Մի քանի օր առաջ փաստարկված ցույց էի տվել, որ Փաշինյանի օգտին նկարված 65%-ը ոչ մի կապ չունի իրականության հետ։ Այսօրվա ԿԸՀ-ի նիստը, ցույցի ժամանակ հնչած սպառնալից ելույթները, այդ ամենի վառ ապացույցն են․ միայն իշխանությունը կորցնող ղեկավարությունը կարող էր նման ապօրինի քայլի գնալ։ Փաշինյանը բոլորից լավ տեղյակ է, որ չի կարող նորմալ ընտրություններով մնալ իշխանության։
Եթե Նիկոլ Փաշինյանը ընտրություններից երկու օր առաջ ակնհայտ ապօրինություններով դելիգիտիմացնում է ընտրությունները, դրանով իսկ նա փաստացի ընդունում է, որ ՀՀ-ում ինքը լեգիտիմ իշխանություն չունի, ուստի փորձելու է ղեկավարումը պահել ուժայիններով, իսկ դա, գիտենք, որ չի կարող որևէ դրական ելք ունենալ պետության համար։
Ուրեմն արդեն քանի օր է, ինչ «Հարցումների ամփոփում և ընտրությունների վերլուծություն Եվրոպայում» կոչվող «Europe Elects» աղբյուրը՝ հղում անելով «Breavis»-ի հարցումներին, մի սանդղակ է տարածում, որտեղ իշխող «Քանդենք պետությունը» կուսակցությունն ունի 65% ձայն։ Սենց…