Կառավարության շենքի առջև այսօր բողոքի ակցիա իրականացնող՝ Արցախում ծառայության մեջ գտնվող զինվորների ծնողներից մի քանիսին ընդունեց Նիկոլ Փաշինյանը։ Ծնողների պահանջն է, որ 18-20 տարեկան ժամկետային զինծառայողներին վերադարձնեն Հայաստանում տեղակայված իրենց զորամասերում իրենց ծառայությունը շարունակելու համար։ Ծնողներից մեկը նշեց, որ խոսվել է արձակուրդի մասին, սակայն իրենք համաձայն չեն դրան։ Ծնողների կողմից առաջարկ է եղել հիմնադրամից վերցրած գումարները օգտագործել պայմանագրային ծառայողներին ուղարկելու և զինվորներին փոխարինելու համար։ |tert.am|