Blog

«Ալիևի վերջին հայտարարությունները Շուշիում ցույց տվեցին՝ իրականում Թրամփի ասած «հրաշքը» չկա»։

«Աբովյան time» պոդկաստի հեղինակ Արման Աբովյանի զրուցակիցը քաղաքագետ Արման Ղուկասյանն է։

«Չի կարելի ասել, թե Հայաստանն ու Ադրբեջանը իրականում ուղիղ են բանակցում։ Վերջին շրջանում գործընթացում բավական ակտիվ ներգրավված է Թրամփի վարչակազմը և նրա թիմը, որոնք հանդես են գալիս որպես միջնորդ։ Թրամփը հստակ նպատակ ունի ապացուցել աշխարհին, որ խաղաղության ջատագով է։ Ռուս-ուկրաինական ուղղությամբ իր նախաձեռնությունները մեծ հաջողությամբ չեն պսակվել, և այժմ նա փորձում է այդ «փայլուն արդյունքը» ստանալ հայ-ադրբեջանական հարաբերությունների կարգավորման միջոցով։ Այդ պատճառով էլ հաճախ խոսվում է ինչ-որ «հրաշքի» մասին։ Բայց Ալիևի վերջին հայտարարությունները Շուշիում ցույց տվեցին՝ իրականում որևէ հրաշք չկա»։

🎦զրույցն ամբողջությամբ
♥️@RadioSputnikArm | LIVE 106.0FM

«Պետությունը փորձում է ներպետական դատարանների միջոցով չեզոքացնել արբիտրի որոշումը, ինչն անթույլատրելի է»։

Ինչ է ի արբիտրաժային դատարանը և կարո՞ղ է արդյոք այդ դատարանի պարտադիր կատարման որոշումը նաև պարտադիր չլինել․ հարցն ուղղել ենք Միջազգային և համեմատական իրավունքի կենտրոնի նախագահ, իրավապաշտպան Սիրանուշ Սահակյանին։
📌Հայաստանի կառավարությունը, համենայն դեպս այսօր, չի պատրաստվում կատարել Ստոկհոլմի առևտրային պալատի արբիտրաժային ինստիտուտի որոշումը։ Հրատապ արբիտրաժը պարտավորեցրել է Հայաստանին ձեռնպահ մնալ «Հայաստանի էլեկտրական ցանցեր» ընկերության նկատմամբ վերջերս ընդունած օրենքների դրույթները կիրառելուց և այն բռնագրավելու հետագա քայլերից։ Արբիտրաժը երզրակացրել էր, որ Հայաստանի գործողությունները լուրջ կասկածներ են առաջացնում, թե դրանք համապատասխանում են Կիպրոսի հետ ներդրումների փոխադարձ պաշտպանության համաձայնագրին։ Ու թեև Ստոկհոլմի արբիտրաժային ինստիտուտը նշում է, որ իր որոշումը ենթակա է պարտադիր կատարման, Հայաստանի կառավարության ներկայացուցիչների պարզաբանումներից դատելով դա այնքան էլ այդպես չէ․ դեռ ելքեր են փնտրում։
♥️@RadioSputnikArm | LIVE 106.0FM