Category: Suren Surenyants

❗️❗️❗️Ալեն Սիմոնյանի չաշխատող տրամաբանությունը
Մի քանի ժամից Գյումրիի ավագանին քաղաքապետ է ընտրելու:
Հետընտրական Գյումրիի քաղաքական խճանկարն ինտրիգների մեծ դաշտ է բացում, սակայն չեմ կարծում, թե առաջին նիստում ինտրիգ է լինելու. քաղաքապետ, ըստ ամենայնի, կընտրվի Վարդան Ղուկասյանը:
Ինտրիգները հետո են սկսվելու՝ հաշվի առնելով այն հանգամանքը, որ Գյումրիում դասական կոալիցիա չի ձևավորվել ու նորընտիր քաղաքապետը ներկայացնելու է ավագանու ոչ թե մեծամասնությունը, այլ փոքրամասնությունը:
Սրանով հանդերձ, երեկ մի տարօրինակ հայտարարություն է արել Ալեն Սիմոնյանը:
«Տրամաբանական է, որ այն ուժը, որն ամենաշատ ձայներն է հավաքել, նաև քաղաքապետ ընտրի»,- ասել է նա:
Սիմոնյանը, թերևս, մոռացել է, որ Հայաստանում՝ առհասարակ, իսկ ՏԻՄ-երում՝ մասնավորապես, գործում է կառավարման խորհրդարանական մոդելը:
Այդ մոդելում՝ եթե որևէ կուսակցություն կամ դաշինք չի ստացել 50%+1, ապա «ամենաշատ ձայներ» ձևակերպումը դառնում է հարաբերական:
Խորհրդարանը կամ ավագանին վարչապետ կամ համայնքապետ ընտրում է այն թեկնածուին, ով ավել շատ կոնսոլիդացիոն ռեսուրս ունի, այլ խոսքով՝ կարողացել է ստանալ ներկայացուցչական մարմնի անդամների կեսից ավելիի աջակցությունը:
Հիմա այնպես է ստացվել, որ Գյումրիի ավագանու հինգ խմբակցություններից չորսը համախմբվել են ոչ թե «ձեր Սարիկի», այլ Գյումրիի Վարդանիկի շուրջ:
Բաժանորդագրվեք📱
https://t.me/SurSurenyants

⚡️⚡️⚡️Փաշինյանի փաստազուրկ պնդումները
«Պատերազմ չի լինելու, լինելու է խաղաղություն։ Պատերազմի համար որևէ հիմք չկա»,- այսօր ԱԺ-ում ասել է Նիկոլ Փաշինյանը:
Իհարկե, հիանալի կլիներ, եթե Փաշինյանի պնդումը գոնե հեռավոր աղերս ունենար իրականության հետ:
Սակայն անգամ խաղաղության պայմանագրի համաձայնեցված տեքստը, որն ամենևին ինստիտուցիոնալ, երաշխավորված խաղաղության մասին չէ, Բաքուն հրաժարվում է ստորագրել՝ առաջ քաշելով երկու նախապայմաններ:
Ի դեպ, ակնառու է, որ այդ նախապայմանները, որոնք վերաբերում են Մինսկի խմբի լուծարմանը և Հայաստանի Սահմանադրության փոփոխությանը, Փաշինյանը, մեծ հաշվով, պատրաստ է բավարարել:
Այս հարցերում Փաշինյանի առարկությունները բովանդակային չեն ու կապված են ժամկետների հետ: Դրա է համար է, թերևս, նա պնդում, որ պատերազմի հիմք չկա, այլ խոսքով՝ նոր զիջումների մասին է ակնարկում:
Սակայն նույնիսկ այս խնդիրները Բաքվի համար պատրվակ են. նրա համար ստրատեգիականը մնում է, այսպես կոչված, միջանցքի հարցը:
Անթալիայի իր ելույթում Բայրամովն ուղիղ խոսում էր այդ մասին՝ «անխոչընդոտ ճանապարհ» ձևակերպումով:
Սա ավելին է, քան նկարագրված էր Նոյեմբերի 9-ի եռակողմ հայտարարության տեքստում:
«Ինքնիշխանական» Փաշինյանն իբրև թե միջանցք չտալու(իրականում՝ փաստաթղթում խոսք չկար Զանգեզուրի միջանցքի մասին) պատրվակով մերժեց ռուսական միջնորդությունը ու հայացքը նետեց «փրկիչ» Արևմուտքի ուղղությամբ՝ չնայած հիմա Եվրահանձնաժողովի ղեկավար Ուրսուլա ֆոն դեր Լայենը Միջին միջանցքի(որի մասն է, այսպես կոչված, Զանգեզուրի միջանցքը) համատեքստում կիրառում է նույն ադրբեջանական թեզերը՝ դրանք փաթեթեավորելով «անխափան սահմաններ» ձևակերպումով:
Փաշինյանը հույսը դրել է ժամանակի ու «պատահական, երջանիկ» հանգամանքների վրա:
Դարձյալ պնդում եմ՝ կոմունիկացիաների ապաշրջափակման հարցում Հայաստանի համար նվազ ռիսկային լուծումներ նկարագրված էին հենց Նոյեմբերի 9-ի եռակողմ հայտարարության տեքստում:
Նիկոլ Փաշինյանը մեծ սիրով նպաստեց այդ ստատուս-քվոյի փլուզմանը ու հիմա տրամաբանական հարց է ծագում՝ ինչպե՞ս է նա միջանցքի հարցում չեզոքացնելու Բաքվի պահանջները, երբ Հայաստանի և Ադրբեջանի ուժային դիսբալանսն ավելի է մեծացել և չկան ազդեցիկ միջնորդներ:
Այս հարցի պատասխանը Փաշինյանը չունի, հետևաբար՝ խաղաղության մասին նրա պնդումները փաստազուրկ են:
Բաժանորդագրվեք📱
https://t.me/SurSurenyants

