Category: Tigran Khzmalyan

Սա ոչ թե ուժի ցուցադրում է՝ սա թուլության ու հիշաչարության ցուցադրում է։ Պետության ուժը ոչ թե «հարմար պահին» բեմադրված դիմակահանդեսն է, այլ արդարության ու արդարադատության հաղթանակը։ Երբ Ծառուկյանին հերթական անգամ բաց թողնեն՝ հիշեք, որ արդյունքում սատկացրեցին մի անմեղ էգ առյուծին։

Ինչպե՞ս կարելի է խլել քվեարկության իրավունքը դրսում ապրող քաղաքացիներից, ում հարկում են, ումից միլիոնավոր դոլարների փոխանցումներ են ստանիւմ, ում վերադառնալուց ենթարկում են զինապարտության։ Ինչպե՞ս կարելը է անել դա Հայաստանում, որի ժողովուրդը 3/4-ով սփռված է աշխարհով մեկ։ Սա ոչ միայն հակասահմանադրական եւ հակաժողովրդավարական քայլ է՝ սա հայության պառակտման եւ բռնապետություն հաստատելու հերթական փորձ է։

Գուցե գոնե հիմա ոչ ոք այլեւս չի հարցնի ինձ, թե ինչու Եվրոպական կուսակցությունը հինգ տարի առաջ խզեց հարաբերություններն «ԱԺԲ» -ի հետ։ Մենք այն ժամանակ արդեն հասկացանք այն, ինչ ոմանք միայն հիմա են հասկանում։

Ուրսուլա ֆոն դեր Լեյենի հետ հանդիպումից հետո, Բաքվի բռնապետ Ալիեւը հայտարարեց՝ «Ազռբաժանի եւ Հայաստանի միջեւ փաստացի հաստատված է խաղաղություն»։ Պատերազմից վեց տարի անց Ալիեւն ասում է սա ոչ թե 2020 թ. նոյեմբերի 9-ի Պուծինի ղազագիրը ստորագրելուց, ոչ թե 2025 թ. օգոստոսի 8-ի TRIPP-ը ստանալուց, այլ 2026 հուլիսի 2-ին, ԵՄ գլխավոր հանձնակատարի հետ բանակցություններից հետո։ Եւ ոչ ոք ոչինչ չի ստորագրում, Նոբելյան մրցանակ չի պահանջում, կարմիր ժապավեն չի կտրում։ Այսպես է գործում եվրոպական քաղաքակթությունը՝ լուռ, աննկատ եւ արդյունավետ։ Հետաքրքիր է, որ հաջորդ օրը, Երեւանում, ստանալով ԵՄ-ից աննախադեպ տնտեսական եւ քաղաքական արտոնություններ, ՀՀ վարչապետ Փաշինյանն անհրաժեշտ համարեց ընդգծել՝ «Մենք ոչ նախկինում, ոչ հիմա, ոչ ապագայում չենք գնալու մեր գործընկեր Ռսաստանի հետ հարաբերությունների սրմանը»։ Սա է ՀՀ իշխանության պատասխանը ԵՄ առաջարկին։ Դրան նախորդող գիշերը Փաշինյանի «գործընկեր» Պուծինը հերթական անգամ հրամայեց ռմբակոծել Կիեւը, խլելով 30 անմեղ խաղաղ մարդկանց կյանքը։ Հանցագործի «գործընկերն» իրականում հանցակից է։

Սա դնում եմ հատուկ նրանց համար, ով գոռում էր, թե «Եվրոպան ծախում է Սյունիքը»։ Եվրոպան 2022-ից պաշտպանում է Սյունիքն իր խաղաղապահ առաքելությամբ եւ հատուկ Սյունիքից հեռու, երկրի հյուսիսում է աջակցում երկաթուղու վերականգնմանը։ Հիմա հասկանու՞մ եք, թե ինչու է Եվրոպական կուսակցությունը գերադասում «Հյուսիս-Հարավ» նախագիծն, այլ ոչ թե TRIPP-ը…

«Кому эти армяне нужны в Европе?»
https://t.me/agentstvonews/16127

«Հանրապետություն» կուսակցության ղեկավար պ-ն Արամ Սարգսյանն այս հարցազրույցի 5:00-6:00 րոպեների հատվածում բացատրում է, թե ինչու հրաժարվեց Հայաստանի Եվրոպական կուսակցության հետ նախընտրական դաշինքից։ Բայց առավել կարեւոր է նրա բացահայտումը ՔՊ-ի մասին՝ 7:00-րդ րոոպեից նա ասում է, որ Փաշինյանի կուսակցությունը չի համաձայնվել արեւմտյան արժեքները կրող քաղաքական ուժերի հետ համագործակցել, հանուն «բալանսավորման»։ Միանգամայն ճիշտ է՝ ահա ինչու ՔՊ-ն ամեն ինչ արեց, որ ԱԺ-ում լինեն հենց նույն «ռսամետ» կուսակգությունները, որոնք նախընտրելի են իշխանության համար, բայց ոչ երբեք «եվրոպամետները»։ Սա էր «Կիրիենկոյի պքանը», որն էլ կատարվեց հունիսի 7-ին։ Միայն թե չեմ կարող համաձայնվել պ-ն Արամ Սարգսյանի այն պնդմանը, որ արեւմտամետ ուժերի դաշինքն անհնար էր։ Նա ինքն է մատնանշում հասարակության առնվազն 60% պատրաստակամությունը քվեարկելու մեր դաշինքին, եթե այն կայանար։ Ես երկու տարի շարունակ՝ 2024-2026 թթ. ստեղծում էի «Եվրադաշինքը», առաջարկելով կարեւորել այն, ինչ միավորում էր մեզ, այլ ոչ թե որոշ տարաձայնությունները դրոշ դարձնել։ Ավաղ, ինձ չլսեցին։ Ահա ինչու Եվրոպական կուսակցությունն այդ պայմաններում ընդկանրապես հրաժարվեց մասնակցել ընտրություններին առանց դեմոկրատական դաշինքի։

The European Party of Armenia expresses its gratitude to the people and State of Israel for recognizing the Armenian Genocide. This is not just a victory of historical justice and truth, but also the promising beginning of a new quality of relations and cooperation between our two ancient nations.
From Biblical times to the tragedies and catastrophes of 20th century, the world had seen shining examples of mutual assistance and respect between Armenians and Jews, which will become the basis for our common peaceful and prosperous future.
EPA
Yerevan, June 29, 2026

Հայաստանի Եվրոպական կուսակցությունն իր երախտագիտությունն է հայտնում Իսրայելի ժողովրդին եւ պետությանը Հայոց Ցեղասպանության ճանաչնան համար։ Սա ոչ միայն պատմական արդարության ու ճշմարտության հաղթանակ է, այլ նաեւ մեր հնագույն երկու ազգերի միջեւ նոր որակի հարաբերությունների ու համագործակցության խոստումնալից սկիզբը։
Աստվածաշնչյան ժամանակներից մինչեւ XX դարի ողբերգություններն ու աղետները աշխարհը տեսել է հայերի եւ հրեաների միջեւ փոխօգնության ու փոխադարձ հարգանքի փայլուն օրինակներ, որոնք հիմք են դառնալու մեր ընդհանուր խաղաղ ու բարգավաճ ապագայի համար։

ՀԵՎԿ
Երեւան, 2026 թ. հունիսի 29