Blog

Ուկրաինայի Զինված ուժերի ռազմաօդային ուժերի խոսնակ Յուրի Իգնատը հայտարարել է, որ ռուսական «Իսկանդեր-Մ»-ի հրթիռները կարող են աննշան տատանումներ դրսևորել թիրախին հասնելիս, ինչը բարդացնում է «Պատրիոտ» հակաօդային պաշտպանության համակարգի աշխատանքը։
Նրա խոսքվ, «Պատրիոտ»-ը բալիստիկ հրթիռներ է որսում կամ խոցում ավտոմատ ռեժիմում, ինչի պատճառով համակարգի համար բարդ է հաշվարկել թռիչքի պահին մանևրող հրթիռների որսալու պահը։
Իգնատը նշել է, որ Ռուսաստանը նախորդ տարվա համեմատ զգալիորեն ավելացրել է «Իսկանդեր-Մ»-ից հրթիռների արձակումները։
Ավելին, ռուս զինվորականները սկսել են կիրառել «Իսկանդեր-Մ»-ը ոչ միայն հաճախ, այլև տարբեր ուղղություններից, նաև` համադրելով այն այլ միջոցների հետ, և հատկապես անօդաչու թռչող սարքերի և թևավոր հրթիռների։
Եվ այս ամենն էլ, իր հերթին, էլ ավելի է բարդացնում «Իսկանդեր-Մ»-ից արձակված հրթիռների խոցումը։