Ժամը 21:30, 24TV-ի եթերում, դիտեք իմ հարցազրույցը հարգելի Հերմինե Միքայելյանին:

Հարցազրույց LiveNews-ին
https://www.youtube.com/live/QPDEiIn5wsM?si=Un8nPuqZsx3vljEZ

Հարցազրույց Antifake TV-ին
https://youtu.be/gfCp4Eq97t8?si=vrFsaP7PUHh5Ys2U

Մեծ բանավեճ
https://www.youtube.com/live/sYDqwl0L7tc?si=8UjKz_OaG615zDpG

«Նիկոլը չլինի, ով ուզում է լինի» թեզն ամենավտանգավորներից մեկն է, որը կարող է հիմնահատակ կործանել ընդդիմադիր համախմբման ցանկացած ռացիոնալ փորձ, ի վերջո՝ կասկածի տակ դնել ձևավորվելիք պոտենցիալ իշխանության որակը:
Նման փորձ արդեն ունեցել ենք 2018-ին, երբ Սերժին մերժելու հիմքով «ով ուզում է լինի»-ներից մեկը դարձավ երկրի ղեկավար՝ դնելով ազգային ազգային ողբերգության հիմքերը:
Նման մի բան եղավ նաև Գյումրիում, որտեղ ընդդիմադիր կոնսոլիդացիայի մի քանի տարբերակներից ընտրվեց, ըստ իս, ամենաանհաջողը:
Նիկոլ Փաշինյանին իշխանությունից կարող է հեռացնել և երկրի կայուն զարգացումը երաշխավորել միայն քաղաքական իրական այլընտրանքը՝ հստակ ծրագրով, իրատեսական «Ճանապարհային քարտեզով» և խարիզմատիկ լիդերներով:

❌❌❌ Հենց սա այն է, ինչ կոչվում է ճանապարհ դեպի ադրբեջանական ենթապետություն…
«Մենք այլևս չպետք է հայեցակարգ մշակենք, իհարկե ունենք պատրաստի ինչ-որ նյութեր, հայեցակարգ մշակելու փոխարեն մենք պետք տեքստ գրեն ք: Այսինքն՝ նստենք գրենք նոր Սահմանադրություն», — ասել է արդարադատության նախարար Սրբուհի Գալյանը:
Արտառոց հայտարարություն է, որովհետև Սահմանադրության տեքստ չի կարող գրվել առանց հայեցակարգի, ավելին՝ հենց դրա շուրջ է կայացվում քաղաքական, հանրային կոնենսուսը:
Մյուս կողմից, Գալյանն ակամայից անկեղծ խոստովանություն է արել:
Փաշինյանի թիմն ընդամենը Սահմանադրության տեքստ գրողն է, իսկ հայեցակարգը մշակվում է Բաքվում:
Հենց սա այն է, ինչ կոչվում է ճանապարհ դեպի ադրբեջանական ենթապետություն…
Բաժանորդագրվեք📱
https://t.me/SurSurenyants

Հարցազրույց LiveNews-ին
https://www.youtube.com/live/bOmPETy1FwI?si=mN2sdvpo8GVqwiMk

🔸🔸🔸Վտանգավոր առաջարկություն
Արցախցիները միանգամայն ճիշտ են, երբ պնդում են, որ կառավարությունը կրճատելով աջակցության ծրագրերը՝ միտումնավոր իրենց մղում է արտագաղթի:
Արցախցիներին հնարավորինս արագ պետք է ինտեգրել Հայաստանի քաղաքական, հանրային կյանքին, բայց դրա ճանապարհն աջակցության ծրագրերի դադարեցումը չէ:
Մյուս կողմից, վտանգավոր է, երբ Փաշինյանի թիմի՝ արցախցիների դեմ տարվող կամպանիային ընդդիմադիր որոշ գործիչներ հակադրում են թեզեր, որոնք արկածախնդիր են իրենց էությամբ:
Դրանցից մեկը՝ Հայաստանում Արցախի նախագահի և ԱԺ ընտրություններ կազմակերպելն է:
Այս մարդիկ նույնիսկ չեն էլ պատկերացնում, թե նման նախաձեռնությունը ինչպիսի հաղթաթուղթ է  դառնալու Ադրբեջանի համար:
Արցախահայությունը Հայաստանում պետք է ինքնակազմակերպվի, սակայն դա պետք է տեղի ունենա ոչ թե պետական կառույցների, այլ հասարակական կազմակերպության ձևաչափով:
Բաժանորդագրվեք📱
https://t.me/SurSurenyants