«Թե՛ Հնդկաստանը, թե՛ Իրանը ավելի շահագրգռված են Հայաստանի հետ հարաբերությունների զարգացմամբ, քան Հայաստանը»։
«Աբովյան Time» պոդկաստի հեղինակ Արման Աբովյանի հետ զրույցում քաղաքագետ Հրանտ Միքայելյանը նշում է՝ երևույթը տարօրինակ է, և հարց է առաջացնում, թե ինչու է այդպես, քանի որ օբյեկտիվորեն պետք է հակառակը լինի՝ Հայաստանը պետք է առավել նախաձեռնող լինի։ «Իհարկե, մյուս կողմից ևս պետք է հետաքրքրություն լինի, և մենք տեսնում ենք, որ նման հետաքրքրություն կա»,- ասում է քաղաքագետը։
«Հույս ունեմ և կարծում եմ, որ Հայաստանի իշխանությունները չեն մասնակցի որևէ գործողության, որը կարող է ուղղված լինել Իրանի դեմ։ Հնարավոր է, որ ամերիկյան կողմը, առանց Հայաստանի մասնակցության կամ կարծիքը հարցնելու իրականացնի ինչ-որ հետախուզական գործողություններ․ նրանք այստեղ, դեսպանության տարածքում, դրա համար բավական հնարավորություններ ունեն։ Սակայն սա հիպոթետիկ տարբերակ է և Հայաստանի հետ ուղիղ կապ չունի։ Այս պահին բոլոր նրանք, ովքեր հետևում են գործընթացներին սպասում են, որ հնարավոր է պատերազմ Իրանի և ԱՄՆ-ի միջև. սակայն մեծ հարց է մնում՝ ինչպե՞ս է այն ավարտվելու»։
Ինչ վերաբերում է հայ-իրանական զորավարժություններին, ապա քաղաքագետն ընդգծում է՝ միայն զուգահեռ զորավարժությունները բավարար չեն, անհրաժեշտ են իրական, համատեղ զորավարժություններ։
🎦զրույցն ամբողջությամբ
Թողնել պատասխան