Ուղերձ ժողովրդինԵս լսեցի բանավեճ կոչվող այդ խայտառակ երևույթը։ Միակ քաղաքական ու…

Ուղերձ ժողովրդին
Ես լսեցի բանավեճ կոչվող այդ խայտառակ երևույթը։ Միակ քաղաքական ուժը, որը բարձրաձայնեց մեր հողերի վերադարձի անհրաժեշտության մասին, «ՔՈՉԱՐԻ» կուսակցությունն էր։
Դա բանավեճ չէր, այլ իսկական բալագան։
Կուսակցությունները գնում են ընտրությունների, սակայն ժողովրդին ոչինչ չառաջարկեցին։
Ի՞նչ տեսա ես. երկու դաշինք։ Մեկը սպասարկում է Մոսկվային, մյուսները՝ ում պատահի։ Միակ կուսակցությունը, որը ո՛չ Արևմուտքի կողմնակից է, ո՛չ Ռուսաստանի, դարձյալ «ՔՈՉԱՐԻ» կուսակցությունն է։
Իսկ այժմ՝ ամենակարևորի մասին։
Խոսում էին Հայաստանում տեղակայված ռուսական 102-րդ ռազմական բազայի, Պուտինի, Եվրոպայի, TRIPP ճանապարհի, Մարտի 1-ի և ինչ-որ անհասկանալի «խաղաղության» մասին։ Խոսում էին 300 հազար ադրբեջանցիների մասին, որոնք իբր թե արդեն պետք է ժամանեն Հայաստան, և հղում էին անում ՀՀ արտաքին հետախուզության ծառայությանը (ԱՀԾ)։ Թեև ԱՀԾ-ն նման բան չէր ասել, սակայն հետախուզության վերլուծությունը ներկայացրեցին որպես կատարված փաստ։ Հետախուզությունն ընդամենն ասել էր, որ Ալիևն այդ նարատիվն օգտագործում է որպես ճնշման միջոց։ «Ուժեղ Հայաստան» կուսակցության քաղաքական գործիչները չեն հասկանում հետախուզական վերլուծության լեզուն։ Դրանից բացի, նրանց նպատակը ոչ թե իրենց ծրագրերը քննարկելն ու առաջարկելն էր, այլ Փաշինյանի վրա հարձակվելը, իսկ Փաշինյանն էլ պաշտպանվում ու հակահարձակման էր անցնում։ Ասում էին, թե թույլ չեն տա Բաքվի լկտի պահվածքը, բայց թե ինչպե՛ս՝ չասացին։ Խոսում էին հզոր բանակ, ռազմարդյունաբերական համալիր ստեղծելու և շատ այլ հիմարությունների մասին, վիճում էին, վիրավորում միմյանց, ԲԱՅՑ ԱՄԵՆԱԿԱՐԵՎՈՐԸ՝ ՁԵՐ ՄԱՍԻՆ ՄՈՌԱՑԱՆ։
ՈՉ ՄԻ ԲԱՆ չասվեց երեխաների, հասանելի և անվճար բժշկության մասին, այն մասին, որ քաղաքացիների հանդեպ հոգատարությունը պետության պարտականությունն է. չխոսեցին նաև անվճար կրթության մասին։
https://www.youtube.com/watch?v=-8nUjXkBdz0