Category: Suren Surenyants

Հարցազրույց PAKTV-ին
https://youtu.be/ENVvDNBPoug?si=DxDrlzIDle8WFqJU

Հարգելի Սաթիկ Սեյրանյանին իմ հարցազրույցը՝ ժամը 22:45-ին
https://youtu.be/_N1nci0gtEs?si=5ONuac001IVK6PQO

Սուրենյանցի կարևոր բացահայտումը. Փաշինյանի նոր սխալը, որը «կպայթեցնի» իշխանությունը
https://youtu.be/LY-5vPAxn4U?si=VyZ21su_kI2wW1qC

❗️❗️❗️Իշխանության գործած ճակատագրական սխալը և նոր հնարավոր սխալ, որը «կպայթեցնի» իշխանությունը
Քարոզարշավի արդեն երրորդ օրը Նիկոլ Փաշինյանի «կուռատորները» նրան հուշեցին մի մարտավարություն, որը ճակատագրական սխալ դարձավ իշխանության համար:
Փաշինյանն առանցքային երեք ուժերին միավորեց մեկ զամբյուղի մեջ՝ նրանց անվանելով «պատերազմի եռագլուխ կուսակցություն»: Եվ սա արեց՝ չնայած այն հանգամանքին, որ այդ երեք քաղաքական ուժերը խիստ տարբեր են՝ իրենց քաղաքական հետագծով, թիմերի ու ծրագրերի կառուցվածքով, խոսույթով, ծրագրերով:
Փաշինյանը չէր հաշվարկել, որ սեփական գահավիժող վարկանիշի համատեքստում՝ նպաստում է ընդդիմադիր էլեկտորատների սրընթաց բյուեղացմանը, կոնսոլիդացիային: Երբ սա կայացավ, սոցիոլոգիայի դասական կանոնների համաձայն, չկողմնորոշված, ապաքաղաքական ընտրողները թեքվեցին դեպի ուժի նոր կենտրոնը՝ ընդդիմությունը:
Փաշինյանն՝ իր սխալով, Հայաստանում ստեղծել է միանգամայն նոր իրավիճակ, որը հունիսի 7-ին անխուսափելի է դարձնում իշխանափոխությունը:
Փաշինյանը դեռ չէր «մարսել» առաջին սխալը, երբ նրան հորդորում են անել երկրորդը՝ ճակատագրական սխալների շարքը դարձնելով անշրջելի:
Հիմա իշխանությունը մտածում է ընդդիմադիր երեք առանցքային ուժերից մեկին ընտրական կամպանիայից դուրս թողնելու սցենարի մասին
Այս սցենարը գուցե «աշխատեր» քարոզարշավի մեկնարկին, երբ ընդդիմադիր էլեկտորատը դեռ կոնսոլիդացված ու մոտիվացված չէր:
Հիմա ուշ է:
Եթե «խաղից դուրս» թողնվի «Ուժեղ Հայաստան» դաշինքը, չեն կարող «փոշինալ» ընդդիմադիր առաջատար ուժի ձայները, ընդամենն այդ ձայները փոխանցվելու են մյուս երեք ընդդիմադիր ազդեցիկ ուժերին և երկրում ստեղծվելու է հեղափոխական վիճակ:
Եթե որոշում կայացվի «Հայաստան» դաշինքին ընտրապայքաիրից դուրս թողնելու որոշում, Ռոբերտ Քոչարյանի ընտրազանգվածը, որը ամենաքաղաքականն ու մոտիվացվածն է,  տանը չի նստելու և անմիջապես կողմնորոշվելու է դեպի ընդդիմադիր հիմնական ուժերը:
ԲՀԿ-ն արդեն ունի ընտրողների մոտիվացված և էներգետիկայով հարուստ բանակ՝ ընդգծված խարիզմատիկ լիդերով, ու հաստատապես նրան ընտրապայքարից «դուրս թողնելու» պարագայում՝ Փաշինյանը չեզոքացնելու է այս կամպանիայի կայունացնող գործոնը ու իր անխուսափելի հեռացումն ուղեկցելու է ցնցումներով:
ԲՀԿ ընտրազանգվածը մեկ կոչով իր ձայները տալու է ընդդիմադիր երկու-երեք ուժի, ինչի արդյունքում Փաշինյանը նոր խորհրդարանում ստանալու է ընդդիմադիր երեք ուժերից կազմված մեծամասնություն(«Ուժեղ Հայաստան», «Հայաստան» դաշինք և այս պարագայում, վստահաբար՝ Թաթոյանի ֆրակցիա), հեռացվելու է իշխանությունից, սակայն ավելի վատ սցենարով, քանի որ չի լինելու ԲՀԿ կայունացնող գործոնը:
Մի խոսքով, Փաշինյանին հրամցված սցենարը և հնարավոր երկրորդ ճակատագրական սխալը պարտված խաղ է նրա համար: Պարտությանը գումարվելու է նաև ընտրությունները «հարամելու» պատասխանատվությունը, ինչն ավելի է բարդացնելու պարտվող իշխանության վիճակը:
Իրականում, հունիսի 7-ը շանս է հենց Փաշինյանի համար: Նորմալ ընտրություններ կազմակերպելու և անցնցում հեռանալու շանս: Այդպիսի շանս նա այլևս չի ունենալու:
Իսկ եթե Փաշինյանը կոպտագույն «հարամություններով» մնա իշխանության, դա լինելու է խիստ կարճատև և իշխանության համար վտանգավոր ու անկանխատեսելի սցենարներով:

