Blog

Վերջին երկու շաբաթներին՝ ապրիլի 6-19-ը ընկած ժամանակահատվածում, հանրային տրանսպորտում ուղեվարձերի վավերացումները կազմել են 5 մլն 997 հազար 277, որը նախորդող երկու շաբաթվա 4 մլն 657 հազար 751-ի համեմատ աճել է 29,9 տոկոսով։
Այս մասին Երևանի քաղաքապետարանի գործակարգավարական խորհրդակցությանը հայտնեց Երևանի կառավարման տեխնոլոգիաների կենտրոնի տնօրեն Սարգիս Մանուկյանը՝ հավելելով, որ ցուցանիշների աճը պայմանավորված է հանրային տրանսպորտում իրականացված վերահսկողական միջոցառումներով։
Երևանի քաղաքապետ Տիգրան Ավինյանը նշել է, որ հաշվետու ժամանակահատվածում հավելյալ հավաքագրվել է 235 միլիոն դրամ գումար՝ նախորդած երկու շաբաթների համեմատ։

Իրանի օդանավակայանների ենթակառուցվածքների մոտ 95 տոկոսը ավելի քան մեկ ամիս տևած ռազմական գործողություններից հետո անվնաս է։
Այս մասին իրանական Fars գործակալությանը հայտնել է երկրի Ավիաընկերությունների ասոցիացիայի քարտուղարը։
Նա հայտնել է, որ անցնող շաբաթների ընթացքում լրջորեն վնասվել է առավելագույնը 20 ինքնաթիռ։
Հիշեցնենք, որ Իրանը պատրաստվում է վերաբացել իր օդային տարածքը առևտրային չվերթների համար։