: Ընդ որում, հայտարարվեց, որ ներմուծվել է բարձրակարգ՝ АИ95 տեսակի բենզին:
Անդրադառնանք այս տնտեսական ակցիային առանց աշխարհաքաղաքական չափման՝ չոր թվերով ու փաստերով:
Ադրբեջանում գործում է դեռևս 1976 թ.-ին շահագործման հանձնված Բաքվի Հ. Ալիևի անվան նավթավերամշակման գործարանը, որը պարբերաբար՝ գրեթե երկու տարին մեկ անգամ, կանգնեցվում է վերանորոգման նպատակով: Իսկ դա նշանակում է, որ՝
ա) Ադրբեջանը ևս կախված է նավթամթերքի, հատկապես՝ ավտովառելիքի ներկրումից,
բ) ի վիճակի չէ լիարժեքորեն զարգացնել բարձր տեխնոլոգիական լուծումներ պահանջող АИ95 տեսակի բենզին:
Այս ենթադրությունները հիմնավորելու համար անդրադառնանք պաշտոնական թվերին:
Ադրբեջանում АИ95 տեսակի բենզինը սկսել է արտադրվել վերջերս՝ 2024 թ.-ի երկրորդ կեսին: Դրա իրացումը ներքին շուկայում ապահովելու համար կառավարությունը հատուկ որոշմամբ սահմանել է ավելի ցածր գին՝ ներկրվող բենզինի հանդեպ մրցունակություն ապահովելու համար: Սակայն այս պրոտեկցիոնիստական մեթոդը ամենևին չօգնեց, ինչը պայմանավորված էր առավելապես Ադրբեջանում արտադրվող АИ95-ի ցածր որակով:
Արդյունքում՝ 2025 թ.-ի հունվար-սեպտեմբեր ամիսներին Բաքվի նավթավերամշակման գործարանն արտադրեց 45.02%-ով ավելի քիչ քանակությամբ АИ95՝ նախապատվությունը տալով ավելի ցածրորակ АИ92-ին:
Ու ամենակարևորը՝ Ադրբեջանի 2026 թ.-ի պետական բյուջեում չի ներառվել АИ95-ի արտադրությունը:
Արտադրական պրոցեսը թանկ է, շուկայում դրա իրացումը պետական հատուկ կարգավորմամբ՝ ևս:
Փաստենք, որ Ադրբեջանը հանդիսանում է բենզինի ներկրող, ինչը հատկապես վերաբերում է АИ95-ին, որի 85-90%-ը ներկրվում է Ռուսաստանից, Ռումինիայից ու ԱՄԷ-ից:
Այսպիսով, մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին՝ Վրաստանի տարածքով: Նույն այն բենզինը, որը Սև ծովով կամ Վերին Լարսով, այնուհետև վրացական ենթակառուցվածքներով ներմուծվում է Հայաստան:
Ահա այսպիսի «տնտեսական կապեր»:
Քաղաքական գիտությունների դոկտոր, պրոֆեսոր, էներգետիկ անվտանգության փորձագետ Վահե Դավթյան

Այս շաբաթ ռազմական այցեր ունեմ, բայց շաբաթվա ընթացքում կփորձեմ անդրադառնալ Հայաստանի և Ադրբեջանի ներքին զորքերին առնչվող օրենսդրական փոփոխություններին, նպատակներին և զինմանը։