Category: Suren Surenyants

🇦🇲 Խաղաղության իմիտացիա և վտանգավոր խաբկանք
Արտաքին հետախուզության պետ Քրիստինե Գրիգորյանը հայտարարում է․
👉 «Այս պահին և իրավամբ մենք գնահատում ենք, որ ռազմական սպառնալիքները շատ ցածր են… Բայց սպառնալիքներ կան մեր ժողովրդավարության նկատմամբ»։
Այս ձևակերպումը հուշում է, որ սպառնալիքի «սլաքը» ուղղվում է ոչ թե Ադրբեջանի 🇦🇿, այլ Ռուսաստանի 🇷🇺 կողմը։
Միաժամանակ արվում է խաղաղության իմիտացիա, որն իրականության հետ կապ չունի։
Սա տեղավորվում է գործող իշխանության կողմից խրախուսվող հակառուսական քարոզչության մեջ, և ակնհայտ է, որ Հայաստանի իշխանությունները հակված են ընդունել ադրբեջանական վասալիտետի պայմանները։
Սակայն իրականությունն այլ է․
Ադրբեջանը 🇦🇿, չստորագրելով խաղաղության պայմանագիրը, բաց է պահում պատերազմի դուռը։
Հայաստանը շարունակում է մնալ շրջափակման մեջ, իսկ մեր երկրի մի մասը դեռ օկուպացված է։
Իսկ մեր ժողովրդավարության գլխավոր վտանգը գալիս է ներսից՝ Փաշինյանի իշխանության ավտորիտար միտումներից։
🔎 Հետևաբար, վտանգավոր է հասարակությանը մատուցել կեղծ «անվտանգության պատրանք», այն դեպքում, երբ Հայաստանի առջև ծառացած հիմնական սպառնալիքները իրական են, առարկայական և պահանջում են պատասխանատու քաղաքականություն։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Հարցազրույց 24TV-ին
https://youtu.be/dRBr7-c0SHQ?si=KN9162iVOb9hU_ah

Այսօր, ժամը 22:15-ին, 24TV-ի եթերում, դիտեք հարցազրույցս հարգելի Նարեկ Գալստյանին

Հարցազրույց ArmLur-ին
https://youtu.be/XpA5GpClcBU?si=6jfok3wdNak9ycRw

Հարցազրույց LiveNews-ին
https://www.youtube.com/live/0MEU6Bmxpvs?si=FEoeOpBvEHrFeCKU

⚡️⚡️⚡️Ի՞նչ նպատակ ունի Ալիևի նոր բեմականացումը
Ադրբեջանական աղբյուրները հայտնում են, թե իբր Ստեփանակերտում ձերբակալվել է Կարեն Ավանեսյան անունով հայազգի բնակիչ՝ «զինված հարձակման» փորձ կատարելիս։
Սա խիստ տարակուսելի և ակնհայտորեն պրոպագանդիստական հնարք է։
Արցախում մնացել են ընդամենը մի քանի տասնյակ անօգնական հայեր՝ մեծամասամբ տարեցներ ու հիվանդներ։
Նրանք որևէ կերպ չեն կարող լինել «ռևանշիստներ» կամ «ահաբեկիչներ»։
Իսկ Ադրբեջանի հատուկ ծառայությունների խիստ վերահսկողության պայմաններում զենք պահելը պարզապես անհնար է։
Այս պատմությունը պատահական չէ, որ «հայտնվեց» հենց այն օրը, երբ Ալիևը Ստեփանակերտում մասնակցում էր միջոցառման։
Նպատակը երկակի է․
Ալիևի ներկայությունը ներկայացնել որպես «հաղթողի քաջություն»՝ նույնիսկ «վտանգի պայմաններում»,
Միջազգային հանրությանը ցույց տալ, թե Արցախում մնացած հայերը «ահաբեկչական վտանգ» են։
Բայց Բաքվի հաշվարկն, ըստ իս, միայն այդքանով չի սահմանափակվում․
Առաջին վարկածը՝ սա քարոզչական հիմք է ստեղծում, որպեսզի միջազգային հարթակներում «հիմնավորվի», թե արցախցիների վերադարձն իրենց հայրենիք «անվտանգության տեսանկյունից նպատակահարմար չէ»։
Երկրորդ վարկածը՝ սա Բաքվի հերթական բաղմաքայլ կոմբինացիայի մեկնարկն է, որի միջոցով փորձ է արվելու Հայաստանից հերթական զիջումը կորզել։
Նման բեմականացումներով Ալիևը սովորաբար նախապատրաստում է քաղաքական ճնշման հերթական փուլը։
Այսպիսով, ադրբեջանական ԶԼՄ-ների տարածածը ոչ թե փաստական լուր է, այլ հստակ մշակված քաղաքական մանիպուլյացիա՝ միաժամանակ ուղղված թե՛ Արցախի հայերին «վտանգավորի» կերպարով ներկայացնելուն, թե՛ Հայաստանի վրա նոր ճնշում գործադրելուն։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Միացյալ Նահանգների Տնտեսական ֆինանսավորման կորպորացիայի ղեկավար Քենեթ Անյելը օրերս Բաքվում հայտարարել է, որ «Թրամփի ուղին» (TRIPP-ը) ապագայում ստորագրվելիք հայ-ադրբեջանական խաղաղության համաձայնագրի կարևոր բաղադրիչն է։
Ավելին՝ ըստ նրա, այս ծրագիրը «ծառայում է երկար ժամանակ տարանջատված ադրբեջանական տարածքների վերամիավորմանը»։
Նման հայտարարությունները ոչ միայն մեզ չեն մոտեցնում խաղաղությանը, այլ Հայաստանը դարձնում են աշխարհաքաղաքական շահերի բախման կիզակետ:
Դիտեք իմ կարճ մեկնաբանությունը:
https://youtu.be/kMZFrTC7QWo?si=TQSWR3MTAM5lkxoA

