Category: Suren Surenyants

Մեծ պատիվ է բացառիկ մտավորական Սևակ Արամազդի և նրա որդի Վահրամի հետ ընկերություն անելը: Այս պատվելի մարդիկ երեկ մասնակցում էին մեր հանրային քննարկմանը:

Եթե մենք ինքներս լուծումներ չգտնենք, դրսից որևէ «փրկիչ» մեզ չի օգնելու: Բոլորիդ, վաղը՝ մարտի 11-ին, ժամը 18-ին, հրավիրում եմ «Անի Պլազա» հյուրանոցի(Սայաթ-Նովա 19) «Անի» սրահ

Գեղեցիկ գարնանային տոնի առթիվ շնորհավորում եմ ինձ ծանոթ ու անծանոթ բոլոր կանանց ու աղջիկներին: Մենք Ձեզ բազում գարուններ ենք պարտք:

Հայաստանը գտնվում է ռուսական, թուրքական, իրանական շահերի խաչմերուկում. մեր լուծումներն այստեղ են
«Ադրբեջանի և Հայաստանի միջև ուղիղ բանակցությունները խաղաղության, առաջընթացի և զարգացման հիմքերն են։
Տարածաշրջանից դուրս անվտանգության փնտրտուքը հակառակ արդյունքն է տալու։ Տարածաշրջանը վերածվելու է ուժային հակամարտության վայրի և ավելի շատ մարտահրավերներ է առաջացնելու տարածաշրջանային խաղաղության և կայունության համար»։
Սրանք Իրանի ՊՆախարար Մոհամմադ Ռեզա Աշտիանիի խոսքերն են, որոնք նա հնչեցրել է Սուրեն Պապիկյանի հետ հանդիպման ժամանակ:
Պաշտոնական Թեհարնից հնչող հայտարարությունները կարևոր նշանակություն ունեն՝ այն իմաստով, որ Իրանը այն եզակի պետություններից է, որի շահերից է բխում Հայաստանի տարածքային ամբողջականության պահպանումը:
Մյուս կողմից, Թեհրանը հանդես է գալիս հակամարտության կարգավորման ռեգիոնալացման դիրքերից, ինչը կարծում եմ՝ պաշտոնական Երևանը չպետք է անտեսի:
Աշխարհաքաղաքական, լոգիստիկ առումով անգամ՝ Արևմուտքում «փրկիչներ» փնտրելն անհեռանկար, եթե չասեմ՝ արկածախնդիր զբաղմունք է, մանավանդ, որ ԵՄ արտաքին քաղաքականության պատասխանատու Բորելն ինքն էր վերջերս խոստովանել, որ քաղաքական Արևմուտքի քաղաքական գերիշխանության դարաշրջանն ավարտվել է:
Հայաստանը գտնվում է ռուսական, թուրքական, իրանական շահերի խաչմերուկում և այստեղ է գտնվում մեր խնդիրների լուծման բանալին: Սա ցանկությունների հարց չէ, իրականություն է, որի անտեսումն աղետաբեր է լինելու:
Ըստ այդմ, իրական ձևաչափը, որը կարող է նպաստել հայ- ադրբեջանական կարգավորմանը՝ «3+3»-ն է:
Այս աքսիոմատիկ ճշմարտությունը բացարձակապես հակադրության մեջ չի մտնում արտաքին քաղաքականության իրական դիվերսիֆիկացիայի հետ, որն, իհարկե, կապ չունի այն կտրուկ շրջադարձի հետ, որ կատարում է Հայաստանի իշխանությունը՝ պետականության համար ստեղծելով էքզիստենցիալ մարտահրավերներ:

Ես ու գեներալ Թաթուլ Պետրոսյանը՝ Գառնիկ Իսագուլյանի տաղավարում:

Այսօր բանաստեղծ Խաչիկ Մանուկյանի 60-րդ տարեդարձն էր, որը նշվեց Անժելա Թովմասյանի նախաձեռնությամբ՝ «Հայելի» ակումբում:
Խաչիկը 44-օրյա պատերազմում Վաչագան որդուն կորցրեց, բայց մեջքն ուղղեց ու հիմա պայքարում է:
Խաչիկի օրինակով ուզում եմ հավատալ, որ մենք բոլորս, Հայաստանը կուղղենք մեր մեջքը՝ աշխարհին ապացուցելու համար, որ մեր պետականությունը հավերժ է:

Եթե դուք ինքնիշխան եք համարում մի երկիր, որի ղեկավարը ցուցումներ է ստանում բրիտանական հատուկ ծառայության ղեկավարից, ապա իմ պատկերացումը անկախության մասին միանգամայն այլ է: Ես նույն կերպ անհանդուրժելի կհամարեմ ռուսական սատելիտ լինելը: Հայաստանը պետք է բացառի ուկրաինացումն ու բելառուսացումը: