Հարգելի հայրենակիցներ, վերջին օրերին որոշ անձանց կողմից տեղեկատվական դաշտ են նետվել կեղծ լուրեր պատերազմական եւ հետպատերազմական իրադարձությունների վերաբերյալ՝ շահարկելով իմ անձը։
Իրականությանը չհամապատասխանող լուրեր տարածող անձինք օգտագործում են այն հանգամանքը, որ ես, գերադասելով ազգային եւ պետական շահը, զերծ եմ մնում պատերազմին վերաբերող հարցերին հրապարակային պարզաբանումներ տալուց։
Հետեւաբար, առաջարկում եմ Ազգային ժողովում կազմակերպել փակ ձեւաչափով քննարկում 2020 թվականի պատերազմի եւ հետպատերազմական իրադարձությունների վերաբերյալ՝ քննարկմանը ներգրավելով այդ ժամանակահատվածում պաշտոնավարած քաղաքական եւ ռազմական առանցքային պաշտոններ զբաղեցրած անձանց, ինչպես նաեւ պետական եւ ծառայողական գաղտնիք պարունակող տվյալներին առնչվելու համապատասխան թույլտվություն ունեցող քաղաքական եւ հասարակական գործիչներին եւ զոհված ու անհետ կորած զինծառայողների հարազատներին։
Ժամանակն է առերեսվել իրականության հետ եւ պայթեցնել շրջանառվող բոլոր ստերն ու անհարկի շահարկումները։
Պատրաստ եմ զինված ուժերին վերաբերելի մասով ներկայացնել մանրամասն եւ բազմակողմանի փաստարկված վերլուծություն։
Օնիկ Գասպարյան
Հ. Գ. Թե բա ազգային շահը, էդ ո՞րն է, ազգային շա՞հ է մնացել, թե՞ ձեր և Նիկոլ Փաշինյանի մասին ես խոսում։ Լավ էլ իշխանություններին, Քոչարյան Անդոյին ճիշտ ժամանակին օգնության ես հասնում։ Ձեր նմանների համար կռիվ ենք տվել, երբեմն նույնիսկ դեռ տալիս։ Պատասխան եք տալու մի օր հուսով եմ։ Արի իմ դեմս կանգնի և պայթեցրու բա…
Օնիկ Գասպարյան, Անդրանիկ Քոչարյանի և իշխանությունների հետ փակ քննարկումներից չե՞ս հոգնել։ Հենա 2 անգամ 5 ժամ խոսացել ես էլի։ Էս ինքնակոչ խորհրդականիդ միջոցով ես տարածել հայտարարությունդ։ Մի օր նայելու ես չէ՞ աչքերիս մեջ։