Category: Suren Surenyants

Ընդդիմությունը պարտվեց…
Ես չսխալվեցի, ցավոք։
Վեդիի ընտրություններին մասնակցության նման բարձր ցուցանիշը հուշում էր վարչական ռեսուրսի արդյունավետ կիրառման մասին։ Ահա և արդյունքը` ՔՊ-ն ու Գարիկ Սարգսյանը հաղթեցին։
Մի այլ ճշմարտություն էլ կա` ադմինիստրատիվ ռեսուրսը չի աշխատում, երբ արդյունավետ ընդդիմություն ունես։ Առայժմ հեռու ենք այդ իրականությունից։

Արցախում գյուղ ենք կորցրել. Արցախի անվտանգության միակ ճանապարհը ԼՂ խնդրի քաղաքական կարգավորումն է
Արցախի Ասկերանի շրջանի Փառուխ գյուղն այսօր անցել է ադրբեջանական վերահսկողության տակ, ադրբեջանցիներն առանց կրակոցի են գրավել այն, արցախյան կողմից զոհեր, վիրավորներ չկան։
Այսօր Ռուսաստանի ԱԳՆ խոսնակի ճեպազրույցից հասկանալի դարձավ, որ ռուսների վրա հույս դնել պետք չէ. Մոսկվան մինչև վերջ խրված է ուկրաինական կամպանիայում ու Բաքուն ակնհայտորեն օգտվում է իրավիճակից Ռուսաստանի իմացությամբ(նրա հետ պայմանավորվածությամբ) կամ առանց դրա։
Հայաստանը ռազմական բախման ռեսուրս չունի. դա արկածախնդրություն է։
Միակ ելքը Թուրքիայի ու Ադրբեջանի հետ քաղաքական երկխոսությունն է։ Պետք է գիտակցենք, որ Արցախի անվտանգության միակ ճանապարհը ԼՂ խնդրի քաղաքական կարգավորումն է:

Մարդ էլ էս կարգի անհաղորդ կլինի մեր շուրջ ստեղծված իրականությանը, միջազգային համատեքստին։
Գլոբալ հակադրության պայմաններում բոլոր երկրները վերանայում են բյուջետային ծախսերը, տնտեսական աճի կանխատեսումները, բայց մեր էկոնոմիկայի նախարար Վահան Քերոբյանը շարունակում է հավատալ 5,3% տնտեսական աճին։ Չնայած այն հանգամանքին, որ Հայաստանի ԿԲ-ն արդեն վերանայել է իր կանխատեսումը` 5,3%-ից իջեցնելով 1,6%։