ՆԻԿՈԼԱԿԱՆՈՒԹՅՈՒՆԸ Ո՞ՐՏԵՂ Է«Հայկական մտքաչափ» սոցիոլոգիական հետազոտության շրջանակներում արդեն երկրորդ անգամ փորձել ենք առնչակցություն գտնել որևէ մի փոփոխականի և դե-ֆակտո իշխող ուժին քվեարկելու («նիկոլականության») միջև։ Թե՛ մեր ավագ գործընկերների, և թե՛ մեր հարցումները ցույց են տալիս, որ տարածված կարծրատիպը, թե իբր այդ սեգմենտը բաղկացած է «գյուղաբնակ, բարձր տարիքի, աղքատ, ցածր կրթական ցենզով իգական սեռի ներկայացուցիչներից», լրիվ սխալ է։ Բնակության տիպի, տարիքի, սեռի, կրթական և ունեցվածքային ցենզերի կոռելյացիան «նիկոլականության» հետ գրեթե գոյություն չունեցող է (Պիրսոնի կոռելյացիայի գործակցով դրանցից ոչ մեկը չի հասնում նույնիսկ ±0.2-ի)։
Միակ առնչակցությունը, որ գտել ենք մեր վերջին տարիների ազգային ձախողումների մեղավորության նշանակման մեջ է։ Այսպես՝ եթե նայենք, թե ինչպես են բաշխվում այն մարդկանց ձայները, որոնք կարծում են, որ Արցախի ռազմաքաղաքական ղեկավարության ներկայացուցիչները գտնվում են ադրբեջանական բանտում իրենց իսկ (!) պատճառով, ապա իշխող ուժն այդտեղ մոտ 58% բաժին ունի։ Կարծում եմ՝ պարզ է, թե ինչու։ Այստեղ կա գաղափարական պատճառականություն, որ քարոզում են դե-ֆակտո իշխանությունները («մենք ոչնչում մեղավոր չենք առհասարակ»)։ Իսկ եթե հակառակը նայենք, թե ինչպես են բաշխվում այն մարդկանց ձայները, որոնք կարծում են, որ Արցախի ռազմաքաղաքական ղեկավարության ներկայացուցիչները պատանդառվել են Հայաստանի կառավարության մեղքով, ապա կստանանք հակառակ պատկեր՝ առաջատարությամբ ընդդիմադիր ուժերի։ Սրանք ինքնին ոչ թե ընտրական վարկանիշերն են, այլ խաչաձև չափում, թե ինչպես են երկու ենթակլաստերների միջև դրսևորովում փոփոխականները։
Կարծում ենք, որ սա է պատճառը, որ մինչ օրս Արցախի հարցը չի իջնում և չպիտի՛ իջնի հանրային օրակարգից, անգամ եթե առաջին հայացքից հարցն այդ պահին կապ չունի «թեմայի» հետ։ Այդպես էր Երևանի ընտրություններում, անցյալ տարվա Վաղարշապատի ընտրություններում, և այդպես պիտի լինի բոլոր ժամանակներում մինչև Արցախի լիակատար վերաազատագրումը։
Հ․Գ․ Ասում են՝ իշխանական ինչ-որ կերպարներ առանց ասելիքս հասկանալու փորձել են կոնտեքստից կտրել թվերը և ստվեր նետել մեր հետազոտության վրա։ Գերաշնորհ Արշակ արքեպիսկոպոս Խաչատրյանի երեկվա խոսքերը քաղաքացի Արմանի մասին հավասարապես վերաբերում են նաև այդ մարդկանց, դրա համար այլ անդրադարձի իմաստ չեմ տեսնում։
https://youtu.be/_QMDC_xbS5s?si=F4IsGPbPxGyk-tfH#ՀավերժականՀայաստան
#ՀաջորդտարիՇուշիում
քաղաքագետ Էդգար Էլբակյան
@elbakyan_edgar
Ինչպե՞ս կքվեարկի ընդդիմադիր զանգվածը․ «Ուժեղ Հայաստան»՝ 56%, «Հայաստան» դաշինք՝ 25%, ԲՀԿ՝ 8,3%
Yerkir.am-ի հրապարակումներին կարող եք հետևել նաև այլ հարթակներում․
📌Facebook — https://www.facebook.com/yerkir.am
📌Telegram — https://t.me/yerkir123
📌Instagram — https://www.instagram.com/yerkir_daily/
📌TikTok — https://www.tiktok.com/@yerkir.am