Ադրբեջանում պահվող հայ ռազմագերիների մասին ՌԴ ԱԳ նախարարի հնչեցրած մոտեցումը վերջնականապես պարզ է դարձնում, որ հայ ռազմագերիները պատանդ են ռուս-թուրքական հարավկովկասյան պրոյեկտի իրականացման ձեռքին, հայ ռազմագերիները ռուս-ադրբեջանական լրացուցիչ լծակ են Հայաստանի ներքաղաքական և արտաքին քաղաքական կենսական օրակարգերից Հայաստանի հանրության և քաղաքական դասի ուշադրությունը շեղելու և ցրելու համար: Դատապարտելով հայտարարությունը՝ կոչ ենք անում ամբողջ ներուժն օգտագործել միջազգային հանրության և կառույցների միջոցով ռուս-թուրքական և ռուս-ադրբեջանական պատանդառման հակաքաղաքակրթական-ահաբեկչական նախագիծը տապալելու և հայազգի մարդկանց ազատությունն օր առաջ ապահովելու նպատակով: [«Պահպանողական», «Հայաստանի Եվրոպական», «Ինքնիշխան Հայաստան» կուսակցություններ]