– Ստացվում է, որ Փաշինյանի սպառնալիքն այդքան էլ իրատեսական չէ, ու որ պատերազմը կամ խաղաղությունը բնավ կապված չէ՞ անձերից:
– Իրականում, 44-օրյա պատերազմին Ադրբեջանի կողմից նախորդել էր հսկայական դիվանագիտական աշխատանք, ու նման լայնածավալ պատերազմի հետ կապված ձեռք էր բերվել որոշակի ստատուս քվո, այսինքն՝ որոշակի չեզոքություն: Դա սովորական, իրենց կյանքով ապրող քաղաքացիներին բացատրելը բավականին բարդ է, որ միջազգային հարաբերություններում խոշոր, լայնածավալ պատերազմները տեղի են ունենում բավականին բարդ համաձայնությունների ձեռքբերումից հետո, որպես այդպիսին դա հեշտ չէ:
Եթե, օրինակ՝ լիներ կանխատեսում, որ ամերիկյան վարչակարգ է կտրուկ փոխվելու, ապա այդ դեպքում ես կասեի, որ տարածաշրջանում ռիսկերը մեծանալու են, որովհետև այս պահի դրությամբ նույն Նիկոլ Փաշինյանի քաղաքականության հետևանքով, անցած տարվա գարնանը՝ մարտ-ապրիլ ամիսներին, մենք ունեցանք իրական պատերազմական իրավիճակ, երբ Նիկոլ Փաշինյանի կառավարությունը համաձայնեց խաղաղության պայմանագրի բոլոր կետերին ու անգամ պատրաստ էր արագորեն միակողմանի ստորագրել: Այդ ժամանակ Ադրբեջանի պատերազմական հռետորաբանությունը կտրուկ աճեց, ու այդ ամենը կասեցվեց Սպիտակ տան միջնորդության շնորհիվ:
Մինչ այդ նման զսպող ոչ պակաս դերակատարում ուներ Իրանը, այսինքն՝ Փաշինյանի կառավարման տարբեր փուլերում Ադրբեջանը հստակ ագրեսիվ դրսևորումներ է ունեցել, որոնք տարբեր գործոններով՝ աշխարհաքաղաքական, տարածաշրջանային, պայմանավորված զսպվել են՝ ի բարօրություն մեզ:
Կան երկու կարևոր հարցեր, որոնց պատասխանը Նիկոլ Փաշինյանն ու իր թիմը չեն տալիս. ի՞նչ կլինի Հայաստանի հետ իրավացիորեն, եթե դուք մնաք, արդյոք չե՞ք պատրաստվում ապահովել ադրբեջանցիների մուտքը Հայաստան Ալիևի հրամանով, որտեղ նրանք անկարգություններ կհրահրեն:
Ի՞նչ եք դուք արել վերջին վեց տարիների ընթացքում, որ, եթե, օրինակ՝ իշխանություն փոխվի, ապա Ադրբեջանը կարող է հարձակվել, ու դա աղետալի հետևանքներ ունենա: Սա նշանակում է, որ դուք կատարյալ ձախողված քաղաքական ուժ եք, որ Հայաստանն այդ վիճակին եք հասցրել, ու ավելի շուտ պետք է հեռանաք, որովհետև դա ուղղակի անհրաժեշտություն է, որովհետև ձեր հայտարարությունը նշանակում է, որ դուք այն կարգի չեք աշխատել, որ Հայաստանը կարող է նման իրավիճակում հայտնվել:
Այս մարդիկ պատասխանատու են ոչ միայն իրենց կառավարման ժամանակաշրջանի համար, այլ նաև դրան հաջորդող փուլերի համար: Այդ ինչպե՛ս է, որ իրենք մինչև հիմա Արցախի մասով մեղքը փորձում են բարդել նախկինների վրա, հիմա նշանակում է, որ դուք չեք աշխատել, բանակը չեք պատրաստել ու հաջորդ իշխանությանը կանգնեցնելու եք փաստի առաջ:
https://medialab.am/315756/
Չեմ բացառում, որ Ալիևն ինչ-որ փուլում լարվածություն ստեղծի, երբ տեսնի, որ Փաշինյանի իշխանությանը վտանգ է սպառնում. Տաթևիկ Հայրապետյան…
«Մեդիալաբի» հարցերին պատասխանում է պատմական գիտությունների թեկնածու, ադրբեջանագետ Տաթևիկ Հայրապետյանը — Տիկի՛ն Հայրապետյան, տևական ժամանակ է, ինչ իշխանության ներկայացուցիչները՝ Նիկոլ Փաշինյանի գլխավորությամբ հայտարարում են, որ եթե հունիսի 7-ին ՔՊ-ն չստանա…