Blog

ԱՄՆ կենտրոնական հրամանատարությունը հրապարակել է տեսանյութ, որում երևում է, թե ինչպես են B-2 Spirit ռմբակոծիչները բարձրանում՝ Իրանի ռազմական թիրախների վրա հեռահար հարվածներ հասցնելու համար։
«B-2 գաղտագողի ռմբակոծիչները օդ բարձրացան՝ «Էպիկական կատաղություն» գործողության շրջանակներում հեռահար հարվածներ հասցնելու համար՝ ոչ միայն վերացնելով իրանական ռեժիմի այսօրվա սպառնալիքը, այլև զրկելով նրան ապագայում իր կարողությունները վերականգնելու հնարավորությունից», — ասվում է ԱՄՆ կենտրոնական հրամանատարության հաղորդագրության մեջ։

Թուրքիայի նախագահ Ռեջեփ Էրդողանը հայտարարել է, որ Անկարան պատրաստ է արձագանքել իր հասցեին ուղղված բոլոր սպառնալիքներին և ձեռնարկում է անհրաժեշտ միջոցներ, որպեսզի չներքաշվի Իրանի շուրջ ծավալվող հակամարտության մեջ։ Նա այդ հայտարարությունն արել է Ստամբուլում՝ Ռամադան ամսվա ավանդական իֆթարի ժամանակ։
«Մենք ձեռնարկում ենք անվտանգության անհրաժեշտ միջոցներ` մեր օդային տարածքի խախտման ցանկացած սպառնալիքի դեպքում, ինչպես տեղի ունեցավ նախօրեին երեկոյան»,- ասել է Թուրքիայի նախագահը՝ անդրադառնալով Իրանի տարածքից արձակված և Թուրքիայի երկնքում խոցված հրթիռի միջադեպին։
Էրդողանի խոսքով՝ Թուրքիայի հիմնական նպատակն է պաշտպանել երկիրը հակամարտության տարածումից։ «Մեր գլխավոր խնդիրը մեր երկիրն այս կրակոտ թակարդից հեռու պահելն է»,- նշել է նա։