Blog

«Կարմիր կովը կաշին չի փոխում». Քոչարյանի թիկնապահ Արոն մեզ հրելով մեկուսացրեց, որ իր պահպանյալին հարց չտանք: Ու դա` Քոչարյանի լուռ համաձայնությամբ:
Իսկ ես ընդամենը հարցնում էի «Պարոն Քոչարյան, ինչու՞ չեք ցանկանում գնալ Հանրայինի հրավիրած բանավեճին, որ Նիկոլ Փաշինյանի երեսին ասեք այն, ինչ մտածում եք»:
Նկատենք, որ սրանից մի քանի րոպե առաջ մեր հարցերին շատ համբերատար ու քաղաքավարի պատասխանում էր Ռոբերտ Քոչարյանի որդին` Լևոնը, ու ոք չէր խոչընդոտում մեր աշխատանքը: Սրանից երկու օր առաջ էլ նույն Ռոբերտ Քոչարյանը մեկուկես ժամ Հանրայինի եթերում նստած` շատ քաղաքավարի պատասխանում էր նիկոլական ամենաընդգծված պրոպագանդիստ Պետրոս Ղազարյանի սուր հարցերին, և նրա թիկնապահները Պետրոսին չէին հրում, որ շեֆին հանկարծ վատ հարց չտար:
Երկու օր առաջ էլ Նիկոլ Փաշինյանը չպատասխանեց իմ հարցերին` փոխարենը ինձ սպառնալով, թե քեզ պիտի դատի տան:
Տղերք, ավելի շուտ` պարոնայք Քոչարյան և Փաշինյան, կարո՞ղ դուք երկուսով վերջապես միավորվեք, ինձ գլխից խփել տաք, պրծնեք: Թե չէ ի՞նչ մի` ձեզ կուլտուրական եք պահում, մեկդ քաղաքավարի սպառնում է դատի տալ, մյուսի թիկնապահն է հրում: Վերացրեք, պրծեք, էլի, ձևերը չգիտե՞ք:
Հ.Գ. Ես Ռոբերտ Քոչարյանին և «Հայաստան» դաշինքին մինչև ընտրություններ այլևս չեմ լուսաբանելու ոչ մի կերպ: Ուղղակի անտեսելու եմ և վերջ, որ չասեք`հատուկ եկել բզբզում եմ, սադրում եմ, խանգարում եմ, «Նիկոլի ջրաղացին եմ ջուր լցնում» և այլն, որ վերջում մարդ ես ու հանկարծ չհաղթեք` մեղքը իմ վրա չբարդեք:
Մեկ էլ կլուսաբանեմ ընտրություններից հետո, եթե այս անգամ ևս մասնակցեն ու չկրեն և որոշեն էլի մանդատները վերցնել ու գնալ ՔՊ-ի մոտ ընդդիմություն աշխատելու: Հլը ու չհաղթեն էս անգամ էլ, այդ էդ ժամանակ էլ ոչ ոք ու ոչ մի թիկնապահ չի կարողանա խոչընդոտել ինձ` Քոչարյանին ու իր թիմին լուսաբանել այնպես, ինչպես ես հարմար կգտնեմ:
Իսկ հիմա ես ընդդիմությանը, այդ թվում` Քոչարյանի գլխավորած «Հայաստան» դաշինքին իսկապես հաջողություն եմ մաղթում:
Կհանդիպենք հունիսի 8-ին և դրանից հետո: Չաո: 😉