Բիձինա Իվանիշվիլիի հաղթանակի անհրաժեշությունը
Այսօր Վրաստանում խորհրդարանական ընտրություններ են․ վրաց ժողովուրդը ընտրություն է կատարում գործող իշխանության և խիստ արևմտամետ, միաժամանակ սուր հակառուսականության կողմնակից ուժերի միջև։ Ինքը՝ իշխող «Վրացական երազանք» կուսակցության պատվավոր նախագահ Բիձինա Իվանիշվիլին այսօր քվեարկելուց հետո հայտարարել է․ «Մենք ունենք շատ պարզ ընտրություն. կա՛մ մենք ընտրում ենք կառավարություն, որը կծառայի ձեզ, Վրաստանի ժողովրդին, վրացական հասարակությանը, կհոգա երկրի մասին։ Կա՛մ կընտրենք օտար պետության գործակալ, որը միայն դրսից ցուցումներ կանի։ Գործակալները հրատապ խնդիր ունեն՝ ներքաշել Վրաստանին ռազմական գործողությունների մեջ»։
Տարածաշրջանում խաղաղության և կայունության հաստատման համար անհրաժեշտություն է, որ այսօր Վրաստանում վստահ հաղթանակ տանի Բիձինա Իվանիշվիլիի «Վրացական երազանքը», որին փորձ է արվում ներկայացնել իբրև ռուսամետ ուժ, սակայն իրականությունը այն է, որ Իվանիշվիլին փորձում է իրապես ինքնիշխան քաղաքականություն վարել, չհնազանդվել արևմուտքի ճնշումներին ու Վրաստանը չդարձնել պոլիգոն, տնտեսական հարաբերություններ զարգացնել նաև Ռուսաստանի հետ։ Արևմուտքում համարում են ռուսամետություն, երբ դու քո երկիրը ու ժողովրդին չես դնում զոհասեղանին հանուն արևմուտքի շահերի։ Հատկանշական է, որ Իվանիշվիլին հանդես է գալիս ԵՄ-ին ու ՆԱՏՕ-ին ինտեգրվելու քաղաքականության շարունակության օգտին, սակայն նաև ուղիղ հայտարարում է՝ իրենից արևմուտքում այլ բան են պահանջում՝ հակառուսականություն։
Հայաստանի ապագայի համար շատ կարևոր է, որ Վրաստանում իշխանության լինի մի ուժ, որը չի գնա արկածախնդրության, կպահպանի կայունությունը և կշարունակի երկխոսությունը Ռուսաստանի հետ։ Վերջին դրվագը շատ ավելի կարևոր է Հայաստանի համար, քանի որ ներկայումս Հայաստանը Ռուսաստանին լոգիստիկ հանգույցներով կապվում է հենց Վրաստանի տարածքով։
Հուսանք, որ «Վրացական երազանքը» վստահ հաղթանակ կտանի, ինչպես նաև կկարողանա զերծ մնալ հետընտրական հնարավոր անկարգություններից։ Հայաստանը պետք է ուշադիր հետևի Վրաստանում տեղի ունեցողին և ինքն էլ որդեգրի իրապես ինքնիշխան քաղաքականություն, այն է՝ առաջնորդվել բացառապես քո երկրի ու ժողովրդի շահերով ու ինքնակամ չպառկել զոհասեղանին հանուն այլոց։
Այսօր Վրաստանում խորհրդարանական ընտրություններ են․ վրաց ժողովուրդը ընտրություն է կատարում գործող իշխանության և խիստ արևմտամետ, միաժամանակ սուր հակառուսականության կողմնակից ուժերի միջև։ Ինքը՝ իշխող «Վրացական երազանք» կուսակցության պատվավոր նախագահ Բիձինա Իվանիշվիլին այսօր քվեարկելուց հետո հայտարարել է․ «Մենք ունենք շատ պարզ ընտրություն. կա՛մ մենք ընտրում ենք կառավարություն, որը կծառայի ձեզ, Վրաստանի ժողովրդին, վրացական հասարակությանը, կհոգա երկրի մասին։ Կա՛մ կընտրենք օտար պետության գործակալ, որը միայն դրսից ցուցումներ կանի։ Գործակալները հրատապ խնդիր ունեն՝ ներքաշել Վրաստանին ռազմական գործողությունների մեջ»։
Տարածաշրջանում խաղաղության և կայունության հաստատման համար անհրաժեշտություն է, որ այսօր Վրաստանում վստահ հաղթանակ տանի Բիձինա Իվանիշվիլիի «Վրացական երազանքը», որին փորձ է արվում ներկայացնել իբրև ռուսամետ ուժ, սակայն իրականությունը այն է, որ Իվանիշվիլին փորձում է իրապես ինքնիշխան քաղաքականություն վարել, չհնազանդվել արևմուտքի ճնշումներին ու Վրաստանը չդարձնել պոլիգոն, տնտեսական հարաբերություններ զարգացնել նաև Ռուսաստանի հետ։ Արևմուտքում համարում են ռուսամետություն, երբ դու քո երկիրը ու ժողովրդին չես դնում զոհասեղանին հանուն արևմուտքի շահերի։ Հատկանշական է, որ Իվանիշվիլին հանդես է գալիս ԵՄ-ին ու ՆԱՏՕ-ին ինտեգրվելու քաղաքականության շարունակության օգտին, սակայն նաև ուղիղ հայտարարում է՝ իրենից արևմուտքում այլ բան են պահանջում՝ հակառուսականություն։
Հայաստանի ապագայի համար շատ կարևոր է, որ Վրաստանում իշխանության լինի մի ուժ, որը չի գնա արկածախնդրության, կպահպանի կայունությունը և կշարունակի երկխոսությունը Ռուսաստանի հետ։ Վերջին դրվագը շատ ավելի կարևոր է Հայաստանի համար, քանի որ ներկայումս Հայաստանը Ռուսաստանին լոգիստիկ հանգույցներով կապվում է հենց Վրաստանի տարածքով։
Հուսանք, որ «Վրացական երազանքը» վստահ հաղթանակ կտանի, ինչպես նաև կկարողանա զերծ մնալ հետընտրական հնարավոր անկարգություններից։ Հայաստանը պետք է ուշադիր հետևի Վրաստանում տեղի ունեցողին և ինքն էլ որդեգրի իրապես ինքնիշխան քաղաքականություն, այն է՝ առաջնորդվել բացառապես քո երկրի ու ժողովրդի շահերով ու ինքնակամ չպառկել զոհասեղանին հանուն այլոց։