Սեդրակի՞չ, դու տնտեսագիտություն գիտե՞ս
Ինձ թվում է` Ռոբերտ Քոչարյանը, եթե մի քիչ տնտեսագիտություն իմանար կամ տնտեսագիտությանը մի քիչ ավելի խորը` ոչ պրիմիտիվ մակարդակով տիրապետեր, ապա ՔՊ-ից տնտեսագետ Բաբկեն Թունյանն իր մասին էսպիսի տեսանյութ չէր նկարի ու մասնագիտորեն իրեն սխալ չէր հանի, ինչն ամոթ է, կարծում է:
Երկրորդ, եթե երկրորդ նախագահը իրապես տիրապետեր տնտեսագիտության տարրական կանոններին, կիմանար, որ Հայաստանում մրցակցային շուկայական հարաբերություններ են, և կառավարությունը` ինչպես հիմա, այնպես էլ նախկինում, մաքսատուրքից ազատման արտոնություն է տալիս այն ընկերություններին, որոնք ավելի մրցունակ ներդրումային ծրագիր են ներկայացնում: Թե չէ ի՞նչ է նշանակում` պետք է բոլորին տալ այդ «մաքսային մուծումներից» ազատման արտոնությունը: Բոլորին արտոնություն տաս, որ ի՞նչ անեն:
Էն դիմացը նստած Աննա Գրիգորյանն էլ, վստահ եմ` ամեն ինչ շատ լավ ըմբռնելով, գլուխը տմբտմբացնում է, թե` «հա, բա ոնց, ամեն ինչ ճիշտ ես ասում, մեծարգո նախագահ»: Դե, մեծարգո նախագաՆ ո՞նց կարա սխալ ասի` չէ՞ որ ինքը 98 թվին եկել և տնտեսական հրաշք է բերել Հայաստան:
Հ.Գ. էսպիսի` տնտեսագիտությունից և իրականությունից կտրված մտքերի փոխարեն, եթե ուզում եք ավելի պոպոլիստական հնչի գոնե, ավելի լավ է ուղղակի ասեք` բոլորիդ մաքսատուրքից և հարկերից կազատենք 😀