Հարցազրույց 5-րդ ալիքի տաղավարում
https://youtu.be/THvAS9Yp70E?si=ye5z3eemv0dpx5aS

🔥 Թևանյանի հայտարարությունից մինչև Վարդանյանի հնարավոր հանձնում․ նույն շղթայի օղակնե՞ր
Բաքվի ԶԼՄ-ներում և փորձագիտական շրջանակներում վերջին օրերին ակտիվորեն քննարկվում է Ռուբեն Վարդանյանին Ուկրաինային հանձնելու հնարավորությունը՝ Դոնբասում սեպարատիզմի ֆինանսավորման և ռուսական ագրեսիային աջակցելու վերաբերյալ հետաքննության շրջանակում։
Վարդանյանը դեռևս 2022 թվականի հոկտեմբերին ընդգրկվել էր ուկրաինական «Միրոտվորեց» տվյալների բազայում և հայտնվել ուկրաինական սանկցիաների տակ՝ ռուսական ազդեցության մեխանիզմների և Դոնբասի անջատողական կառույցների հետ կապերի կասկածանքով։
Եթե Իլհամ Ալիևն իսկապես գնա նման քայլի, ապա դա կլինի ակնհայտ աշխարհաքաղաքական ժեստ՝ ուղղված Ուկրաինային, ԵՄ-ին և ընդհանրապես այն կենտրոններին, որոնք շահագրգռված են Հարավային Կովկասում ռուսական ազդեցության թուլացմամբ։
Մի կողմից, Բաքուն կփորձի ազատվել այն միջազգային քաղաքական և մեդիա ճնշումից, որն ուղեկցում է Վարդանյանի՝ ադրբեջանական բանտում գտնվելու թեմային, մյուս կողմից՝ Ալիևը կփորձի իրեն ներկայացնել որպես Ռուսաստանի դեմ ավելի լայն աշխարհաքաղաքական ճակատի գործընկեր։
Այս ֆոնին ուշագրավ է նաև օրերս կալանավորված մեր թիմակից Անդրանիկ Թևանյանի հայտարարությունը, թե իր նկատմամբ իրականացվող քաղաքական հետապնդման իրական պատվիրատուն Ուկրաինայի նախագահ Վլադիմիր Զելենսկին է։
Անկախ նրանից՝ որքանով են մինչև վերջ հիմնավորված այդ պնդումները, ակնհայտ է մեկ բան․ ուկրաինական գործոնը գնալով ավելի նկատելի դեր է ստանում Հարավային Կովկասի քաղաքական գործընթացներում։
Թե՛ Վարդանյանի թեման, թե՛ Թևանյանի հայտարարությունը տեղավորվում են նույն լայն աշխարհաքաղաքական տրամաբանության մեջ, որտեղ տարածաշրջանը աստիճանաբար վերածվում է ռուսական ազդեցության սահմանափակման հերթական հարթակի։ Ուկրաինական գործոնը կիրառվում է որպես տարածաշրջանային վերադասավորումների և ներքաղաքական ճնշումների գործիք։
Արևմտյան որոշ շրջանակներ ակնհայտորեն փորձում են ձևավորել նոր տարածաշրջանային կոնֆիգուրացիա, որտեղ Ռուսաստանի հետ ասոցացվող կամ նրա նկատմամբ բարեկամական  դիրքավորվում ունեցող դերակատարները պետք է դուրս մղվեն քաղաքական, տեղեկատվական և անվտանգային գործընթացներից։
Խնդիրն այն է, որ այս մեծ հակադրությունների պայմաններում Հայաստանը շարունակում է մնալ չափազանց խոցելի։ Իսկ երբ իշխանությունները երկիրը ներքաշում են արտաքին ուժերի դիմակայության տրամաբանության մեջ՝ առանց հստակ ազգային ռազմավարության և պետական հաշվարկի, Հայաստանը վտանգում է վերածվել ոչ թե ինքնուրույն սուբյեկտի, այլ աշխարհաքաղաքական մրցակցության հերթական թատերաբեմի։

🎥Ответ Андраника Теваняна касательно обвинения в его адрес о шпионаже через геоцентр “Россия Кавказ”.
Площадь Республики/Հանրապետության հրապարակ©

Հարցազրույց Euromedia24-ին։
https://youtu.be/DifZ0nSRyjM?si=a2JKYbu_BwaXO2rx

Հարցազրույց 24TV-ին
https://youtu.be/fVJ6h_klqOE?si=1LGSRswVhhfRptQL

Հարցազրույց ArmatTV-ին
https://youtu.be/FHQwcY71cLc?si=DeW4ck4xEokc5f3G