Category: Suren Surenyants

Երեկ Մալաթիա- Սեբաստիա վարչական շրջանում բացեցինք ԲՀԿ հերթական նախընտրական շտաբը
https://youtu.be/Czqs8IxrTRI?si=_P-MeLTx6QmldGMn

Ասք՝ «էշի քուռակի» մասին
Ռուբինյան Կարոյի մտավոր կարողությունների մասին երբեք բարձր կարծիք չեմ ունեցել, բայց «եռագլուխ աղբակույտ»-ի մասին նրա զառանցանքից հետո, վերջնականապես հասկացա, որ միջակությունը նաև ծերացել և անօգնական կորցրել է հիշողությունը:
Երբ տարիքն առած մարդը միզում է իր կենսագրության, անցյալի վրա, հիգենիկ նկատառումներից ելնելով, նրան պետք է մեկուսացնել «աղբավայրում»:
Կարոյի ստատուսի «բանալի» բառը «էշ»-ն(էդքան ա ֆանտազիայի մակարդակը) է, հետևաբար իմ «բանալի» խորհուրդը համարժեք կլինի՝ չարժե էսքան նվաստանալ հանուն «էշի քուռակի»:

Օրվա խորհրդի, ճակատագրական ընտրության մասին
https://youtu.be/7BXNy28vi98?si=kDrUDjO—O0LyNJz

Իսրայելին հասցեագրված ջերմ շնորհավորանքը վկայում է Նիկոլ Փաշինյանի իշխանության կամ հակաիրանական կեցվածքի կամ դիլետանտիզմի մասին:
Livenews-ից հարցազրույցի ամբողջական տարբերակի հղումը՝ https://www.youtube.com/live/ZYPsk5oYG5E?si=NtrE4uz2Gmti2HLf

ԵՄ նոր առաքելությունը Հայաստանը դարձնելու է աշխարհաքաղաքական շահերի բախման կիզակետ:
Euromedia24-ին տված հարցազրույցի ամբողջական տարբերակի հղումը՝ https://youtu.be/yL5Sr17ptwg?si=ruS2Rs7Ct4cjTNsJ

Ելույթ «Հայկական օրակարգի» քննարկումների շրջանակում
https://youtu.be/7HORdP9O7tI?si=_y71uMs5SFCwI71X

🇦🇲🥇 Մալխաս Ամոյանը` Եվրոպայի հնգակի չեմպիոն

🔴 ԵՄ-ն գալիս է «օգնելու»․ բայց ո՞ւմ և ինչի՞ հաշվին
Եվրամիությունը որոշել է Հայաստան գործուղել նոր քաղաքացիական առաքելություն՝ այն ներկայացնելով որպես աջակցություն հիբրիդային սպառնալիքների դեմ պայքարում և պետական ինստիտուտների դիմակայունության բարձրացման միջոց։
Առաքելության հիմնավորման մեջ առանձնահատուկ տեղ է հատկացված առաջիկա ընտրական ցիկլին՝ խորհրդարանական, ՏԻՄ ընտրություններին և նույնիսկ հնարավոր սահմանադրական հանրաքվեին։
Բայց առավել խոսուն է այն, որ առաքելության նպատակներից բաց տեքստով նշվում է «նվազեցնել ու չեզոքացնել Ռուսաստանի ապակայունացնող գործողությունները»։ Սա հստակ աշխարհաքաղաքական դիրքավորում է։ Երբ արտաքին դերակատարը նախապես սահմանում է սպառնալիքի աղբյուրը, նա փաստացի իր ռազմավարական հակադրությունը տեղափոխում է տվյալ երկրի տարածք։
Այս պայմաններում Հայաստանը վերածվում է աշխարհաքաղաքական մրցակցության հարթակի։ Եվ այստեղ առաջանում է ֆունդամենտալ հարց՝ արդյո՞ք այս առաքելության նպատակը Հայաստանի դիմակայունության բարձրացումն է, թե՞ նրա աշխարհաքաղաքական ուղղության վերահսկումը։
Չի կարելի անտեսել նաև այս առաքելության ներքաղաքական հետևանքները։ Գործող իշխանությունը վերջին տարիներին հետևողականորեն խորացնում է Արևմուտքի հետ համագործակցությունը՝ այդ թվում՝ անվտանգային ոլորտում։ Նման առաքելության տեղակայումը օբյեկտիվորեն ուժեղացնում է այդ կուրսը՝ ձևավորելով արտաքին հենարան և լրացուցիչ լեգիտիմության աղբյուր։
Ընտրությունները, որոնք պետք է արտացոլեն ներքին քաղաքական մրցակցությունը, սկսում են ընկալվել որպես աշխարհաքաղաքական ընտրություն՝ Արևմուտքի և Ռուսաստանի միջև։ Այդպիսի պայմաններում ընտրական գործընթացը կորցնում է իր ինքնուրույն արժեքը և վերածվում արտաքին ազդեցությունների բախման հարթակի։
ԵՄ առաքելությունը, անկախ հռչակված նպատակներից, անխուսափելիորեն արտաքին քաղաքական հակադրությունը ներմուծում է Հայաստանի ներքին կյանք՝ խորացնելով բևեռացումը և մեծացնելով կախվածությունը արտաքին դերակատարներից։
Խնդիրը ոչ թե ԵՄ-ն է կամ Ռուսաստանը, այլ Հայաստանի սուբյեկտությունը։ Երբ երկրի անվտանգությունն ու ընտրական գործընթացները դառնում են արտաքին ուժերի մրցակցության գործիք, վտանգվում է ոչ միայն քաղաքական հավասարակշռությունը, այլև պետական ինքնիշխանության բովանդակությունը։
Հետևաբար, ո՞ւմ է իրականում «օգնում» այս առաքելությունը, և ի՞նչ գին է դրա դիմաց վճարելու Հայաստանը։

