Հայաստանը պետք է լինի տարածաշրջանի Հյուսիսային Կորեա, եթե ուզում է փրկվել. Բալասանյան
Հայաստանը պետք է տարածաշրջանում լինի, ինչպես ռուսն է ասում, «безбашенный»։ Այսինքն` Թուրքիան պետք է իմանա, որ պետք եղած ժամանակ ատոմակայանն էլ կպայթեցնենք, բայց չենք հանձնվի։ Այս մասին «Աբովյան Time»–ի եթերում ասաց միջազգայնագետ Գրիգոր Բալասանյանը։
Նրա խոսքով` Հայաստանը պետք է լինի տարածաշրջանի Հյուսիսային Կորեա, եթե ուզում է փրկվել։
«Պետք է տարածաշրջանում լինես մեկը, ումից բոլորը վախենում են, ով բոլորի դեմ կռվում է։ Հիմա Հայաստանին անկյուն են գցել, և մենք բոլոր դաշնակից, բարեկամ գործընկերներին պետք է ասենք, որ մեր միջազգայնորեն ընդունված սահմաններում օկուպանտ կա, մենք ոչնչացնում ենք, հակաահաբեկչական գործողություն ենք անում, եկեք, մեզ օգնեք։ Իրանի հետ զորավարժություն անենք, փորձարկումներ Ադրբեջանի սահմանին… Ո՞վ պետք է մեզ ինչ-որ բան ասի։ Միացյալ Նահանգնե՞րը։ Ցտեսություն։ Եվրոպա՞ն։ Հաջողություն։ Եվ հաջողություն բոլոր նրանց, ովքեր չեն ցանկանում, որ մեզ լավ լինի»,–ասաց միջազգայնագետը։
@ArmeniaSputnik