Հայաստանը և Թուրքիան Անիի կամրջի վերականգնման մասին համաձայնագիր են ստորագրել, գրել է Երևանում գտնվող Թուրքիայի փոխնախագահ Ջևդեթ Յըլմազը և լուսանկարներ հրապարակել։«Հավատում ենք, որ համագործակցության խորհրդանշական և կոնկրետ ոլորտները, ինչպիսին է Անիի կամրջի համատեղ վերականգնումը, որի տակ այսօր մեր ստորագրությունը դրեցինք փոխըմբռնման հուշագրով, նույնպես կնպաստեն խաղաղության և անվտանգության տևական մթնոլորտի ձևավորմանը»
,- գրել է Յըլմազը:
«Արդյունավետ զրույց ունեցա Թուրքիայի փոխնախագահի հետ։ Անդրադարձ կատարվեց Հայաստանի և Թուրքիայի միջև երկկողմ և տարածաշրջանային համագործակցության հնարավորություններին։ Ողջունվեց պատմական Անիի կամրջի համատեղ վերակառուցման վերաբերյալ արձանագրության ստորագրումը»
,-X-ում գրել է վարչապետ Նիկոլ Փաշինյանը։
Ստորագրվեց Հայաստանի և Թուրքիայի սահմանին տեղակայված պատմական Անիի (Մետաքսի ճանապարհի) կամրջի համատեղ վերականգնման աշխատանքների իրականացման արձանագրությունը, հայտնում է վարչապետ Փաշինյանը:
Թողնել պատասխան