Փաշինյանի վերջին անհեթեթ հայտարարությունների մասին
PAKTV-ին տված հարցազրույցի ամբողջական տարբերակը՝ https://youtu.be/mT6fayZWQ3s?si=MMs-j-s2pL2XYc_2

Փաշինյանի լաբիրինթոսային մղձավանջը
Նիկոլ Փաշինյանը նախ մի սուտ է հորինել «պատերազմի կուսակցության» մասին ու հետո սկսել է «քուջուջ» անել ընդդիմադիր համամասնական ցուցակներում՝ «պատերազմի գաղափարախոս» պեղելու նպատակով:
Հիմա, Հայաստանի գլխավոր լուզերը պնդում է, իհարկե՝ առանց հիմքի ու փաստի, որ ԲՀԿ համամասնական ցուցակի երկրորդ համար Անդրանիկ Թևանյանը «պատերազմի գաղափարախոս» է:
Ստախոսության մեջ Փաշինյանին բռնացելու համար մեծ ջանքեր չեն պահանջվում. նրա խոսքում ճշմարտություն գտնելու համար է մեծ տաղանդ անհրաժեշտ:
Բայց այստեղ մի լուրջ հոգեբանական խնդիր կա. այսօրվա պացիֆիստ Փաշինյանը անհավասար մարտի է բռնվել նախապատերազմյան «պատերազմի հրձիգ» Փաշինյանի հետ: Էս դաժան տրանսֆորմացիայի լաբիրինթոսում Փաշինյանն անհաջող անդրադարձ է կատարել ԲՀԿ-ին ու Թևանյանին՝ թերևս չմարսելով այն ակնհայտ փաստը, որ մեր թիմի «Երաշխավորված խաղաղության» մոդելը մերկացրել իր ուրացման քաղաքականությունը:
Ախր, շատ անհաջող բան է ստացվում, երբ իշխանության արևածագին իրեն «Տիգրան Մեծ» երևակայողը իշխանության մայրամուտին մի անօգնական «Ցռան Վերգոյի» կերպարի էլ չի ձգում:
Ինչ վերաբերում է ԲՀԿ-ին, ապա թե՜ Գագիկ Ծառուկյանի և թե՛ մեր թիմի բոլոր խոսնակների հարցազրույցները ու ելույթները երաշխավորված խաղաղության, պատերազմի էջն անշրջելիորեն փակելու, խեղճությունը հաղթահարելու և կայուն զարգացման մասին են: