Category: Tigran Khzmalyan

44 օրյա պատերազմի ԱԺ զեկույցը չի հրապարակվում, ինչպես չհրապարակվեց նաեւ 4-օրյա պատերազմի վերաբերյալ զեկույցը։ Նոր պատերազմը սկսվում է, երբ մոռացվում է նախորդը։

«Մոլդովան կարող է ԵՄ անդամ դառնալ արդեն 2028 թ.», հայտարարեց Ռումինիայի ղեկավարը։ Փաստորեն, ՀՀ եւ Վրաստանի իշխանության կեղծ «բալանսավորմանը» կա այլընտրանք՝ Մոլդովայի հստակ եվրոպամետությունը, որն ապահովում է նրան ԵՄ ֆինանսական, ռազմական եւ քաղաքական աջակցությունը։ Պարզապես Մոլդովայի ղեկավարը Մայա Սանդուն է։

❗️Վրաստանի եւ ՀՀ ներկայիս կառավարությունները գնալով ավելի են նմանվում՝ եւ՜ «Վրաստանի երազանքը», ե՜վ ՔՊ-ն շարունակում են խոսել «դեպի ԵՄ անդամակցության անբեկանելի նպատակի» մասին, բայց գործում են ռսական արբանյակի տրամաբանությամբ։ Երկու դեպքում էլ պատճառը նույն է՝ իշխող «վերնախավն» այսպես է ապահովում սեփական վերընտրությունը՝ համագործակցելիվ թշնամու հետ ազգային շահի հաշվին։

Փաշինյանը եւ իր ՔՊ-ն պարզ ու շիտակ ասում են՝ «ԵԱՏՄ-ից դուրս գալու որեւէ օրակարգ չկա»։ Այսինքն՝ ԵՄ անդամակցելու էլ որեւէ ծրագիր Փաշինյանը եւ ըր ՔՊ-ն չունե՜ն։ Մեզ եւ Ձեզ Մեծ Ավետի՜ս։ Հետո չասեք, որ խաբվել եք։ Ամեն ինչ ասված է։ Մնացածը՝ ժողովրդի որոշումն է։

20 թվի աշուն
Ոսկիդ դարձավ երկաթ անգութ
Գլխիս եկավ ինչպես կարկուտ
20 թվի աշուն
Տղերքը գնացին բարձունք
Անձրեւը քո դարձավ արցունք
20 թվի աշուն
Ամեն տերեւն ընկնում է ցած
Տեղերը մեր մնում են բաց
20 թվի աշուն
Տղերքը մեր էլ ետ չեկան
Եւ չդարձան քսան տարեկան
20 թվի աշուն
Դու չդարձար երբեք ձմեռ,
Չեն ծերանա տղերքը մեր,
20 թվի աշուն
Մեր մայրերի մազերը ձյուն,
Սիրածներիս դեմքերն անգույն
20 թվի աշուն…