Blog

Հայաստանում  պետական և համայնքային  լայնածավալ ծրագրերի շնորհիվ ավելանում  է մանկապարտեզների հասանելիությունը: Գյուղական համայնքներում կառուցվում  են  նոր կրթահամալիրներ, ներդրվում են 0-2 տարեկանների համար մսուրային խմբեր, և սոցիալապես  անապահով ընտանիքների  երեխաները  արդեն ստանում են  անվճար նախադպրոցական կրթություն ՝ առանց ֆինանսական խոչընդոտների:
«Արմենպրես»-ի թղթակցի հետ զրույցում այս մասին հայտնեց ԿԳՄՍ փոխնախարար Արաքսիա Սվաջյանը՝ նշելով, որ  նախադպրոցական  տարիքի  երեխաների ընդգրկվածության  ապահովումը շարունակում է մնալ պետական  առաջնահերթ  ուղղություններից մեկը: Այս ուղղությունը բխում է կրթության զարգացման ռազմավարությունից, և վերջին տարիներին այս ոլորտում իրականացվել են  լայնածավալ համակարգային աշխատանքներ՝ յուրաքանչյուր երեխայի  համար ապահովելու մանկապարտեզ հաճախելու հնարավորությունը: