Blog

Տեղի է ունեցել Ռուսաստանի նախագահ Վլադիմիր Պուտինի և ԱՄԷ նախագահ Մուհամմեդ բեն Զայեդ Ալ Նահայյանի հեռախոսազրույցը։
Հեռախոսազրույցի ընթացքում Վլադիմիր Պուտինը և Մուհամմեդ բեն Զայեդ Ալ Նահայյանը լուրջ մտահոգություն են հայտնել Մերձավոր Արևելքում ռազմաքաղաքական իրավիճակի շարունակվող վատթարացման, խաղաղ բնակչության զոհերի, ինչպես նաև էներգետիկ, արդյունաբերական և այլ քաղաքացիական ենթակառուցվածքների ոչնչացման առնչությամբ։
Ընդգծվել է ռազմական գործողությունների հնարավորինս շուտ դադարեցման և հակամարտության խաղաղ կարգավորման նպատակով քաղաքական-դիվանագիտական ջանքերի ակտիվացման կարևորությունը՝ տարածաշրջանի բոլոր պետությունների օրինական շահերի պահպանմամբ, որոնց հետ Ռուսաստանը ավանդաբար պահպանում է բարեկամական և փոխշահավետ հարաբերություններ։
Առանձնահատուկ գոհունակությամբ առաջնորդները նշել են ռուսաստան-էմիրաթական համագործակցության և շփումների բարձր մակարդակը, որոնք հաջողությամբ զարգանում են բազմաթիվ ուղղություններով։