Category: Suren Surenyants

Հարցազրույց «Աբովյան Time»-ին: https://fb.watch/o8OhEaXU5L/?mibextid=NnVzG8

ԱԽ քարտուղար Արմեն Գրիգորյանն այսօր մեկնել է Մալթա, որտեղ Հայաստանն առաջին անգամ կմասնակցի Ուկրաինայի առաջարկած «Խաղաղության բանաձևի» շուրջ քննարկումներին։ Ինչ-որ մեկը կարո՞ղ է ինձ բացատրել՝ ի՞նչ քաղաքական արդյունք է Հայաստանն ակնկալում այս հավաքից(ռիսկերը տեսանելի են): Եվ հետո՝ այսօր Հայաստանն ունի խաղաղության միջազգային երաշխիքների անհրաժեշտություն, մե՞նք ենք Ուկրաինայի համար նման երաշխիքներ ստեղծողները:

Հայաստանի իշխանություն ձևավորող միակ սուբյեկտը մեր ժողովուրդն է: Քանի այս ճշմարտությունը չենք հասկացել, ունենալու ենք այսօրվա իշխանություն կոչված այլանդակությունը, որը հաճո է թե Հյուսիսին, թե Արևմուտքին՝ մեր կենսական շահերի հաշվին:
Ի դեպ, շնորհավորում եմ բոլոր բացահայտ ու լատենտ նիկոլականներին՝ դուք այսօր ամբողջ օրը մնացիք սեփական պսևդոանկախական ծուղակում՝ ձեր անբովանդակ դիսկուրսով, ինչը, թերևս, ռուսական երեկվա հաղորդման գլխավոր նպատակն էր:
Շարունակեք վարկաբեկել անկախության գաղափարը՝ խրոխտ տեքստեր հնչեցնելով Մոսկվայի հասցեին ու հրճվելով Արևմուտքի ծափերից: Սա է ձեր պրովինցիալ հերոսի ընկալումը պետության և անկախության մասին:

Երկուշաբթի օրը ԵՄ անդամ երկրների ԱԳ նախարարները կքննարկեն Հայաստանի օգնության և ԵՄ-ին նրա մերձեցման հարցերը: Հաճելի է լսել այս ամենը, սակայն ի՞նչ գին է ունենալու այդ աջակցությունը, եթե Բրյուսելը չի կարողանում հակել Ադրբեջանին՝ խաղաղ կարգավորման, արդյո՞ք Հայաստանը «հոնորար» է ստանում՝ Փաշինյանի հակառուսական ելույթի համար, թե՞ խոսքն ավելի երկարաժամկետ ռազմավարական համագործակցության մասին է:

168-ի տաղավարում խոսել ենք ներքին և արտաքին քաղաքականության առանցքային հարցերի շուրջ:

Հարցազրույցում անդրադարձել եմ Նիկոլ Փաշինյանի արտաքին քաղաքականության ձախողումներին:

Հասարակությանը մի ներկայացեք «անկախության մարտիկի» միստիկական կերպարով
Արտակ Զեյնալյանն ասում է, թե «Հանրապետություն» կուսակցությունը քվեարկել է Հայաստանի ինքնիշխանության և անկախության օգտին: Բնականաբար, այս դեպքում՝ «Հայաստանի ինքնիշխանության և անկախության» սիմվոլը ՔՊ-ն ու Ավինյանն են:
Սա մաքուր քաղաքական ցինիզմ է:
Նախ, «Հանրապետությունը» Փաշինյանի իշխանությանը աջակցել է նաև այն ժամանակ, երբ Նիկոլի իշխանության «թթվածինն» ապահովում էր «Լադիմիր Լադիմիրովիչը», ով, ըստ այդ կուսակցության, Հայաստանի ինքնիշխանության ու անկախության գերեզմանափորն է:
Եվ հետո՝ «տպավորիչ» է հնչում գործող իշխանությանն ասոցացնել ինքնիշխանության հետ, երբ երկրի սուբեկտության նշաձողը հավասարվել է հատակին, մեր իրականությունն ասոցացվում է բացառապես կորուստների հետ՝ մարդկային, տարածքային:
Էլ չասեմ, որ անհարմար բան է ստացվում, որ 32 տարվա պետական կենսագրության ընթացքում դեռ պայքարում ենք անկախության համար: Դա ավելի շուտ ակնհայտ ձախողումը քողարկելու և «թշնամու կերպար» ստեղծելու միջոցով՝ ներքաղաքական հարցեր լուծելու հնար է, ինչից հաջողությամբ օգտվում է Փաշինյանը:
Տղերք ջան, եթե ներքաղաքական օրակարգի բերումով ուզում ենք Երևանի ավագանիում կոալիցիա կազմել ու պաշտոններ բաժանել, դա նորմալ երևույթ է, քաղաքական գործընթացի գործիք:
Միայն մի խնդրանք՝ ձեր քաղաքական օրակարգը հասարակության ականջներին մի վաճառեք բարձրագոչ լոզունգներով, «անկախության մարտիկի» միստիկական կերպարով:

Հարցազրույց 24news-ին