Քննարկում ReOpen Media-ի տաղավարում
https://youtu.be/8sbcr7MiGLk?si=RMvUxwvzcmSTZJV5

🇦🇲 Արարատը մեր քաղաքակրթական ինքնության խորհրդանիշ է և ոչ երբեք տարածքային պահանջ
Համաձայն ՀՀ կառավարության նոր որոշման՝ 2025թ․ նոյեմբերի 1-ից ՀՀ մուտքի կամ ելքի սահմանանշանի (կնիքի) վրա այլևս չի լինելու Արարատ լեռան պատկերը։
ՔՊ-ական նախարար Արսեն Թորոսյանը հայտարարում է, թե կնիքները «համապատասխանեցվել են Իրական Հայաստանի գաղափարախոսությանը»։
«Իրական Հայաստանի», այսպես կոչված, գաղափարախոսությունը ՔՊ ծրագիրն է, որը պետք է հաստատվի այդ կուսակցության սեպտեմբերի 20-ի համագումարում:
Ինչո՞ւ պիտի պետական կնիքները համապատասխանեն կուսակցական գաղափարախոսությանը, այլ ոչ թե ՀՀ Սահմանադրությամբ ամրագրված պետական զինանշանին։
Սա վտանգավոր շեղում է՝ պետությունը նույնացնել կուսակցության հետ։
Արարատ լեռան պատկերը մեր զինանշանի վրա չի նշանակում տարածքային հավակնություն Թուրքիայի նկատմամբ։ Դա մեր քաղաքակրթական հիշողության, ազգային ինքնության և մշակութային ժառանգության խորհրդանիշն է։
🌍 Միջազգային փորձը հստակ ապացուցում է՝
Հունգարիայի զինանշանը ներառում է պատմական տարածքներ, որոնք այսօր Հունգարիայի կազմում չեն։
Լիտվան, Ֆինլանդիան, Հնդկաստանը նույնպես իրենց խորհրդանիշներում պահպանում են պատմական-մշակութային պատկերներ, որոնք այժմ չեն մտնում իրենց տարածքի մեջ։
Եվ ոչ ոք դրանք չի համարում տարածքային հավակնություն։
Արարատը հեռացնելը պետական խորհրդանիշներից, կնիքներից՝
1. Քաղաքակրթական ինքնության խմբագրման փորձ է,
2. ՀՀ դելեգիտիմացման վտանգավոր ուղերձ միջազգային հարթակներում,
3. Կուսակցական շահի գերադասում պետական շահի նկատմամբ։
Արարատը մեր անցյալի, մեր պատմական հիշողության և մեր ապագայի խորհրդանիշն է։
Այն պահպանվել է և պետք է պահպանվի պետական խորհրդանիշներում՝ որպես ազգային ինքնության առանցք, և դա երբեք չի կարող մեկնաբանվել որպես տարածքային պահանջ Թուրքիայի նկատմամբ։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲🇦🇿 Խաղաղության պատրանք՝ հեծանիվ վարելով
Այսօր Նիկոլ Փաշինյանը ժպիտը դեմքին Սևանում մասնակցել է «ՀՀ վարչապետի գավաթ» հեծանվավազքին, հպարտացել է, թե 40 կմ է անցել աշակերտների հետ։
Բայց նույն Գեղարքունիքը երեք տարի առաջ ադրբեջանական սեպտեմբերյան ագրեսիայի հետևանքով տվել է բազմաթիվ զոհեր․ այդ թվում դաժանաբար սպանվեցին կին զինծառայողներ՝ հենց այս մարզի բնակիչներ։
Ադրբեջանը մինչ օրս օկուպացված է պահում Հայաստանի տարածքներ, այդ թվում՝ Գեղարքունիքում։
Փաշինյանը լռեց։
Չհիշատակեց ո՛չ օկուպացված հողերը, ո՛չ էլ մեր զոհված հերոսներին։
Չդատապարտեց Ադրբեջանի ագրեսիան։
Նույնիսկ մի նախադասությամբ չփորձեց ամոքել Հայաստանի, Գեղարքունիքի ցավը։
Փոխարենը՝ նա ստեղծում է խաղաղության պատրանք՝ հեծանիվ վարելով։
📌 Սա ոչ թե խաղաղություն է, այլ ադրբեջանական վասալիտետի ընդունում։
…Ափսոս էին այն երիտասարդները, ովքեր նահատակվեցին հանուն Հայաստանի Հանրապետության։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-