Մինչդեռ Ադրբեջանի այդ «համաժողովները» հատվածական չեն, այլ համակարգվում են պետության ամենաբարձր մակարդակից, կարելի է ասել՝ ռազմավարություն են, որի կարևորությունը ոչ մի պարագայում չի նվազեցվում՝ հաշվի առնելով նաև Իլհամ Ալիևի հայտարարությունը Բաքվից։ Դրան զուգահեռ ընթացող Իսլամական զարգացման բանկի խմբի տարեկան ժողովների բացման արարողության ելույթում Ալիևը կրկին հայտարարեց, թե «Ադրբեջանի ժողովուրդը երբեք չի մոռանա հայկական օկուպացիոն ուժերի հանցագործությունները և ղարաբաղյան հակամարտության ընթացքում տեղի ունեցած ցեղասպանությունը», այս անգամ հավելելով՝ «բայց պետք է նայել դեպի ապագան»։ Իսկ ու՞ր է նայում Նախիջևանում ընթացող «Վերադարձ Արևմտյան Ադրբեջան» համաժողով անցկացնելու ռազմավարությունը․ իհարկե կրկին «դեպի ապագան»։
Մենք պետք է դադարե՛նք ինքներս մեզ խաբել։ Ադրբեջանը Հայաստանի հետ խաղաղության մոդելը դիտարկում է Հայաստանի Հանրապետության թուլացման և ադրբեջանացման կոնտեքստում։ Եթե մենք դադարում ենք սթափ դատել և փորձում ենք ապրել պատրանքներով, դա բնավ չի նշանակում, որ Ադրբեջանը իր «դարի նախագծից» ձեռ կքաշի։