Հանրապետական կուսակցությունը պետք է արժանապատիվ հրաժեշտ տա իշխանությանը, միայն այդկերպ նա կարող է տարիներ հետո հավակնել իշխանության վերադառնալ: Այս կուսակցության մեջ կան մարդիկ, որոնց ներուժը պետք է մեր պետականաշինության մեջ: Ես կնշեմ Գագիկ Մինասյանի, Արտակ Զաքարյանի, Սամվել Ֆարմանյանի անունները, դուք կարող եք ցանկը շարունակել: Հանրապետական խմբակցության մեջ ներառված են այլ կուսակցությունների անդամներ, որոնք տարբեր խմբերի շահերի ներկայացուցիչ են և ապագա խորհրդարանում այդ խմբերը պետք է նույնպես ներկայացված լինեն: Խոսքս մասնավորապես ՛՛Հզոր Հայրենիք՛՛ կուսակցության մասին է: Այս կուսակցությունն ունի մեծ ներուժ, մեծ նյութատեխնիկական բազա, արտաքին լայն կապեր և այն կարող է օգտագործել հայաստանյան քաղաքական համակարգի զարգացման համար: Հուսով եմ, որ հեղափոխությունը կստիպի նրանց գնալ լուրջ փոփոխությունների կուսակցության ներսում և ապագայում ունենալ դինամիկ և ուժեղ կուսակցություն՝ լինի դա ընդդիմադիր դաշտում թե կառավարող կուսակցությունների շարքում: Իհարկե մեծ հույս ունեմ, որ Հանրապետական խմբակցությունը քվեարկելու է Նիկոլ Փաշինյանի օգտին՝ այսպիսով մնալով պատմության մեջ մի ուժ, որ թույլ տվեց առանց լուրջ ցնցումների գնալու իշխանափոխության: Եվ այս քայլը Հայաստանը տանելու է լուրջ ժողովրդավարացման և զարգացման:
Հայկ Խանումյան
Հայկ Խանումյան